Jeremias 2:3 - Ti Baro a Naimbag a Damag Biblia

³ Israel, nailasinka nga agpaay kaniak, sika ti pinilik a kasayaatan a bunga. Pinagsagabak dagiti amin a nangranggas kenka; inyegko ti didigra kadakuada. Daytoy ti sao ni Yahweh.”

Ti Biblia (1973)

³ Ti Israel nasantoan idi ken Jehova, dagiti damo a bungbunga ti yaaduna: amin dagiti mangalun-un kencuana macabasoldanto; ti dakes dumtengto cadacuada, cuna ni Jehova.

Jeremias 2:3 Iomraidhean Croise

Exodo 22:29

“Itedyo kaniak a dagus dagiti daton nga agtaud iti apit, iti arak ken iti lanayo no tiempo ti panagited. “Itedyo kaniak ti inauna nga anakyo a lalaki,

Exodo 23:16

“Rambakanyo ti Fiesta ti Panagapit babaen iti panangidatonyo ti umuna a maapit kadagiti talonyo. “Rambakanyo ti Fiesta ti Abong-abong iti panaggibus ti tawen, inton burasenyo ti bunga dagiti kaubasan ken minuyonganyo.

Isaias 41:11

“Dagiti gumurgura kadakayo, maparmekdanto ket ammodanto ti rikna ti pannakaibabainda. Matayto dagiti manggubat kadakayo, ket mapukawdanto iti rabaw ti daga.

Isaias 47:6

Nakaungetak kadagiti tattaok, ket diak imbilang idan a kukuak. Inyawatko ida iti pannakabalinmo, ket saanmo a kinaasian ida, uray dagiti duduogan pinarigatmo ida.

Jeremias 12:14

Kuna ti Apo, “Adda masaok maipapan kadagiti kaarruba ti Israel a nangdadael iti daga nga intedko kadagiti tattaok nga Israelita. Ikkatekto dagitoy a tattao iti dagada, kas iti mula a maparut iti nagtuboanna ket isalakankonto ti Juda iti pannakabalinda.

Jeremias 2:4

Denggenyo ti mensahe ti Apo, dakayo a kaputotan ni Jacob, dakayo a tribu ti Israel.

Jeremias 30:16

Ngem ita, maalun-onto met dagiti mangalun-on kadakayo, ket maipanawto a kas balud dagiti amin a kabusoryo. Maparigatto met dagiti amin a mangparigat kadakayo, ket masamsamanto met dagiti mangsamsam iti kinabaknangyo.

Jeremias 50:7

Darupen ida dagiti makasarak kadakuada. Kuna dagiti kabusorda, ‘Saan a dakes ti inaramidtayo ta nagbasolda iti Apo. Nagtalek dagidi kapuonanda iti Apo ket rebbengda koma ti nagtalinaed a sipupudno kenkuana.’

Joel 1:3

Ibagayo daytoy kadagiti annakyo; ibagadanto met kadagiti annakda a mangibaganto met iti kaputotan a sumaruno kadakuada.

Amos 6:1

Nakabutbutengto ti pagbanaganyo, dakayo a nanam-ay ti biagna dita Sion ken dakayo a mangipagarup a natalgedkayo dita Samaria—dakayo a papangulo iti daytoy agdindinamag a pagilian ti Israel, dakayo a kamangan dagiti tattao no masapulda ti tulong!

Habakuk 1:11

Kalpasanna, lumabasda a kas angin ket awandan, dagitoy nailunod a lallaki a pannakadiosda ti bilegda.”

Zacarias 1:15

Napalalo ti pungtotko kadagiti pagilian nga agnamnam-ay iti kappia ken talna. Idi medmedmedak ti pungtotko kadagiti tattaok, dinegdegan dagitoy a nasion ti panagsagabada.

Zacarias 2:8

Siasinoman a mangkabil kadakayo, kabilenna ti kapatgan kaniak.” Ngarud, inted kaniak ti Apo a Mannakabalin-amin daytoy a mensahe sanak imbaon kadagiti nasion a nangsamsam kadagiti sanikua dagiti tattaona ket imbagak:

Numero 18:12

“Itedko kadakayo ti amin a kasayaatan nga umuna a maapit nga ited kaniak dagiti Israelita iti tunggal tawen: lana ti olibo, arak ken trigo.

Taga-Roma 11:16

No maidaton iti Dios ti umuna a paset ti tinapay, maidaton met ti entero a tinapay. No dagiti ramut ti kayo ti maidaton iti Dios, maidaton met dagiti sanga.

Taga-Roma 16:5

Pakomustaak met ti iglesia nga aggigimong iti balayda. Pakomustaak ni Epeneto a patgek a gayyem. Isu ti immuna a namati ken ni Cristo iti probinsia ti Asia.

Taga-Efeso 1:4

Sakbay ti pannakaparsua ti lubong, pinilinatayon ti Dios nga agbalin a kukuana babaen ken ni Cristo, tapno nasantoan ken awan pakababalawantay iti imatangna. Gapu iti ayatna,

Deuteronomio 14:2

Ngamin, nasagradoankayo a tattao; kukuanakayo ti Apo a Diosyo. Pinilinakayo kadagiti amin a tattao iti rabaw ti daga tapno agbalinkayo a gamengna.

Deuteronomio 26:19

Pagbalinennakay a nabilbileg ngem dagiti dadduma a pagilian a pinarsuana ket maidaydayaw ken maitan-okto ti naganna. Dakayto dagiti nasantoan a tattaona a kas inkarina.”

Deuteronomio 7:6

Aramidenyo daytoy ta tattaonakayo ti Apo a Diosyo. Pinilinakayo iti amin a pagilian tapno agbalinkayo a naidumduma a gamengna.

Santiago 1:18

Iti bukodna a pagayatan, inikkannatay iti naespirituan a biag babaen iti sao ti kinapudno tapno datayo ti kangrunaan kadagiti amin a parsuana.

1 Pedro 2:9

Ngem dakayo ti napili a puli. Papadikayo nga agserbi iti Dios nga Ari. Nasionkayo a nasantoan. Tattaonakayo ti Dios. Inruarnakayo iti kasipngetan ket impannakayo iti nakaskasdaaw a lawagna. Pinilinakayo a nangipakaammo kadagiti nakaskasdaaw nga aramidna.

Paltiing 14:4

Isuda dagiti saan a natulawan babaen kadagiti babbai, ta nadalusda. Sumursurotda iti Kordero iti sadinoman a papananna. Isuda dagiti nasubbot iti sangkataoan ken dagiti umuna a maidaton iti Dios ken iti Kordero.