Jeremias 21:6 - Ti Baro a Naimbag a Damag Biblia

⁶ Patayekto dagiti amin nga agnaed iti daytoy a siudad; matayto dagiti tattao ken animal iti nakaro a sakit.

Ti Biblia (1973)

⁶ Ket cabilecto dagiti agnaed ditoy nga ili, ti tao ken ti animal nga agpadpada: mataydanto ti dackel nga angol.

Jeremias 21:6 Iomraidhean Croise

Genesis 6:7

Kinuna ni Yahweh, “Pukawek dagitoy a tattao a pinarsuak, dagiti animal ken dagiti tumatayab. Agbabawiak a nangaramid kadakuada.”

Isaias 6:11

Sinaludsodko, “Kasano ti kabayagna a kastoy, O Apo?” Insungbatna, “Agingga a madadael dagiti siudad ket awanen agnaed. Agingga nga awanen agnaed kadagiti balbalay. Agingga nga aglangalang a mamimpinsan ti daga.

Jeremias 14:12

Uray no agayunarda, diakto ipangag ti dawatda. Uray no mangidatagda iti daton a mapuoran ken daton a makan, diakto awaten ida. Papatayekto ketdi ida iti gubat, bisin ken angol.”

Jeremias 16:4

Mataydanto kadagiti nakabutbuteng a sakit, ket awanto ti mangdung-aw wenno mangitanem kadakuada. Maiwalangto dagiti bangkayda a kasla nabunton a rugit iti daga. Mataydanto iti paggugubatan, wenno iti bisin ket kanento dagiti tumatayab ken atap nga animal dagiti bangkayda.

Jeremias 20:4

Daytoy ti kinuna ti Apo, ‘Aramidenka a pagbutbutngan, ket kabutengmonto ti bagim. Kabutengnakanto met dagiti gagayyemmo. Makitamto amin ida a matay iti kampilan dagiti kabusorda. Yawatkonto amin a tattao ti Juda iti pannakabalin ti ari ti Babilonia. Addanto dagiti italawna nga ipan a balud idiay Babilonia ket papatayennanto dagiti dadduma.

Jeremias 32:24

“Nangbangon dagiti taga-Babilonia kadagiti pangbangenda iti siudad tapno sakupenda. Madaman a rarautenda. Babaen iti gubat, bisin ken angol, matnagto ti siudad iti pannakabalinda. O Apo, nganngani matungpalen dagiti amin nga imbagam.

Jeremias 33:12

Kinuna ti Apo a Mannakabalin-amin, “Iti daytoy a daga a mayarig iti let-ang ken awan tao wenno animal nga agnaed, addanto manen pagpaaraban dagiti agpaspastor kadagiti karneroda.

Jeremias 34:17

Iti kasta, siak, ni Yahweh, kunak kadakayo a saandak a tinungpal. Saanyo a winayawayaan dagiti padayo a Hebreo. Ala ngarud, ikkankayo iti wayawayayo; wayawaya a matay iti gubat, angol ken bisin. Pagbutngekto amin a nasion iti lubong gapu iti aramidko kadakayo.

Jeremias 36:29

Imbilinna nga ibagak iti ari, “Pinuoram ti pagbasaan. Sinaludsodmo ken ni Jeremias no apay nga insuratna nga umay ti ari ti Babilonia ket dadaelenna daytoy a daga ken papatayenna dagiti tattao ken animal.

Jeremias 42:22

Ngarud, laglagipenyo daytoy: mataykayto iti kampilan wenno bisin wenno angol iti daga a kayatyo a pagnaedan.”

Jeremias 7:20

Iti kasta, siak ni Yahweh a Dios, idissuorkonto ti nakaro a pungtotko iti daytoy a lugar, kadagiti tattao ken animal, uray pay kadagiti kayo ken kadagiti mula. Kaslanto apuy ti pungtotko nga awan ti makaiddep.

Ezekiel 12:16

Ipaluboskonto ti sumagmamano kadakuada a makalasat iti gubat, bisin ken sakit tapno mabigbigda a makarimon dagiti aramidda ken maammoanda a siak ni Yahweh.”

Ezekiel 14:13

Kinunana, “Anak ti tao, no agbasol ti maysa a pagilian ket saan a napudno kaniak, dusaek ket dadaelek ti paggapuan ti taraonna. Ipanko ti bisin a mangpapatay a padapada kadagiti tattao ken animal.

Ezekiel 14:17

“Wenno nalabit a mangyegak iti gubat iti dayta a pagilian a pangipanak kadagiti naranggas nga igam ket patayek amin dagiti tattao agraman dagiti animal,

Ezekiel 14:19

“No mangyegak iti angol iti dayta a pagilian ket iti pungtotko, adu a tattao ken animal ti patayek gapu iti pungtotko

Ezekiel 14:21

Daytoy ti sao ti Apo a Dios: “Idissuorko ti uppat a kakaroan a pannusak iti Jerusalem—gubat, bisin, narungsot nga animal ken angol—a mangpapatay kadagiti tattao ken animal.

Ezekiel 33:27

“Ibagam kadakuada nga isapatak iti naganko nga Apo a sibibiag a Dios, ballaagak ida a mapapatayto dagiti agnaed kadagiti narba a siudad. Kanento dagiti atap nga animal dagiti agnaed iti away. Agsakitto ket matayto dagiti aglemlemmeng kadagiti bantay ken rukib.

Ezekiel 33:29

Inton dusaek dagiti tattao gapu kadagiti basolda ket paglangalangek ti pagilian, maammoandanton a siak ni Yahweh.”

Ezekiel 7:15

Adda agraranget kadagiti kalsada, ket kadagiti balbalay adda sakit ken bisin. Matayto iti ranget dagiti adda iti away, ket dagiti adda iti siudad, mataydanto iti sakit ken bisin.

Oseas 4:3

Daytoy ti gapuna nga agladingit ti daga. Matay amin a sibibiag, amin nga animal ken tumatayab agraman dagiti ikan.”

Mikias 3:12

Ngarud, gapu kadakayo, maaradonto ti Sion a kas iti maysa a talon. Marebbekto ti Jerusalem ket agbalin a nagrebbaan. Agbalinto met a kabakiran ti bantay nga ayan ti Templo.

Sofonias 1:3

amin a tattao ken animal, tumatayab ken ikan. Ipamuspusak ti pannakatnag dagiti managdakdakes. Pukawekto ti sangkataoan iti rabaw ti daga ket awanto ti makalasat. Ni Yahweh ti nagsao iti daytoy.

San Lucas 21:24

Addanto dagiti mapapatay iti kampilan ket maipanto ti dadduma a kas balud kadagiti amin a pagilian. Baddebaddekento dagiti Hentil ti Jerusalem, agingga iti panagpatingga dagiti aldaw dagiti Hentil.”