Jeremias 20:2 - Ti Baro a Naimbag a Damag Biblia

² pinasaplit ken pinakawarannak sanak pinaipan iti akingngato a Ruangan ti Benjamin iti Templo.

Ti Biblia (1973)

² Idin ni Pasur kinabilna ni Jeremias a mammadto, ket isu incabilna cadagiti tul-ong nga adda idi iti makinngato a ruangan ti Benjamin, nga adda iti balay ni Jehova.

Jeremias 20:2 Iomraidhean Croise

1 Ar-ari 13:4

Idi mangngeg ni Ari Jeroboam daytoy, intudona ti profeta sana imbilin, “Tiliwenyo dayta a tao!” Ngem dagus a timmangken ti inyunnatna nga imana ket dinan makukot.

1 Ar-ari 22:27

Ibagam kadakuada nga ipisokda iti pagbaludan ket tinapay ken danum laeng ti ipakanda kenkuana agingga nga agsubliak a sikakaradkad.”

2 Cronicas 16:10

Kasta unay ti pungtot ni Asa iti profeta ket pinaibaludna. Daytoy met la a tiempo nga inrugi ni Asa ti panangparigatna iti sumagmamano kadagiti tattao.

2 Cronicas 18:23

Inasitgan ni profeta Zedekias ni Micaias sana tinungpa ket sinaludsodna, “Kaano pay ti panangpanaw kaniak ti espiritu ti Apo ket immaynaka kinasao?”

2 Cronicas 24:21

Ngem nagmaymaysa dagiti tattao a mangpapatay ken ni Zacarias. Nakiraman ni Ari Joas iti planoda ket binilinna ida a mangbato ken ni Zacarias iti paraangan ti Templo.

Ti Libro ni Job 13:27

Kawaram pay dagiti sakak; sipsiputam ti tunggal addangko, ammirisen pay dagiti tugotko.

Ti Libro ni Job 33:11

Kawaranna dagiti sakak; sipsiputanna ti amin a tignayko.”

Jeremias 26:10

Idi nadamag dagiti pangulo ti Juda ti napasamak, dinagdagusda ti pimmanaw iti palasio sada napan iti Templo ket nagtugaw ti tunggal maysa iti Baro a Ruangan.

Jeremias 26:8

Apaman a naisaok ti amin nga imbilin ni Yahweh nga ibagak, ginammatandak sada impukkaw, “Rumbeng a mapapatayka gapu iti daytoy!

Jeremias 29:26

“Pinagbalinnaka ti Apo a padi a kas sukat ni Jehoyada, ket sikan ti pangulo nga ofisial iti Templo. Pagrebbengam a kawaran ken pabaklayan iti landok ti tunggal mauyong nga aginkukuna a profeta.

Jeremias 36:26

Kalpasanna, binilin ti ari ni prinsipe Jerameel, agraman ni Seraias nga anak ni Azriel, ken ni Selemias nga anak ni Abdeel a tiliwendakami ken ni Baruc a sekretariok. Ngem inlemmengnakami ti Apo.

Jeremias 37:13

Ngem idi makadanonak iti Ruangan ti Benjamin, pinasardengnak ti ofisial dagiti soldado nga agbambantay sadiay. Isu ni Irijas nga anak ni Selemias ken apoko ni Hananias. Kinunana, “Tumiponka gayam kadagiti taga-Babilonia!”

Jeremias 37:21

Iti kasta, pinaipupoknak ni Zedekias iti paraangan ti pagguardiaan. Nagyanak sadiay, ket inaldaw a naikkanak iti tinapay no la ketdi adda tinapay idi kadagiti panaderia.

Zacarias 14:10

Nasimpanton ti deppaar manipud Geba iti amianan agingga iti Rimmon iti abagatan. Nangatngatonto ti Jerusalem ngem dagiti daga iti lawlawna. Sakupento ti siudad manipud iti Ruangan ni Benjamin agingga iti Ruangan ti Suli, iti nagtakderan ti sigud a ruangan, ken manipud iti Torre ni Hananel agingga kadagiti pagpespesan iti ubas a kukua ti ari.

San Mateo 21:35

Ngem tiniliw dagiti makitaltalon dagiti adipen. Kinabilda ti maysa kadakuada, pinatayda ti maikadua ket inuborda ti maikatlo.

Dagiti Aramid 4:3

Tiniliwda ida, ket agsipud ta rumabiin, impupokda ida iti pagbaludan inggana iti sumaruno nga aldaw.

Dagiti Aramid 5:18

Pinatiliwda dagiti apostoles sada pinaibalud ida.

Dagiti Aramid 5:40

Pinastrekda dagiti apostoles. Pinasaplitda ida sada imballaag manen kadakuada a dida agsasao iti nagan ni Jesus. Kalpasanna, winayawayaanda ida.

Dagiti Aramid 7:52

Adda kadi profeta a saan a pinagsagaba dagidi kapuonanyo? Pinatayda dagiti imbaon ti Dios, isuda a nangipakaammo idi iti yaay ti Nalinteg nga Adipen. Ket ita, liniputan ken pinatayyo.

Paltiing 17:6

Ket nakitak a nabartek ti babai iti dara dagiti tattao ti Dios ken iti dara dagiti martir—dagiti napapatay idi gapu iti kinapudnoda ken ni Jesus. Kasta unay siddaawko a nakakita iti babai.

Paltiing 2:10

Dika agbuteng kadagiti panagsagaba a dumtengto kenka. Denggem, suotennaka ti Diablo babaen iti panangipisokna iti sumagmamano kadakayo iti pagbaludan. Agrigatkayto iti uneg ti sangapulo nga aldaw. Agtalinaedka ngarud a mapagtalkan uray pay no isut' pakatayam ket itedkonto kenka ti biag a kas gunggona ti balligim.