Jeremias 2:7 - Ti Baro a Naimbag a Damag Biblia

⁷ Impanko ida iti nadam-eg a daga, tapno lak-amenda dagiti bungana ken amin a naimbag a masarakan kenkuana. Ngem idi dimtengda sadiay, tinulawanda dayta a daga. Pinagbalinda a makarimon ti daga nga intedko kadakuada.

Ti Biblia (1973)

⁷ Ket inserreccayo iti daga a nabacnang, tapno canenyo ti bungana ken imbagna; ngem idi simreccayo, tinulawanyo ti dagac, ket inaramidyo ti tawidco a kinarimon.

Jeremias 2:7 Iomraidhean Croise

Nehemias 9:25

Sinakup dagiti tattaom dagiti siudad a nasarikedkedan ken dagiti nadam-eg a daga, balbalay a napno iti kinabaknang, dagiti bubon a nakalin, dagiti kayo ti olibo, kayo nga agbunga ken dagiti kaubasan. Kinnanda amin a kinaykayatda ket limmukmegda, linak-amda dagiti amin a naimbag nga intedmo kadakuada.

Nehemias 9:26

“Ngem immalsa dagiti tattaom, ket saanda a nagtulnog kenka; tinallikudanda ti Lintegmo. Pinatayda dagiti profeta a nangballaag kadakuada, a nangibaga kadakuada nga agsublida kenka. Masansan a laisendaka.

Isaias 19:25

Bendisionanto ti Apo a Mannakabalin-amin ida. Kunananto, “Bendisionanka, Egipto, dakayo a tattaok; sika, Asiria, a pinarsuak; ken sika, Israel, a pinilik a tattaok.”

Jeremias 16:18

Maminduanto ti kadagsen ti dusada gapu kadagiti basol ken kinadakesda, gapu ta tinulawanda ti dagak kadagiti imahen nga awanan biag a kas kadagiti bangkay ket pinunnoda kadagiti saan a pudno a dios.”

Jeremias 3:1

Kuna ti Apo, “No isina ti lalaki ti asawana, ket pumanaw ti babai sa asawaen ti sabali, saan a mabalin a sublian ti lalaki ti asawana. Daytoy nga aramid ti mangtulaw iti daga. Ngem adu idi ti kaayan-ayatmo, Israel, ket ita kayatmo manen ti agsubli kaniak!

Jeremias 3:2

Tangadem dagiti tapaw dagiti turod. Adda aya lugar a dimo nakikaiddaan? Nagtugawka iti igid dagiti dalan a nagur-uray kadagiti makikaidda kenka. Kaska la Arabo nga agpadpadaan iti sanebenna iti let-ang. Tinulawam ti daga babaen iti kinabalangkantismo.

Jeremias 3:9

a kas ketdin awan ti aniamanna kenkuana. Tinulawanna ti daga, ket nagbalangkantis babaen iti panagdaydayawna kadagiti bato ken kayo.

Jeremias 32:23

Ngem idi immayda iti daytoy a daga ket tinagikuada, dida nagtulnog kadagiti bilinmo wenno nagbiag a mayannurot kadagiti pannursurom. Awan tinungpalda kadagiti imbilinmo nga aramidenda. Daytoy ti gapuna nga inyegmo kadakuada amin dagitoy a pannakadadael.

Jeremias 32:30

Manipud iti mismo a panangrugi ti pakasaritaanda, pinagpungtotdak dagiti Israelita ken dagiti tattao ti Juda gapu iti dakes nga aramidda.

Ezekiel 20:24

Inaramidko daytoy ta dida inannurot dagiti bilinko, sinalungasingda dagiti lintegko, dida nginilin ti Aldaw a Panaginana, ket nagdaydayawda kadagiti didiosen a nagdaydayawan met dagiti kapuonanda.

Ezekiel 20:28

Impanko ida iti daga nga inkarik nga ited kadakuada. No makakitada idi kadagiti nangato a turod wenno narukbos a kaykayo, sadiay ti pagidatonanda ken pagpuoranda kadagiti sakrifisio a pakaigapuan ti panagpungtotko. Sadiay met ti pagipananda kadagiti arak a datonda.

Ezekiel 20:6

Insapatak iti daydi met la nga aldaw nga iruarko ida idiay Egipto ket ipanko ida iti insaganak a daga, daga a nabaknang ken nadam-eg ken daga a kasayaatan.

Ezekiel 23:35

Kastoy ti kuna ti Apo a Dios, “Agsipud ta linipatan ken tinallikudannak, sagabaemto ti dusa ti kinaderrepmo ken ti kinabalangkantismo.”

Ezekiel 36:17

Kinunana, “Anak ti tao, idi agnanaed dagiti Israelita iti dagada, tinulawanda babaen iti panagbiagda ken aramidda. Imbilangko ti aramidda a narugit a kas iti babai a madama nga agregla.

Oseas 9:3

Saanto nga agtalinaed dagiti tattao ti Israel iti daga ni Yahweh. Masapul nga agsublidanto idiay Egipto, ket mangandanto iti maiparit a taraon.

Mikias 2:10

Tumakderkayo ket pumanawkayo; saan a paginanaan daytoy a lugar. Gapu iti basol, nakaam-amak a pannakadadael ti mapagtengyo.

Numero 13:27

Kinunada ken ni Moises, “Sinukimatmi ti daga, ket nasarakanmi a nabaknang ken nadam-eg. Adtoy ti sumagmamano kadagiti bunga.

Deuteronomio 21:23

masapul nga ikaliyo met laeng ti bangkay iti dayta nga aldaw. Diyo pagpatpatnagen a nakabitin gapu ta ti bangkay a sibibitin, yegna ti lunod ti Dios iti daga. No diyo ikali a dagus, matulawan ti daga nga ited kadakayo ti Apo a Diosyo.

Deuteronomio 32:9

ngem pinilina dagiti kaputotan ni Jacob nga agpaay kenkuana.

Deuteronomio 6:18

Aramidenyo ti nalinteg ken naimbag iti imatang ti Apo tapno rumang-aykayo ken matagikuayo ti nadam-eg a daga nga inkari ti Apo kadagiti kapuonanyo.