Jeremias 26:2 - Ti Baro a Naimbag a Damag Biblia

² kinuna ti Apo kaniak, “Agtakderka iti paraangan ti Templo ket ipakaammom kadagiti taga-Juda a mapan agdaydayaw sadiay ti amin nga imbilinko kenka. Awan ti ilimlimedmo. Ibagam amin.

Ti Biblia (1973)

² Castoy ti cuna ni Jehova: Agtacderca iti paraangan ti balay ni Jehova, ket agsaoca cadagiti amin nga il-ili ti Juda, nga umay nga agrucbab iti balay ni Jehova, amin dagiti sasao nga ibilinco kenca nga isaom cadacuada; dica kessayan ti maysa a sao.

Jeremias 26:2 Iomraidhean Croise

Jeremias 1:17

Tumuredka ket inka ibaga kadakuada ti aniaman nga ibilinko. Dimo kabuteng ida, ta no agbutengka, ad-addanto a pagbutngenka iti sangoda.

Jeremias 1:7

Ngem kinuna ti Apo kaniak, “Dimo kunaen nga ubingka unay; inka ketdi kadagiti tattao a pangibaonak kenka, ket ibagam ti amin nga ibilinko.

Jeremias 19:14

Pimmanawak idiay Tofet kalpasan ti panangipakaammok sadiay ti mensahe ti Apo. Napanak iti Templo ket nagtakderak iti paraanganna. Imbagak kadagiti amin a tattao

Jeremias 23:28

Ti profeta a nagtagtagainep, ibagana koma a tagainepna laeng, ket ti profeta a nakangngeg iti imbagak, ipakaammona koma a sipupudno ti mensahek. Ania aya ti arutang no maidilig iti trigo?

Jeremias 25:2

Kinunak kadagiti amin a tattao ti Juda ken ti Jerusalem,

Jeremias 28:5

Iti imatang dagiti papadi ken dagiti amin a tattao nga agtaktakder iti Templo, kinunak ken ni profeta Hananias,

Jeremias 36:10

Kalpasanna, binasa ni Baruc ti nalukot a pagbasaan a nakailanadan iti amin nga insaok. Dumdumngeg dagiti tattao bayat ti panagbasana. Inaramidna daytoy iti Templo, iti kuarto ni Gemarias nga anak ni Safan a mammagbaga iti ari. Adda ti kuartona iti akingngato a tukad iti serkan ti Baro a Ruangan ti Templo.

Jeremias 42:4

“Ala wen,” insungbatko. “Ikarkararagankayto iti Apo a Diostayo kas dawatenyo. No aniaman ti kunana, ibagakto kadakayo. Awanto ti ilimedko.”

Jeremias 7:27

“Jeremias, ibagamto dagiti saok kadakuada, ngem didakanto ipangag. Awagamto ida, ngem didakanto sungbatan.

Ezekiel 3:10

Intuloy ti Dios, “Anak ti tao, denggem a nalaing ti amin nga ibagak kenka ket tandaanam.

Ezekiel 33:7

“Ita, anak ti tao, isaadka a guardia iti Israel. Ipakaammom kadakuada dagiti ballaag nga ibagak kenka.

Ezekiel 40:4

Kinunana kaniak, “Anak ti tao, kitaem. Dumngegka a naimbag ket tandaanam amin nga ipakitak kenka ta daytoy ti gapuna a nayegka ditoy. Masapul nga ibagam kadagiti Israelita ti amin a makitam.”

San Mateo 28:20

ken isuroyo ida nga agtungpal kadagiti amin nga imbilinko kadakayo. Laglagipenyo nga addaakto nga agnanayon kadakayo agingga iti panungpalan ti lubong.”

San Lucas 19:47

Inaldaw a nangisuro ni Jesus iti Templo. Kayat a patayen dagiti panguloen a papadi, dagiti mamaestro iti Linteg, ken dagiti pangulo dagiti tattao.

San Juan 18:20

Simmungbat ni Jesus, “Nagsaoak a silalatak kadagiti tattao. Masansan a mangisursuroak iti uneg dagiti sinagoga ken iti Templo a paguurnongan dagiti amin a tattao. Awan a pulos ti imbagbagak iti nalimed.

San Juan 8:2

Kabigatanna, nasapa a nagsubli idiay Templo. Inaribungbongan ti adu a tattao ket nagtugaw a nangisuro kadakuada.

Dagiti Aramid 20:20

Ammoyo met a diak impaidam ti aniaman a makatulong kadakayo bayat ti panangaskasabak ken panangisursurok kadakayo iti publiko ken kadagiti balbalayyo.

Dagiti Aramid 20:27

Ta diak nagliway a nangipakpakaammo kadakayo iti amin a panggep ti Dios.

Dagiti Aramid 5:25

Dimteng ti maysa a lalaki ket imbagana kadakuada, “Denggenyo! Adda idiay Templo dagiti lallaki a pinaipupokyo iti pagbaludan. Madamada a mangisursuro kadagiti tattao.”

Dagiti Aramid 5:42

Tunggal aldaw, idiay Templo ken kadagiti balbalay dagiti tattao, intuloyda ti nangisuro ken nangikasaba iti Naimbag a Damag maipapan ken ni Jesus, ti Cristo.

Deuteronomio 12:32

“Ikagumaanyo a tungpalen ti amin nga imbilinko kadakayo; diyo nayonan wenno kurangan.

Deuteronomio 12:5

Manipud iti sakup dagiti amin a tribuyo, mangpilinto ti Apo a Diosyo iti maysa a disso a mapan pagdaydayawan kenkuana.

Deuteronomio 4:2

Diyo nayonan ti bilinko kadakayo; diyo met kissayan. Tungpalenyo dagiti bilin ti Apo a Diosyo nga intedko kadakayo.

Josue 8:35

Sinaggaysa ni Josue a binasa ti amin a bilin ni Moises iti sangoanan ti entero a gimong a nakairamanan dagiti babbai, ubbing ken dagiti ganggannaet a makipagnaed kadakuada.

Paltiing 22:19

Ket no adda mangikkat iti aniaman kadagiti padto a naisurat iti daytoy, ikkatento met ti Dios ti kalinteganna a mairanud iti kayo ti biag. Ikkatento pay ti Dios ti kalinteganna a mairaman iti Nasantoan a Siudad kas nailanad iti daytoy a libro.