Jeremias 23:5 - Ti Baro a Naimbag a Damag Biblia

⁵ Kuna ti Apo, “Umayen ti tiempo a panangpilik iti pagbalinek nga ari nga agtaud iti kaputotan ni David. Agturayto a sisisirib daytoy nga ari ket aramidennanto ti naimbag ken nalinteg iti entero a daga.

Ti Biblia (1973)

⁵ Adtoy, dagiti al-aldaw dumtengda, cuna ni Jehova, a bangonecto ken David ti maysa a nalinteg a Sanga, ket isu agturayto a cas ari ken agaramid a sisisirib, ket agaramidto iti kinajusticia ken kinalinteg iti daga.

Jeremias 23:5 Iomraidhean Croise

Isaias 4:2

Dumtengen ti tiempo a padakkelen ken pasantaken ni Yahweh ti amin a mula ken kayo iti daga. Pagtangsit ken pagragsakanto dagiti natda nga Israelita dagiti maapit iti daga.

Isaias 52:13

Kuna ni Yahweh, “Agballiginto ti adipenko iti aramidna; maitan-ok ken maidaydayawto iti kasta unay.

Isaias 9:7

Dumakkelto a dumakkel ti bilegna a kas ari; addanto latta kappia iti pagarianna. Isunto ti sumukat ken ni Ari David nga agturay. Ibataynanto ti turayna iti kinapudno ken kinalinteg manipud ita ingganat' inggana. Aramiden nga aramiden amin daytoy ti Apo a Mannakabalin-amin.

Zacarias 3:8

Dumngegka ngarud, Josue, sika a Nangato a Padi. Dumngegkayo met, dakayo a kakaduana a padi. Dakayo ti pagilasinan ti naimbag a masakbayan: Iparangarangkon ti adipenko a maaw-awagan ‘Ti Sanga.’

Isaias 53:2

Nagayatan ti Apo a dumakkel ti adipenna a kas maysa a mula a nagramut iti namaga a daga. Awan takneng ken daegna tapno maawisnakami. Awan ti makaay-ayo a buyana tapno makayawankami.

Zacarias 9:9

Agrag-okayo, tattao ti Sion, agrag-okayo! Agdir-ikay iti ragsak, tattao ti Jerusalem! Kitaenyo, umayen kadakayo ti ariyo! Umay a sibaballigi ngem napakumbaba; umay a nakasakay iti asno, iti urbon ti asno.

Paltiing 19:11

Naglukat ti langit ket nakitak ti maysa a puraw a kabalio. Adda nakasakay. Maaw-awagan iti Matalek ken Napudno agsipud ta nalinteg ti panangukom ken pannakigubatna.

Amos 9:11

Kuna ti Apo, “Umayen ti aldaw a bangonek manen ti pagarian ni David a mayarig iti narba a balay. Tarimaanekto dagiti bakudna, ket patakderekto manen. Bangonekto a kas met la iti kasasaadna idi.

Jeremias 30:9

Agserbidanto ketdi kaniak, siak, ni Yahweh a Diosda, ken iti ari nga isaadkonto a nagtaud iti maysa a kaputotan ni David.

Jeremias 30:3

Ngamin, dumtengen ti tiempo a panangisublik iti sigud a kasasaad dagiti tattaok iti Israel ken iti Juda. Isublikto ida iti daga nga intedko kadagidi kapuonanda tapno tagikuaendanto manen. Siak, ni Yahweh, ti agsasao.”

Jeremias 23:6

Bayat ti panagturayna, natalgedto dagiti tattao ti Juda ket awanto ti pagpeggadan dagiti Israelita. Panaganandanto dayta nga ari iti ‘Ti Apo a Nangisalakan Kadatayo.’

Hebreo 8:8

Ngamin, nasarakan ti Dios nga adda pagkurangan dagiti tattaona idi kunana: “Dumtengto dagiti aldaw, kuna ti Apo, A mangaramidak iti baro a tulag iti Israel ken Juda.

San Juan 1:45

Nasarakan ni Felipe ni Natanael ket kinunana kenkuana, “Nasapulanmi ti tao a sinarita ni Moises iti libro ti Linteg, ken dagiti Profeta. Isu ni Jesus a taga-Nazaret nga anak ni Jose.”

Oseas 3:5

Ngem dumtengto ti tiempo nga agsublidanto manen ken ni Yahweh. Agkamangdanto iti maysa a kaputotan ni David nga arida. Agbutengdanto ken ni Yahweh ket awatendanto dagiti agkakaimbag a paraburna.

Daniel 9:24

“Mamimpito a pitopulo a lawas dagiti tawtawen ti kabayag ti intuding ti Dios a mapalabas sananto wayawayaan dagiti kailiam ken ti nasantoan a siudadmo iti dakes ken panagbasol. Mapakawanton ti basol ket maipasdekton ti agnanayon a kinalinteg, tapno pumayso ti parmata ken ti padto, ket maidaton manen ti nasantoan a Templo.

Jeremias 31:27

“Siak, ni Yahweh, kunak a dumtengen ti tiempo a punnoek ti daga ti Israel ken Juda iti tao ken iti animal.

Jeremias 22:3

“Siak, ni Yahweh, ibagak nga aramidenyo ti nalinteg ken naimbag. Salaknibanyo ti tao nga idadanes ti padana a tao. Diyo ranggasan wenno parigaten dagiti ganggannaet, dagiti ulila wenno dagiti balo. Diyo patayen ditoy nasantoan a lugar dagiti awan basolna.

