Jeremias 21:7 - Ti Baro a Naimbag a Damag Biblia

⁷ Patiliwkonto ni Zedekias nga ari ti Juda, dagiti ofisialesna ken dagiti tattao a makalasat iti gubat, bisin ken sakit. Tiliwento ida ni Ari Nebucadnesar ken dagiti kabusorda nga agtarigagay a mangpatay kadakuada. Papapataynanto ida ket awanto ti ispalen wenno kaasianna. Siak, ni Yahweh, ti nagsao iti daytoy.”

Ti Biblia (1973)

⁷ Ket calpasanna, cuna ni Jehova, iyawatconto ni Sedekias nga ari ti Juda, ken dagiti adipenna, ken ti umili, dagidiay natidda iti daytoy nga ili calpasan iti angol, iti campilan, ken iti bisin, iti ima ni Nabucodonosor nga ari ti Babilonia, ken iti ima dagiti cabusorda, ken iti ima dagiti mangsapul iti biagda: ket cabilennanto ida iti tadem ti campilan; awanto ti labsanna cadacuada, ket awan met ti ilalana, wenno caasina.

Jeremias 21:7 Iomraidhean Croise

Isaias 27:11

Nalaylay ken natuktukkol dagiti sanga dagiti kayo ket alaen dagiti babbai a pagsungrodda. Gapu ta awan ti naawatan dagiti tattao, saanto a kaasian ida ti Dios a namarsua kadakuada ket dinanto paraburan ida.

Isaias 47:6

Nakaungetak kadagiti tattaok, ket diak imbilang idan a kukuak. Inyawatko ida iti pannakabalinmo, ket saanmo a kinaasian ida, uray dagiti duduogan pinarigatmo ida.

Jeremias 13:14

Kalpasanna, pagdidinnungparekto ida a kasla burnay, lallakay man wenno ubbing. Diakto kaasian wenno ilalaen ida. Diakto sumardeng agingga a mapapatayko ida.”

Jeremias 14:12

Uray no agayunarda, diakto ipangag ti dawatda. Uray no mangidatagda iti daton a mapuoran ken daton a makan, diakto awaten ida. Papatayekto ketdi ida iti gubat, bisin ken angol.”

Jeremias 15:5

Kuna ti Apo, “Siasinonto ti mangngaasi kadakayo, dakayo a tattao ti Jerusalem, siasinonto ti mangdung-aw kadakayo? Siasinonto ti sumardeng tapno damagenda ti kasasaadyo?

Jeremias 15:9

Natalimudaw ti ina gapu iti ipapatay dagiti pito nga annakna; kamkamatenna ti angesna. Nagbalin a nasipnget ti aldawna, naibabain ket nasaem ti ladingitna. Papapataykayto kadagiti kabusoryo, dakayo a sibibiag pay laeng. Siak ni Yahweh, ti nangibaga iti daytoy.”

Jeremias 19:7

Iti daytoy a lugar, lapdakto ti amin a panggep dagiti tattao ti Juda ken Jerusalem. Bay-akto a parmeken ida dagiti kabusorda ket mataydanto iti paggugubatan. Ipakankonto ti bangkayda kadagiti tumatayab ken kadagiti atap nga animal.

Jeremias 20:4

Daytoy ti kinuna ti Apo, ‘Aramidenka a pagbutbutngan, ket kabutengmonto ti bagim. Kabutengnakanto met dagiti gagayyemmo. Makitamto amin ida a matay iti kampilan dagiti kabusorda. Yawatkonto amin a tattao ti Juda iti pannakabalin ti ari ti Babilonia. Addanto dagiti italawna nga ipan a balud idiay Babilonia ket papatayennanto dagiti dadduma.

Jeremias 22:25

ket yawatkanto kadagiti tattao a kabutbutengmo nga agtarigagay a pumatay kenka. Itedkanto ken ni Nebucadnesar nga ari ti Babilonia ken kadagiti soldadona.

Jeremias 27:6

Siak ti nangikabil kadagitoy a nasion iti babaen ti pannakabalin ti adipenko, ni Ari Nebucadnesar iti Babilonia, ket uray dagiti atap nga animal, agserbida kenkuana.

Jeremias 32:4

ket saanto a makalibas ni Ari Zedekias. Mayawatto iti ari ti Babilonia; makitananto iti rupanrupa ket makisaonto kenkuana.

Jeremias 34:3

Dikanto makalisi. Matiliw ken mayawatkanto kenkuana. Makitamto iti rupanrupa ket makasaomto a personal sakanto mapan idiay Babilonia.

Jeremias 36:29

Imbilinna nga ibagak iti ari, “Pinuoram ti pagbasaan. Sinaludsodmo ken ni Jeremias no apay nga insuratna nga umay ti ari ti Babilonia ket dadaelenna daytoy a daga ken papatayenna dagiti tattao ken animal.

Jeremias 37:17

Pinaayabannak ni Zedekias ket idi addaakon iti palasio, nagsaritakami a dudua. “Adda kadi ibaga ti Apo?” sinaludsodna. “Adda,” insungbatko. “Mayawatkanto iti pannakabalin ti ari ti Babilonia.”

Jeremias 50:17

Kuna ni Yahweh, “Mayarig dagiti Israelita iti arban ti karnero a kinamatkamat ken winarawara dagiti leon. Rinangrangkay nga immuna ida ti ari ti Asiria. Kalpasanna, nginutngotan ni Ari Nebucadnesar dagiti tultulangda.

Dungdung-aw 2:20

Kitaem, O Apo, kitaem dagiti parparigatem! Rumbeng kadi a sidaen dagiti inna dagiti annak nga inay-ayatda? Rumbeng kadi a mapapatay dagiti papadi ken profeta iti uneg ti santuariom?

Dungdung-aw 2:22

Inawismo dagiti kabusorko a mangaramid iti nakabutbuteng a panagrarambak iti likmutko. Awan ti makalibas uray maysa iti dayta aldaw ti pungtotmo. Pinapatayda dagiti annakko a pinadakkel ken inay-ayatko.

Ezekiel 23:28

Kastoy ti kuna ti Apo a Dios, “Yawatkanto kadagiti tattao a kagurguram ken nauman kenka.

Ezekiel 7:9

Dikayto pakawanen wenno kaasian. Dusaenkayto gapu kadagiti aramidyo. Iti kasta, maammoanyonto a siak ni Yahweh, ket siak ti mangdusa kadakayo.”

Ezekiel 8:18

Mariknadanto ti amin a dawel ti pungtotko. Diakto pakawanen wenno kaasian ida. Uray no ipukkawda ti kararagda iti ingga ti kabaelanda, diakto ipangag ida.”

Ezekiel 9:10

Aramidek kadakuada ti inaramidda kadagiti padada a tao.”

Deuteronomio 28:50

Naranggasdanto ket awanto ti kaasianda, ubing man wenno nataengan.