Jeremias 22:3 - Ti Baro a Naimbag a Damag Biblia

³ “Siak, ni Yahweh, ibagak nga aramidenyo ti nalinteg ken naimbag. Salaknibanyo ti tao nga idadanes ti padana a tao. Diyo ranggasan wenno parigaten dagiti ganggannaet, dagiti ulila wenno dagiti balo. Diyo patayen ditoy nasantoan a lugar dagiti awan basolna.

Ti Biblia (1973)

³ Castoy ti cuna ni Jehova: Agaramidcayo ti kinajusticia ken kinalinteg, ket ispalenyo ti natacawan iti ima ti mangidadanes: ket dicayo agaramid iti dakes, dicayo agaramid iti ranggas, iti gangannaet, iti ulila wenno iti balo a babai; ket dicayo met mangibuyat iti awan basolna a dara ditoy a disso.

Jeremias 22:3 Iomraidhean Croise

2 Samuel 23:3

Nagsao ti Dios ti Israel, kinuna kaniak ti Bato ti Israel: “Ti ari a nalinteg ti panagturayna, ti mangituray nga agbuteng iti Dios

2 Ar-ari 24:4

ken nangnangruna ti panangpapatayna kadagiti tattao nga awan basolna. Saan a mapakawan ni Yahweh ni Manases gapu iti dayta nga inaramidna.

Ti Libro ni Job 22:9

Dimo tinulongan dagiti balo a babbai; tinakawam ken inlupitlupitmo pay dagiti ulila.

Ti Libro ni Job 24:9

Tagabuen dagiti managdakdakes dagiti ulila iti ama. Alaenda dagiti annak ti napanglaw a kas bayad ti utangna.

Dagiti Salmo 68:5

Agnaed ti Dios iti nasantoan a Templona; salaknibanna dagiti balo, aywananna dagiti ulila.

Dagiti Salmo 82:4

Alawenyo dagiti nakapuy ken marigrigat, ikanawayo ida kadagiti managdakdakes.

Dagiti Salmo 94:21

Agmaymaysada a mangilupitlupit kadagiti nalinteg a tattao, ket ikeddengda a mapapatay ti awan basolna.

Dagiti Salmo 94:6

Patayenda dagiti ulila ken balo a babbai; pukawenda dagiti ganggannaet iti dagami.

Exodo 22:21

“Diyo ranggasan wenno idadanes ti ganggannaet. Laglagipenyo a ganggannaetkayo met idi idiay Egipto.

Exodo 22:22

Diyo irurumen ti uray siasinoman a balo wenno ulila.

Dagiti Proverbio 23:10

Dimo yalis ti daan a mohon ti daga wenno sakupen ti talon a kukua dagiti ulila.

Isaias 1:23

Nasukir dagiti pangulom ket gagayyem ida dagiti mannanakaw. Kanayonda nga umawat iti regalo ken pasuksok. Ngem dida ikalintegan dagiti ul-ulila iti pangukoman wenno denggen dagiti balo a babbai no idatagda ti darumda.

Isaias 58:6

“Kastoy ti kayatko a panagayunar: Ikkatenyo ti kawar ti panangidadanes ken ti sangol ti kinakillo, ket wayawayaanyo dagiti maparparigat.

Isaias 58:7

Ibingayanyo iti taraonyo dagiti mabisin. Pasangbayenyo dagiti napanglaw nga awan pagtaenganna. Kawesanyo dagiti awan aruatenna, ket diyo ipaidam ti tulongyo kadagiti bukodyo a kakabagian.

Jeremias 19:4

Aramidek ti kasta, ta tinallikudandak dagiti tattao. Tinulawanda daytoy a lugar babaen iti panagidatagda kadagiti daton kadagiti sabali a dios—dagiti dios a dida ammo wenno ammo dagidi kapuonanda wenno dagiti ari ti Juda. Pinagayusda daytoy a lugar iti dara dagiti tattao nga awan basolna.

Jeremias 22:17

Ngem pagimbagam la ti pampanunotem; patayem dagiti awan basolna, ket parigatem dagiti tattaom. Daytoy ti sao ti Apo.

Jeremias 26:16

Kinuna dagiti pangulo ken dagiti tattao kadagiti papadi ken kadagiti profeta, “Saan koma a maikeddeng a matay daytoy a tao agsipud ta nagsao kadatayo iti nagan ti Apo a Diostayo.”

Jeremias 5:28

no apay a nalulukmeg ken nabubuttiogda. Awan pagpatinggaan dagiti dakes nga aramidda. Saanda nga ikkan ti kalintegan dagiti ulila wenno salakniban dagiti maidaddadanes.

Jeremias 7:23

Ngem imbilinko kadakuada nga agtulnogda kaniak tapno siak ti Diosda ket isuda dagiti tattaok. Imbagak met kadakuada nga annurotenda ti panagbiag nga imbilinko tapno rumang-ayda.

Jeremias 9:24

No adda siasinoman nga agpasindayag, ipasindayagna koma nga am-ammo ken maawatannak. Agsipud ta siak, ni Yahweh, manangngaasiak, aramidek ti nalinteg ken naimbag ditoy lubong. Dagitoy ti makaparagsak kaniak. Siak, ni Yahweh, ti nangibaga iti daytoy.”