Isaias 53:10

Kuna ti Apo, “Nagayatak ti panagsagabana; maysa a daton ti ipapatayna a mangyeg iti pannakapakawan ti basol. Iti kasta, makitananto dagiti kaputotanna, ket atiddogto ti panagbiagna; isunto ti maaramat iti panagballigi ti panggepko.

San Juan 1:49

“Maestro,” insungbat ni Natanael. “Sika ti Anak ti Dios! Sika ti Ari ti Israel!”

San Mateo 2:2

“Sadino ti ayan ti ubing a nayanak nga ari dagiti Judio?” sinaludsodda. “Nakitami ti bituenna a nagparang idiay daya ket immaykami agdaydayaw kenkuana.”

Ezekiel 34:29

Ikkakto ida kadagiti nadam-eg a talon ket gibusakton ti bisin iti daga. Saanton a laisen ida dagiti sabali a nasion.

Dagiti Salmo 80:15

Umaymo ispalen daytoy mula nga intukitmo, daytoy naganus nga ubas a pinadakkelmo a nalangto.

Dagiti Salmo 45:4

Iti naarian a kinadayagmo, inka salakniban ti kinalinteg ken kinapudno. Iti kinapigsam, naindaklanto dagiti balligi a magun-odmo.

Jeremias 22:30

“Naikari nga awanto ti anak daytoy a lalaki, pulos a dinto agballigi. Awanto ti kaputotanna nga agari a kas ken ni David, ken agturay iti Juda. Siak ni Yahweh, ti nagsao iti daytoy.”

Jeremias 22:15

No sedro ti tarikayo ti balaymo ket napimpintas ngem ti balay dagiti kaarrubam, ipagarupmo kadi a maysakan nga ari? Nagpapas ni amam iti naragsak a panagbiag. Kanayon a nalinteg ti aramidna ken awan idumdumana ket rimmang-ay iti amin nga aramidna.

1 Taga-Corinto 1:30

Ngem inyasidegnakayo ti Dios ken ni Cristo Jesus tapno makikadkaduatayo kenkuana, ket pinagbalinna nga isu ti kinasiribtayo. Babaen ken ni Cristo, mapalintegtayo iti Dios, mapagsantotayo ken mawayawayaantayo.

Isaias 42:6

“Siak, ni Yahweh, inayabanka; inikkanka iti pannakabalin tapno kitaem a maipakat ti hustisia iti daga. Sika ti pannakabagik a makitulagto kadagiti amin a tattao; pannakabagika a mangyeg iti lawag kadagiti pagilian.

Jeremias 29:11

Siak laeng ti makaammo kadagiti planok a maipaay kadakayo, planok a mangparang-ay a saan ketdi a mangdidigra, plano a mangibanag iti namnamayo iti masakbayan.

Ezekiel 21:27

Dadaelek a mamimpinsan ti siudad! Wen, dadaelek. Ngem saanto a mapasamak daytoy agingga iti idadateng ti pinilik a mangdusa iti siudad. Isunto ti pangtedak.

Ezekiel 45:8

Daytoyto a disso ti bingay ti prinsipe nga agturay iti daga ti Israel tapno dinanton idadanes dagiti tattao ket ipalubosna ti dadduma a paset ti pagilian a tagikuaen dagiti tribu ti Israel.

Oseas 1:11

Agkaykaysanto manen dagiti tattao ti Juda ken dagiti tattao ti Israel. Mangdutokdanto iti maymaysa a mangipangulo kadakuada, ket rumang-aydanto manen iti dagada. Wen, naindaklanto nga aldaw ti aldaw ti Jezreel!

2 Samuel 23:3

Nagsao ti Dios ti Israel, kinuna kaniak ti Bato ti Israel: “Ti ari a nalinteg ti panagturayna, ti mangituray nga agbuteng iti Dios

Dagiti Salmo 99:4

Mannakabalinka nga ari, ayatem ti nalinteg. Inyegmo ti hustisia iti Israel; inyegmo ti kinalinteg ken panagpapada.

Isaias 9:5

Mapuoranto dagiti amin a botas ken dagiti daradara a pagan-anay dagiti soldado a rimmaut.

Isaias 9:6

Naipasngay kadatayo ti maysa nga ubing! Adda ubing a lalaki a naited kadatayo! Ket isunto ti mangituray kadatayo! Maawaganto iti, “Nakaskasdaw a Mammagbaga,” “Mannakabalin a Dios,” “Agnanayon nga Ama,” “Prinsipe ti Kappia.”

Isaias 33:5

Nagtan-ok ketdin ti Apo! Iturayanna ti amin. Isaknapna iti Jerusalem ti kinalinteg ken kinaimbag.

Isaias 45:24

“Kunadanto a siak lat' pagtaudan ti balligi ken pigsa; ngem maibabainto amin a gumura kaniak.

Ezekiel 34:16

“Birokekto dagiti napukaw, yawidkonto dagiti nagtawataw, bedbedakto dagiti nadunor, ken agasakto dagiti masakit. Ngem patayekto dagiti nalukmeg ken nasalun-at agsipud ta maysaak a pastor nga agaramid iti naimbag.

Mikias 5:3

Ngarud, yawatto ni Yahweh dagiti tattaona kadagiti kabusorda agingga nga ipasngay ti babai ti anakna a lalaki. Kalpasanna, agsublinto dagiti kadaraanna a naitalaw a kas balud ket maitiponda kadagiti kailianda.