Jeremias 26:21 - Ti Baro a Naimbag a Damag Biblia

²¹ Idi nangngeg ni Jehoyakim, dagiti soldadona ken dagiti ofisialesna ti sinaona, pinanggep ti ari a papapatay ni Urias. Ngem naammoan daytoy ni Urias, isut' gapuna a sibubuteng a naglibas ket napan idiay Egipto.

Ti Biblia (1973)

²¹ Ket idi ni Joakim nga ari, agraman cadagiti amin a nabileg a lallakina, ken amin dagiti piprincipe, nangngegda dagiti sasaona, ti ari pinanggepna ti panangpapatayna kencuana; ngem idi nangngeg ni Urias, nagbuteng, ket nagtalaw, ket napan idiay Egipto.

Jeremias 26:21 Iomraidhean Croise

1 Ar-ari 18:10

“Iti nagan ti Apo a sibibiag a Diosmo, isapatak a pinasapsapulnaka ti ari iti amin a pagilian ti lubong. No maibaga kenkuana nga awanka iti maysa a pagilian, saan a mamati no di agsapata ti agturay iti dayta a pagilian a saanka a mabirokan.

2 Cronicas 16:10

Kasta unay ti pungtot ni Asa iti profeta ket pinaibaludna. Daytoy met la a tiempo nga inrugi ni Asa ti panangparigatna iti sumagmamano kadagiti tattao.

2 Cronicas 24:21

Ngem nagmaymaysa dagiti tattao a mangpapatay ken ni Zacarias. Nakiraman ni Ari Joas iti planoda ket binilinna ida a mangbato ken ni Zacarias iti paraangan ti Templo.

Dagiti Salmo 119:109

Sisasaganaak a kanayon a mangipusta iti biagko, saanko a malipatan ti lintegmo.

Dagiti Proverbio 29:25

Ti buteng isu ti pakadadaelam, ngem no agtalekka iti Apo, awan ti pakaan-anoam.

Jeremias 26:10

Idi nadamag dagiti pangulo ti Juda ti napasamak, dinagdagusda ti pimmanaw iti palasio sada napan iti Templo ket nagtugaw ti tunggal maysa iti Baro a Ruangan.

Jeremias 36:26

Kalpasanna, binilin ti ari ni prinsipe Jerameel, agraman ni Seraias nga anak ni Azriel, ken ni Selemias nga anak ni Abdeel a tiliwendakami ken ni Baruc a sekretariok. Ngem inlemmengnakami ti Apo.

Jeremias 38:4

Napan ngarud dagiti ofisiales iti ari, ket kinunada kenkuana, “Masapul a mapapatay daytoy a tao. Gapu iti sasawenna, tumakrot dagiti soldado ken dagiti amin a tattao a nabati iti siudad. Saanna a tulongan dagiti tattao no di ket butbutngenna ida.”

San Mateo 10:23

No idadanesdakayo iti maysa nga ili, inkayo agkamang iti sabali nga ili. Ibagak kadakayo a diyonto pay malpas ti trabahoyo iti amin nga il-ili ti Israel, inton umay ti Anak ti Tao.

San Mateo 10:28

Dikay agbuteng kadagiti mangpapatay iti bagi, ngem dida mabalin a papatayen ti kararua. Agbutengkayo ketdi iti Dios, isu a makabalin a mangpatay iti bagi ken kararua idiay infierno.

San Mateo 10:39

Siasinoman a mangipangpangruna iti biagna, mapukawnanto; ket ti makapukaw iti biagna gapu kaniak, masarakannanto.”

San Mateo 14:5

Kayat idi ni Herodes a papapatay ni Juan, ngem nagbuteng kadagiti Judio agsipud ta imbilangda ni Juan a maysa a profeta.

San Marcos 6:19

Isut' gapuna a napalalo ti gura ni Herodias ken ni Juan, ket kinayatna a mapapatay, ngem dina naallukoy ni Herodes nga umanamong iti daytoy a gandat.