Jeremias 22:5 - Ti Baro a Naimbag a Damag Biblia

⁵ Ngem no diyo tungpalen ti saok, isapatak a madadaelto daytoy a palasio. Siak, ni Yahweh, ti nagsao iti daytoy.

Ti Biblia (1973)

⁵ Ngem no dicayto denggen dagitoy a sasao, agsapataac gapu caniac met laeng, cuna ni Jehova, a daytoy a balay agbalinto a langalang.

Jeremias 22:5 Iomraidhean Croise

Amos 6:8

Ti Apo Dios a Mannakabalin-amin ti nangisapata iti daytoy: “Kagurak ti kinatangsit dagiti Israelita. Busorek dagiti palasioda. Yawatkonto iti kabusor ti siudadda ken amin a linaonna.”

Hebreo 6:13

Idi nagkari ti Dios ken ni Abraham, insapatana a tungpalenna ti karina. Yantangay ta awan ti nangatngato a pannakabalin ngem isu, inaramatna ti bukodna a nagan iti dayta a sapata.

Jeremias 17:27

Ngem masapul nga agtulnogda kaniak, ket ngilinenda ti Aldaw a Panaginana a kas nasagradoan nga aldaw. Saanda nga agawit iti uray ania nga iruar kadagiti ruangan ti Jerusalem iti dayta nga aldaw. Ta no saanda a tungpalen dagitoy, puorakto dagiti ruangan ti Jerusalem. Mauramto dagiti palasio ti Jerusalem, ket awanto ti makaiddep iti apuy.”

Genesis 22:16

“Siak, ni Yahweh, ti agsasao. Yantangay ta dika nagkedked a mangted kaniak iti kakaisuna nga anakmo, isapatak iti naganko a bendisionankanto iti nawadwad.

Jeremias 39:8

Pinuoran met dagiti taga-Babilonia ti palasio ken dagiti balay dagiti tattao sada rinebba dagiti bakud ti Jerusalem.

Isaias 1:20

Ngem no dikay agtulnog ket sukirendak, masentensiaankayto a matay.” Daytoy ti sao ni Yahweh.

Hebreo 6:17

Agsipud ta kayat ti Dios nga ipakita a silalawag kadagiti umawat iti karina a dina baliwan ti panggepna, pinatalgedanna ti kari babaen iti panagsapatana.

Hebreo 3:18

Siasino dagiti nangisapataan ti Dios a dida makastrek a pulos iti daga a pangitedanna kadakuada iti inana? Dagiti bimmusor kenkuana.

Mikias 3:12

Ngarud, gapu kadakayo, maaradonto ti Sion a kas iti maysa a talon. Marebbekto ti Jerusalem ket agbalin a nagrebbaan. Agbalinto met a kabakiran ti bantay nga ayan ti Templo.

Dagiti Salmo 95:11

Ngarud, nakapungtotak ket insapatak, ‘Saankayto a sumrek iti daga a pangtedak koma kadakayo iti inana.’”

2 Cronicas 7:22

Isungbatto dagiti tattao: ‘Gapu ta tinallikudanda ti Apo a Diosda a nangiruar kadagidi kapuonanda idiay Egipto. Simmurotda kadagiti didiosen ket nagdaydayawda kadakuada. Daytoy ti gapuna nga indissuor ti Apo kadakuada daytoy a didigra.’”

2 Cronicas 7:19

Ngem no salungasingenyo, sika ken dagiti tattaom, dagiti linteg ken bilin nga intedko kadakayo, ket agdaydayawkayo kadagiti didiosen,

San Mateo 23:38

Ita, mabaybay-an ken aglangalangton ti Temployo.

Jeremias 26:4

Imbaga kaniak ti Apo nga idanonko daytoy kadagiti tattao, “Siak, ni Yahweh, ti nagkuna a masapul nga agtulnogkayo kaniak babaen iti panangsurotyo iti pannursurok.

Jeremias 44:26

Ngem ita, denggenyo ti saok, ti kari a sinapataak iti nabileg a naganko kadakayo amin a Judio nga agnanaed ditoy Egipto: Dikayto palubosanen a mangaramat iti naganko no agsapatakayo a kunayo, ‘Isapatak iti nagan ti Apo a Dios.’

2 Cronicas 7:21

“Masdaawto dagiti aglabas inton makitada a narba metten daytoy nakadadaeg a Templo ket saludsodendanto: ‘Apay ngata a kastoy ti inaramid ti Apo iti daytoy a Templo ken iti daytoy a daga?’

Jeremias 12:7

Kuna ti Apo, “Binaybay-ak ti Israel, linaksidko ti pinilik a nasion. Inyawatko dagiti tattao nga ay-ayatek iti pannakabalin dagiti kabusorda.