Jeremias 24:5 - Ti Baro a Naimbag a Damag Biblia

⁵ “Siak ni Yahweh a Dios ti Israel, ibilangko dagiti nasayaat nga igos a kas kadagiti tattao a naipan idiay Babilonia ket kaasiakto ida.

Ti Biblia (1973)

⁵ Castoy ti cuna ni Jehova, a Dios ti Israel: Cas cadagitoy nasayaat nga higos, casta ti panangibilangconto cadagiti nacayawan iti Juda, dagidiay pinaruarco ditoy a disso nga impan iti daga dagiti Caldeos a maipaay iti pagimbagan.

Jeremias 24:5 Iomraidhean Croise

Dagiti Salmo 119:67

Sakbay a dinusanak, nayaw-awanak ngem ita, tungpalekon ti saom.

Dagiti Salmo 119:71

Nagimbagak ti panangdusam kaniak, gapu ta nasursurok dagiti bilinmo.

Jeremias 24:4

Kinuna ngarud ti Apo kaniak,

Jeremias 29:11

Siak laeng ti makaammo kadagiti planok a maipaay kadakayo, planok a mangparang-ay a saan ketdi a mangdidigra, plano a mangibanag iti namnamayo iti masakbayan.

Jeremias 29:20

Dakay amin a tattao a pinaipanko a balud idiay Babilonia, denggenyo ti saok.’

Jeremias 29:4

“Kuna ti Apo a Mannakabalin-amin a Dios ti Israel kadagiti amin a tattao nga impalubosna nga impanaw ni Nebucadnesar idiay Jerusalem ket impanna a kas balud idiay Babilonia:

Ezekiel 11:17

“Ibagam ngarud kadakuada ti saok, siak nga Apo a Dios. Iruarkonto ida kadagiti nasion a nakaiwarawaraanda ket isublikto kadakuada ti daga ti Israel.

Ezekiel 11:20

Iti kasta, annurotendanto dagiti lintegko, ket tungpalendanto a sipapasnek dagiti bilinko. Isudanto dagiti tattaok, ket siakto ti Diosda.

Levitico 26:44

Ngem uray no kasta, diakto baybay-an wenno dadaelen a mamimpinsan ida bayat ti kaaddada pay laeng iti daga dagiti kabusorda. Ta no kasta ti mapasamak, mawaswas ti pannakitulagko kadakuada. Siak ni Yahweh a Diosda.

Nahum 1:7

Naimbag ni Yahweh; salaknibanna dagiti tattaona iti tiempo ti riribuk; aywananna dagiti agkamang kenkuana.

Zacarias 13:9

Paglasatekto iti apuy dagiti nakalasat nga apagkatlo. Gugorakto ida a kas iti pannakagugor ti pirak iti apuy. Gugorakto ida a kas iti pannakagugor ti balitok. Kalpasanna, agkararagdanto kaniak ket ipangagkonto ida. Ibagakto kadakuada nga isuda dagiti tattaok ket ipudnodanto a siak ti Diosda.”

San Mateo 25:12

“ ‘Ngem saankayo met nga am-ammo!’ insungbat ti nobio.”

San Juan 10:27

Denggen dagiti karnerok ti timekko. Ammok ida, ket surotendak.

Taga-Roma 8:28

Ammotayo a kadagiti amin a banag, agtartrabaho ti Dios para iti pagimbagan a kaduana dagiti agayat kenkuana, isuda nga inayabanna kas mayannurot iti panggepna.

1 Taga-Corinto 8:3

Ngem ti agayat iti Dios, ammo ti Dios.

Taga-Galacia 4:9

Ngem ita ta ammoyon ti Dios—wenno, kunak ketdi, ita ta ammonakayon ti Dios—apay a tarigagayanyo ti agsubli kadagiti nakapuy ken nakaay-ay-ay nga agturay nga espiritu? Apay a kayatyo manen ti patagabu kadakuada?

Deuteronomio 8:16

Iti let-ang, tinaraonannakayo iti mana, maysa a kita ti taraon a dipay naramramanan dagidi kapuonanyo. Pinagsagabanakayo tapno suotennakayo, ket iti kasta, iti kamaudianna, paraburannakayo iti agkakaimbag a banag.

2 Timoteo 2:19

Ngem natibker ken di magunggon ti fondasion nga impasdek ti Dios. Nailanad dagitoy a balikas: “Ammo ti Apo no siasino dagiti tattaona,” ken “Siasinoman nga agkuna a mamati iti Apo, masapul nga adaywanna dagiti dakes nga aramid.”

Paltiing 3:19

Babalawek ken dusaek ti amin nga ay-ayatek. Agregtaka ngarud ket agbabawika kadagiti basbasolmo.