Dungdung-aw 3:36

Ammona no maballikug ti hustisia iti pangukoman.

Ezekiel 18:12

Saurenna dagiti napanglaw, agtakaw, saanna nga isubli ti naisalda kenkuana. Mapan kadagiti lugar a pagdaydayawan dagiti pagano ket agdaydayaw kadagiti makarimon a didiosen.

Ezekiel 18:7

Saanna a sauren wenno takawan ti siasinoman. Isublina ti isalda ti umutang kenkuana. Pakanenna dagiti mabisin ken ikkanna iti bado ti lamolamo.

Ezekiel 22:7

Awan tao iti siudad nga agraem kadagiti nagannak kadakuada. Saurem dagiti ganggannaet ket gundawayam dagiti balo a babbai ken dagiti ulila.

Ezekiel 45:9

Kinuna ti Apo a Dios, “Nabayag unayen nga agbasbasolkayo, dakayo a turayen ti Israel! Isardengyon ti kinaranggas ken panangidadanesyo kadagiti tattao. Aramidenyo ti tumutop ken nalinteg. Masapul a diyon pagtalawen dagiti tattaok iti dagada. Siak, ni Yahweh, a Dios ti mangibagbaga kadakayo iti daytoy.

Joel 3:19

“Agbalinto a let-ang ti Egipto; agbalinto met a langalang ti Edom. Ngamin, rinautda ti daga ti Juda, ket pinapatayda dagiti tattao nga awan basolna.

Levitico 19:15

“Diyo ballikugen ti linteg iti panangyetnagyo iti sentensia; dikay mangipakita iti panangidumduma iti napanglaw wenno panagtamed iti nabaknang.

Amos 5:15

Guraenyo ti dakes. Ayatenyo ti naimbag. Ipakatyo ti kinahustisia kadagiti pangukoman. Nalabit a maasianto ti Apo kadagiti tattao a natda a sibibiag pay laeng iti daytoy a nasion.

Amos 5:24

Ipaayyo ketdi ti hustisia a kas ayus ti waig ken ti kinalinteg a kas karayan a di maatianan.

Mikias 3:11

Agawat dagiti agtuturay iti siudad iti pasuksok. Agpatangdan dagiti papadi no ilawlawagda ti linteg. Agdawat dagiti profeta iti kuarta no agipadtoda. Ibagada nga adda kadakuada ti Apo. Kunada, “Di met aya adda kadatayo ti Apo? Awan ti dumteng a didigra kadatayo.”

Mikias 6:8

Saan! Inlawlawag kadakayo ti Apo no ania ti naimbag. Daytoy ti dawatenna kadatayo: aramidentayo ti nalinteg, ipakitatayo ti di agbalbaliw a panagayat, ken agtulnogtayo a sipapakumbaba iti Diostayo.

Malakias 3:5

Kuna ti Apo a Mannakabalin-amin, “Umaykayto ukomen. Dagusekto ti mangidatag kadagiti pammaneknek a maibusor kadagiti managsalamangka, kadagiti mannakikamalala, kadagiti agsaksi iti ulbod, kadagiti mangsaur iti tangdan dagiti mangmangged, kadagiti manggundaway kadagiti balo, ulila ken ganggannaet, kadagiti amin a saan nga agraem kaniak.

San Mateo 23:23

“Asikayo pay, dakayo a mamaestro iti Linteg ken dakayo a Fariseo! Aginsisingpetkayo! Itedyo ti apagkapullo dagiti rekrekado a mulayo kas iti yerbabuena, anis ken kumino, ngem diyo met tungpalen dagiti nasken a pannursuro ti Linteg a kas iti kinalinteg, kinamanangngaasi ken kinapudno. Dagitoy ti rebbengyo a tungpalen ket diyo liwayan dagiti dadduma.

Deuteronomio 10:18

Ikalinteganna dagiti ulila ken balo a babbai; ipatpategna dagiti ganggannaet ket ikkanna ida iti taraon ken kawes.

Deuteronomio 24:17

“Diyo ikkaten ti kalintegan dagiti ganggannaet wenno dagiti ulila. Diyo alaen ti kawes ti balo a babai a kas salda ti utangna.

Deuteronomio 24:7

“Mapapatay ti siasinoman a mangitalaw iti padana nga Israelita tapno tagabuen wenno ilakona. Kastoy ti panangikkatyo iti daytoy a kinadakes iti gimongyo.

Deuteronomio 25:1

“Kas pangarigan adda dua nga Israelita a dumatag iti pangukoman tapno mausig ti ririda ken masentensiaan ti nakabasol,

Deuteronomio 27:19

“‘Maipatay ti lunod ti Dios iti siasinoman a mangilupitlupit iti kalintegan ti ganggannaet, ulila wenno balo a babai.’ “‘Amen,’ isungbatto dagiti tattao.

Santiago 1:27

Ti pudno a relihion nga awan pakapilawanna iti imatang ti Dios Ama isu daytoy: Ti itutulong kadagiti ulila ken biuda iti nakakaasi a kasasaadda ken ti panagtalinaed a nadalus a di patulawan kadagiti kinadakes ditoy lubong.