Jeremias 2:13 - Ti Baro a Naimbag a Damag Biblia

¹³ Adda dua a basol dagiti tattaok: binaybay-andak nga ubbog ti danum a sibibiag, nagkalida kadagiti bubon a di mabalin a pagurnongan iti danum.

Ti Biblia (1973)

¹³ Ta dua a kinadakes ti inaramid ti ilic: naglicudandac nga ubbog dagiti dandanum a sibibiag, ket nagcalida cadagiti bubbubon nga agpaay cadacuada, bubbubon a narengngat a saan a mabatian iti danum.

Jeremias 2:13 Iomraidhean Croise

2 Ar-ari 22:17

Gimmil-ayab ti pungtotko iti daytoy a lugar, ta linaksiddak dagiti tattao ket nagidatonda kadagiti didiosen. Pinagpungtotdak gapu iti amin nga inaramidda; pulos a dinto agbaaw ti pungtotko.

Dagiti Salmo 36:9

Sika ti pagtaudan ti amin a biag, ket gapu iti silawmo, makitami ti lawag.

Eclesiastes 1:14

Naimatangak ti amin a napasamak iti daytoy a lubong, ket nasarakak nga awan kapaypay-anda; mayarig iti panangkamat iti angin.

Eclesiastes 1:2

Awan serserbi ti amin a banag. Awan serserbida, kinuna ti Mannursuro. Awan serserbi ti biag; wen, awan amin serserbina.

Eclesiastes 12:8

Awan serserbi ti amin a banag, kinuna ti Mannursuro. Awan serserbina.

Eclesiastes 2:11

Ngem idi ammirisek ti amin nga inaramidko ken no kasano ti rigatko a nagtrabaho, nabigbigko nga awan kaipapanan dagitoy. Mayarig iti panangkamkamat iti angin—awan serserbina.

Eclesiastes 2:21

Aramidem ti maysa a banag iti amin a kinasirib, pannakaammo ken kinalaingmo ngem kalpasanna, ibatimto a tawiden ti tao a di nagbannog. Awan serserbina daytoy ket saan a nainkalintegan!

Eclesiastes 2:26

Ikkan ti Dios iti sirib, ammo ken ragsak dagiti kaay-ayona, ngem pagtrabahoenna dagiti managbasol; mangged ken agsalimetmetda tapno maited ti matgedanda kadagiti kaay-ayona. Awan serserbina amin. Mayarig iti panangkamat iti angin.

Eclesiastes 4:4

Natakuatak met no apay nga igaed dagiti tattao ti agtrabaho tapno agballigida: gapu ta apalanda dagiti sanikua dagiti kaarrubada. Ngem awan ti serserbina. Mayarig iti panangkamkamat iti angin.

Isaias 1:3

Ammo dagiti baka ti akinkukua kadakuada. Ammo met dagiti asno ti lugar a pangpakanan ti apoda kadakuada. Ngem awan ti ammo dagiti Israelita. Saan a makaawat dagiti tattaok.”

Isaias 1:4

Nasentensiaanka a madadael, sika a managbasol a nasion, dakayo a rinuker ken managdakdakes a tattao! Ilumlomnakayo dagiti basbasolyo! Linaksidyo ti Apo, ti Nasantoan a Dios ti Israel, ket tinallikudanyo.

Isaias 12:3

Kas iti mawaw a siraragsak a mangtako iti danum, kasta met dagiti tattao ti Dios no isalakanna ida.”

Isaias 5:13

ket maitalawkayto a kas balud. Matayto iti bisin dagiti panguloyo, ket matayto iti waw dagiti kaaduan.

Isaias 55:2

Apay a gastosenyo ti kuartayo iti taraon a saan a makan? Apay a gastoenyo ti sueldoyo, ket kaskasdi nga awan pannakapnekyo? Denggendak ket aramidenyo ti ibagak tapno maramananyo ti kaimasan a makan.

Isaias 63:8

Kinuna ti Apo, “Tattaok ida, ket saandakto nga allilawen.” Ket insalakanna ida

Jeremias 1:16

Kastoyto ti panangdusak kadagiti nagbasol a tattao agsipud ta linaksiddak ket nagpuorda iti insenso kadagiti didiosen ken nagdaydayawda kadagiti imahen nga inaramidda.

Jeremias 14:3

Agpasakdo dagiti babaknang; mapan dagiti adipenda kadagiti bubon ngem awan masapulanda a danum, agawidda nga awan nagyan kadagiti karambada. Maupay ken mariribukda, ket ilemmengda ti rupada.

Jeremias 15:6

Dakayo a tattao, linaksiddak, dakayo amin tinallikudandak. Ngarud, dinissoankayo agingga a narumrumekkayo gapu ta diak magawidanen ti pungtotko.

Jeremias 17:13

Ni Yahweh ti namnama ti Israel; maibabainto ti amin a mangtallikud kenkuana. Agpukawdanto a kas iti nagan a naisurat iti tapok, agsipud ta binaybay-anda ni Yahweh nga ubbog ti danum a sibibiag.

Jeremias 18:14

Adda kadi tiempo a maawanan iti niebe dagiti kabatoan a rangkis ti Libano? Mamagaan kadi dagiti nalamiis nga ubbog iti bantay?

Jeremias 19:4

Aramidek ti kasta, ta tinallikudandak dagiti tattao. Tinulawanda daytoy a lugar babaen iti panagidatagda kadagiti daton kadagiti sabali a dios—dagiti dios a dida ammo wenno ammo dagidi kapuonanda wenno dagiti ari ti Juda. Pinagayusda daytoy a lugar iti dara dagiti tattao nga awan basolna.

