Jeremias 2:2 - Ti Baro a Naimbag a Damag Biblia

² nga innak ipakaammo daytoy a mensahe kadagiti amin nga agnaed idiay Jerusalem: “Malagipko ti kinapudnom idi ubingka; malagipko met ti ayatmo kaniak idi kakaskasarta. Sinurotnak idiay let-ang, iti maysa a daga nga awan pay mulana.

Ti Biblia (1973)

² Inca, ket ipuccawmo cadagiti lapayag ti Jerusalem, a cunam, Castoy ti cunana ni Jehova, Malagipca gapu iti kinaimbag ti kinaubingmo, ken gapu iti ayat dagiti pannakisinggalutmo; no casano ti isusurotmo iti licudac idiay let-ang, iti daga a saan a namulaan.

Jeremias 2:2 Iomraidhean Croise

Dagiti Salmo 129:1

Ibagam, O Israel, no kasano ti panangidadanes kenka dagiti kabusormo manipud pay kinaubingmo.

Exodo 14:31

Nagbutengda ken ni Yahweh idi nakitada ti dakkel a pannakabalin a pinangparmekna kadagiti Egipcio. Nagtalekda ken ni Yahweh, kasta met ken ni Moises nga adipenna.

Exodo 16:8

Innayon pay ni Moises, “Iti rabii, mangted ti Apo iti karne a sidayo. Iti bigat, ikkannakayo iti tinapay ingganat' mapnekkayo agsipud ta nangngegna ti nakaro a panagsaoyo iti maibusor kenkuana. No agreklamokayo kadakami, awan sabali a pagreklamoanyo no di ti Apo.”

Dagiti Proverbio 1:20

Denggem! Umaw-awag ti kinasirib kadagiti kalsada ken kadagiti plasa.

Kanta ni Solomon 3:11

Babbai iti Sion, umayyo kitaen ni Ari Solomon. Insaad ni inana ti korona iti ulona iti aldaw a panagkasarna; wen, iti aldaw ti rag-o ken ragsakna.”

Kanta ni Solomon 3:6

“Ania daytoy sumungad nga aggapu idiay let-ang, kasla umasimbuyok nga asuk nga agat-mirra ken insenso ken nabanglo a polbos dagiti agtagtagilako?

Isaias 58:1

Kuna ti Apo, “Agpukkawka iti amin a pigsam! Ipakaammom kadagiti tattaok nga Israelita dagiti basolda!

Jeremias 11:6

Kalpasanna, kinuna ti Apo kaniak, “Inka kadagiti siudad ti Juda ken kadagiti kalkalsada ti Jerusalem. Ipakaammom ti mensahek sadiay ket ibagam kadagiti tattao nga ipangag ken tungpalenda dagiti alagaden daytoy a katulagan.

Jeremias 19:2

Imbaonnak a mapan iti ruar ti Ruangan ti Harsit nga agturong iti Tanap ti Hinnom ket ipakaammok ti mensahe nga intedna kaniak.

Jeremias 2:1

Imbaga ti Apo kaniak

Jeremias 2:6

Saanda a sinaludsod, ‘Sadino ti ayan ti Apo a nangiruar kadatayo idiay Egipto? Sadino ti ayan ti nangidalan kadatayo idiay let-ang, daga a langalang ken ayan ti adu nga abut, namaga ken napeggad a daga, daga a saan a mapagpagnaan ken daga nga awan agnaed?’

Jeremias 3:4

“Ita, kunam kaniak, ‘Sika ti amak, ket inay-ayatnak manipud pay idi ubingak!

Ezekiel 16:22

Bayat ti nakababain a panagbiagmo a kas balangkantis a babai, nalipatam a namimpinsan ti kinaubingmo idi lamolamoka nga agkusaykusay iti daram.”

Ezekiel 16:60

Nupay kasta, bigbigek ti nagtulaganta idi ubingka pay, ket agtulagta iti mataginayon.

Ezekiel 16:8

“Idi lumabasak manen, nakitak a dimtengen ti tiempo a makiinnayatka. Inabbongak ti lamolamo a bagim iti kagayko ket inkarik nga ayatenka. Wen, nakitulagak kenka nga asawaenka ket tinagikuaka.” Daytoy ti kuna ti Apo a Dios.

