Jeremias 21:10 - Ti Baro a Naimbag a Damag Biblia

¹⁰ Inkeddengko a diak ilalaen daytoy a siudad no di ket dadaelek. Mayawatto iti ari ti Babilonia ket puorannanto agingga a dumapu. Siak, ni Yahweh, ti nagsao iti daytoy.”

Ti Biblia (1973)

¹⁰ Ta insangoc ti rupac ditoy nga ili a maipaay iti pagdacsan a saan a iti pagimbagan, cuna ni Jehova: isu maitedto iti ima ti ari ti Babilonia, ket puurannanto iti apuy.

Jeremias 21:10 Iomraidhean Croise

2 Cronicas 36:19

Pinuoranna ti Templo ken ti siudad agraman dagiti amin a palasio ken kinabaknang ti siudad, ket rinebbana dagiti bakud ti siudad.

Dagiti Salmo 34:16

Ngem dagiti agaramid iti dakes, busorenna, inton matayda, awanton ti makalagip kadakuada.

Jeremias 17:27

Ngem masapul nga agtulnogda kaniak, ket ngilinenda ti Aldaw a Panaginana a kas nasagradoan nga aldaw. Saanda nga agawit iti uray ania nga iruar kadagiti ruangan ti Jerusalem iti dayta nga aldaw. Ta no saanda a tungpalen dagitoy, puorakto dagiti ruangan ti Jerusalem. Mauramto dagiti palasio ti Jerusalem, ket awanto ti makaiddep iti apuy.”

Jeremias 26:6

No itultuloyyo ti agsukir, aramidekto iti daytoy a Templo ti kas iti inaramidko iti Silo. Aramatento dagiti amin a nasion a pagilunod ti nagan daytoy a siudad.”

Jeremias 34:2

Kinuna kaniak ti Apo a Dios ti Israel nga ibagak daytoy ken ni Ari Zedekias ti Juda, “Siak, ni Yahweh, yawatkonto daytoy a siudad iti ari ti Babilonia ket puorannanto.

Jeremias 34:22

Ibilinkonto nga agsublida iti daytoy a siudad. Rauten, parmeken ken puorandanto. Pagbalinekto a kas iti let-ang dagiti il-ili ti Juda nga awan ti agnaed. Siak, ni Yahweh, ti nagsao iti daytoy.”

Jeremias 38:17

Imbagak ngarud ken ni Zedekias a daytoy ti kinuna ti Apo a Mannakabalin-amin a Dios ti Israel: “No sumukoka kadagiti ofisiales ti ari ti Babilonia, maispalto ti biagmo ket saanto a mapuoran daytoy a siudad. Agbiagkanto agraman ti familiam.

Jeremias 38:18

Ngem no saanka a sumuko, parmekento dagiti taga-Babilonia daytoy a siudad ket puorandanto. Saankanto a makalisi.”

Jeremias 38:23

Innayonko, “Maipanto dagiti amin nga assawayo ken amin nga annakyo idiay Babilonia. Uray sika, dikanto makalisi. Alaennakanto a kas balud ti ari ti Babilonia. Mapuoranto daytoy a siudad agingga a maikisap.”

Jeremias 38:3

Imbagak pay kadakuada a kinuna ti Apo, “Yawatkonto ti siudad iti armada ti ari ti Babilonia ket parmekennanto.”

Jeremias 39:16

nga ibagak ken ni Ebedmelec a taga-Etiopia a kinuna ti Apo a Mannakabalin-amin a Dios ti Israel, “Kas impakaammok idi, yegkonto ti pannakadadael a saan ketdi a panagrang-ay iti daytoy a siudad. Ket inton mapasamak daytoy, addakanto a makaimatang.

Jeremias 39:8

Pinuoran met dagiti taga-Babilonia ti palasio ken dagiti balay dagiti tattao sada rinebba dagiti bakud ti Jerusalem.

Jeremias 44:11

“Iti kasta, siak, ni Yahweh a Mannakabalin-amin a Dios ti Israel didigraenkayto ket ikisapkonto ti entero a Juda.

Jeremias 44:27

Saankayto a parang-ayen. Dadaelenkayto ketdi. Matayto iti gubat ken bisin ti amin a taga-Juda nga agnaed ditoy Egipto. Awanto a pulos ti mabati.

Jeremias 52:13

Pinuoranna ti Templo ken ti palasio ti ari, agraman ti amin a balbalay dagiti natan-ok a tattao idiay Jerusalem.

Ezekiel 15:7

Dusaekto ida. Nalisianda ti maysa nga apuy ngem apuyto met laeng ti mangpapatay kadakuada. Inton dusaek ida, maammoanyonto a siak ni Yahweh.

Ezekiel 24:11

Kalpasanna, isaadyo ti bronse a kaldero nga awan nagyanna iti rabaw dagiti beggang ket bay-anyo a bumeggang. Maikkatto dagiti latina ket nadalusto manen iti imatang ti linteg.

Levitico 17:10

Kabusor ti Apo ti siasinoman nga Israelita wenno ganggannaet nga agnaed iti Israel nga agsida iti dara; ilaksidna iti gimong dagiti tattaona.

Levitico 26:17

Busorenkayto tapno parmekendakayto dagiti kabusoryo; iturayandakayto dagiti manggurgura kadakayo. Iti butengyo, agtataraykayto uray no awan mangkamkamat kadakayo.

Amos 2:5

Daytoy ti gapuna a mangidissuorakto iti apuy iti Juda tapno mapuoran agingga a dumapu dagiti sarikedked ti Jerusalem.”

Amos 9:4

No italaw ida a kas balud dagiti kabusorda, papapataykonto ida iti kampilan. Diak tulongan ida, ket inkeddengkon a patayen ida.”

Zacarias 1:6

Babaen kadagiti adipenko a profeta, nangtedak kadagiti kapuonanyo kadagiti ballaag ken bilin. Saanda a nangikaskaso ket sinagabada ti dusa ti kinasukirda. Nagbabawida met laeng ket binigbigda a dinusak ida kas maikari kadakuada ken kas inkeddengko nga aramiden.’”