Jeremias 2:11

Addan aya nasion a nangisukat iti diosna uray pay saan a pudno a dios? Ngem insukatdak dagiti tattaok, siak a Dios a nangitan-ok kadakuada; wen, insukatdak kadagiti didiosen a saan a makatulong kadakuada.

Jeremias 2:17

Israel, sika a mismo ti nangyeg iti daytoy a dusa ta binaybay-annak, ni Yahweh a Diosmo, idi kibkibinenka iti dalanmo.

Jeremias 2:26

Kuna ti Apo, “Kas iti mannanakaw a maibabain no matiliwan iti aramidna, kastanto met a maibabainkayo amin nga Israelita—dagiti ariyo ken ofisialesyo, dagiti papadi ken profetayo.

Jeremias 4:22

Kinuna ti Apo, “Nengneng dagiti tattaok; saandak nga am-ammo. Kasda la maag nga ubbing; saanda a makaawat. Nalaingda nga agaramid iti dakes, ngem dida ammo ti agaramid iti naimbag.”

Jeremias 5:26

“Adda dagiti managdakdakes a makipagnaed kadagiti tattaok. Aglemmengda nga agur-uray, kas kadagiti lallaki nga agipakat kadagiti pagsilo kadagiti tumatayab, ngem nagipakatda kadagiti pagipalab-og kadagiti tattao.

Jeremias 5:31

Pasig nga ulbod ti sasawen dagiti profeta. Isuro dagiti papadi ti kaykayatda ket magustoan met ti kasta dagiti tattaok. Ngem anianto ti aramidenda inton agpatingga amin dagitoy?”

Ezekiel 14:5

Dagitoy a didiosen ti nakaigapuan ti panangtallikud kaniak dagiti Israelita ngem sapay koma ta magun-odko manen ti kinapudnoda babaen iti sungbatko.’

Ezekiel 47:1

Insublinak ti lalaki iti pagserkan ti Templo. Adda ubbog nga aggapu iti sirok ti pagserkan ket agpadaya ti ayusna, iti lugar a sinangoan ti Templo. Agpababa ti ayusna a lumasat iti akin-abagatan a paset ti altar.

Mikias 2:8

Isungbat ti Apo, “Ngem pagbalinenyo dagiti bagbagiyo a kabusor dagiti tattaok. Agawenyo ti kagay dagiti nasingpet a tattao a naggapu iti paggugubatan a mangipagarup nga awanen ti pagpeggadanda.

Mikias 6:3

Kuna ti Apo, “Tattaok, ania aya ti naaramidko kadakayo. Kasano a nagbalinak a dadagsenyo? Sumungbatkayo!

Zacarias 13:1

Kuna ni Yahweh a Mannakabalin-amin, “Inton dumteng dayta a tiempo, addanto ubbog a maluktan nga agpaay kadagiti kaputotan ni David ken dagiti tattao iti Jerusalem tapno maugasan ti basol ken kinarugitda.

San Juan 4:10

“No ammom la koma ti sagut nga ited ti Dios ken no siasino ti dumawdawat kenka iti inumen, dumawatka koma kenkuana ket ikkannaka iti nabiag a danum,” insungbat ni Jesus.

San Juan 4:11

“Apo,” kinuna ti babai, “nauneg ti bubon ket awan met ti pagsakdum. Pangalaam ngarud iti nabiag a danum?

San Juan 4:14

“ngem ti uminum iti danum nga itedko, saanton a mawaw. Ta ti danum nga itedko agbalinto nga ubbog iti unegna a mangted kenkuana iti nabiag a danum ken biag nga agnanayon.”

San Juan 7:37

Iti maudi ken kangrunaan nga aldaw ti fiesta, nagtakder ni Jesus ket kinunana iti napigsa a timek, “Ti siasinoman a mawaw, umay kaniak tapno uminum.

Deuteronomio 31:16

Kinuna ni Yahweh ken ni Moises, “Asidegen ti ipapataymo ket kalpasan ti ipapataymo, tallikudandakto dagiti tattao ket salungasingenda ti katulaganmi. Baybay-andakto ket agdaydayawdanto kadagiti didiosen dagiti pagano iti daga a dandanidan sakupen.

2 Pedro 2:17

Mayarig dagitoy a tattao iti namagaan nga ubbog. Kasda la ulep a mayang-angin iti napigsa. Insaganan ti Dios ti pagyananda iti mangliwengliweng a sipnget.

Paltiing 21:6

Kinunana pay, “Natungpalen! Siak ti Alfa ken ti Omega, ti pangrugian ken ti panungpalan. Siasinoman a mawaw, ikkakto iti kalintegan nga uminum iti ubbog ti danum ti biag.

Paltiing 22:1

Impakita pay ti anghel ti karayan ti danum ti biag. Nalitnaw a kas kristal ti danumna nga agubbog manipud iti trono ti Dios ken ti Kordero.

Paltiing 22:17

“Umayka!” kuna ti Espiritu ken ti Babai a Maikallaysa. “Umayka!” kuna met ti amin a makangngeg iti daytoy. Umasideg ti siasinoman a mawaw. Awaten ti siasinoman a mayat ti danum ti biag a kas sagut.

Uk-ukom 10:13

Ngem kaskasdi a linaksiddak ket nagdaydayawkayo kadagiti didiosen. Ita, saankayo nga isalakanen.

1 Samuel 12:10

Kalpasanna, nagpatulongda manen iti Apo. Kinunada, ‘Nagbasolkami, gapu ta tinallikudandaka, O Apo, ket nagdaydayawkami kadagiti imahen da didiosen a Baal ken Astarte. Ispalennakami kadagiti kabusormi, ket agdaydayawkaminto kenka!’