Ezekiel 23:19

Nailumlom iti kinabalangkantisna ket inulitna dagiti aramidna a kas balangkantis idi balasitang pay idiay Egipto.

Ezekiel 23:3

Idi ubbingda nga agnanaed idiay Egipto, napukawda ti kinabirhenda ket nagbalinda a balangkantis a babbai.

Ezekiel 23:8

Dina insardeng ti panagbalangkantisna nga inrugina manipud iti panagnaedna idiay Egipto. Idi panawen ti kinabalasitangna, kinakaiddan dagiti lallaki a nangarusibsib iti kinalasbangna.

Oseas 11:1

Kuna ti Apo, “Inayatko ti Israel idi ubing pay. Inayabak ti anakko manipud Egipto.

Oseas 2:15

Isublikto kenkuana dagiti kaubasanna, ket pagbalinekto ti Tanap ti Akor a ruangan ti namnama. Sungbatannakto sadiay a kas idi agtutubo pay laeng, idi rimmuar idiay Egipto.

Oseas 2:17

Dinanton baliksen wenno mangngegan, ti nagan dagiti Baal.

Oseas 2:7

Surotennanto dagiti kaayan-ayatna, dinanto makamakam ida. Birokennanto ida ngem awanto ti masarakanna kadakuada. Kalpasanna, kunananto, “Agsubliak ken ni asawak, ta nasaysayaat ti kasasaadko idi iti dennana ngem ita.”

Oseas 8:1

Kuna ti Apo, “Puyotenyo ti trumpeta! Adda dagiti kabusor a sumiplag iti dagak a kas kadagiti agila nga agam-ampayag. Winaswas ngamin dagiti tattaok ti tulagko, ket sinalungasingda ti pannursurok.

Oseas 9:10

Kuna ti Apo, “Idi damo a masarakak ti Israel, kaslaak la nakasarak kadagiti pinuon ti ubas a sumansantak iti let-ang. Idi damo a makitak dagiti kapuonanyo, kaslaak la nakakita iti apagluom ken damo a bunga ti igos. Ngem idi dumtengda idiay Bantay Peor, rinugianda ti nagdaydayaw ken ni Baal. Nagbalinda a makarimon a kas iti imahen nga inayatda.

Jonas 1:2

Kinunana, “Inka idiay Nineve, ket ballaagam dayta agdindinamag a siudad, ta naipadamag kaniak ti kinadakes dagiti tattao.”

San Mateo 11:15

Dumngeg ngarud ti siasinoman nga addaan pannakaawat.

San Lucas 12:13

Adda maysa a lalaki a naitallaong sadiay. “Maestro,” kinunana ken ni Jesus, “ibagam man iti kabsatko a lalaki a bingayenna ti sanikua a tinawidmi iti daydi amami.”

Deuteronomio 2:7

“Laglagipenyo a binendisionannakayo ti Apo a Diosyo iti amin nga inaramidyo. Inaywanannakayo bayat ti panagalla-allayo iti daytoy nalawa a let-ang. Nakikadkadua kadakayo iti daytoy unos ti 40 a tawen ket adda amin a masapulyo.

Deuteronomio 33:3

Ayaten ti Apo dagiti tattaona, ket salaknibanna dagiti kukuana. Agrukbabtayo ngarud iti sakaananna, ket tungpalentayo dagiti bilinna.

Deuteronomio 8:2

Lagipenyo ti panangidalan ti Apo a Diosyo kadakayo iti nabayag a panagdaliasatyo iti let-ang iti uneg ti 40 a tawen. Sinuotnakayo tapno maammoanna no ania ti adda iti pusoyo ken no tungpalenyo dagiti bilinna.

Santiago 4:4

Tattao a di mapagtalkan! Diyo kad ammo a maibusor iti Dios ti pannakigayyem iti lubong? Wen, siasinoman a makigayyem iti lubong, maibilang metten a kabusor ti Dios.

Paltiing 2:4

Ngem daytoy ti diak kayat kenka: saannakon nga ay-ayaten a kas idi damo.