Jeremias 26:3 - Ti Baro a Naimbag a Damag Biblia

³ Nalabit a dumngegto kenka dagiti tattao ket laksidenda ti kinadakesda. No aramidenda daytoy, diakto ituloy ti panggepko a mangdadael kadakuada gapu iti kinadakesda.”

Ti Biblia (1973)

³ Bareng no ipangagdanto, ket agsublida tunggal tao manipud iti dakes a dalanna; tapno ibabawic coma ti dakes a pinanggepco nga aramiden cadacuada gapu iti kinadakes ti aramidda.

Jeremias 26:3 Iomraidhean Croise

1 Ar-ari 21:27

Idi malpas ti panagsao ni Elias, rinay-ab ni Ahab ti pagan-anayna, inuksobna ket nagarruat iti nakersang a lupot. Dina kayat ti mangan. Naturog a sikakawes iti nakersang a lupot ket nagpagnapagna a malmalday ken masmasnaayan.

1 Ar-ari 21:29

“Dimo kadi madlaw ti panagpakumbaba ni Ahab iti imatangko? Gapu ta inaramidna daytoy, saankonto a yeg ti didigra bayat ti panagbiagna. Idissuorkonto ti didigra iti familia ni Ahab inton panawen ti anakna a lalaki.”

Jeremias 26:13

Masapul a baliwanyo ti panagbiagyo ken dagiti aramidyo. Tungpalenyo dagiti sao ti Apo a Diosyo tapno dinan ituloy ti panggepna a mangdadael kadakayo.

Jeremias 26:19

Saan a pinatay ni Ari Hezekias ken dagiti tattaona ni Mica. Nagbuteng ni Hezekias iti Apo ket nagdawat iti paraburna. Imbabawi ngarud ti Apo ti panggepna a mangdidigra kadakuada. Ita, kayatyo kadi a yegtayo ti didigra kadagiti bagbagitayo?” (

Jeremias 36:3

Nalabit nga inton mangngeg dagiti tattao ti Juda dagiti amin a didigra a pinanggepko nga idissuor kadakuada, agbalbaliwda ket ikkatenda dagiti amin a dakes a kababalinda. Iti kasta, pakawanekto ti kinadakes ken basolda.”

Jeremias 36:7

Mabalin nga agkararagdanto iti Apo ket idiandanton dagiti dakes nga aramidda, ta no saan agdissuor kadakuada ti napalalo a pungtot ken ungetna.”

Ezekiel 12:3

“Ita, anak ti tao, agbalkotka a kasla napagtalaw a mapan iti adayo. Agrubbuatka sakbay a rumabii tapno makita ti tunggal maysa a pumanawka. Nalabit a makitadaka dagiti nasukir a tattao.

Ezekiel 18:21

“No isardeng ti managdakdakes ti panagbasolna, ket tungpalenna amin a lintegko, no aramidenna ti nalinteg ken naimbag, saanto a matay. Awan duadua nga agbiagto.

Oseas 11:9

Dikanto dusaen gapu iti pungtotko. Diakton dadaelen ti Israel. Diosak ngamin, ket saanak a tao. Siak ti Nasantoan nga adda kadakayo. Saanak nga umay a sipupungtot kadakayo.

Joel 2:14

Nalabit a baliwan ti Apo a Diosyo ti panunotna, ket paraburannakayto iti adu nga apit. Iti kasta, addanto makan ken arak nga idatonyo kenkuana.

Jonas 4:2

Inkararagna ken ni Yahweh: “Daytoy ti kinabutengko, O Apo, idi addaak iti bukodko a pagilian. Daytoy ti kinabutengko nga aramidem, isut' gapuna a dinardarasko ti nagkamang idiay Tarsis. Ammok a managparabur ken manangngaasika a Dios. Ammok a naanuska iti amin a tiempo ken sidadaanka a mangibabawi iti panangdusam.