Jeremias 2:11 - Ti Baro a Naimbag a Damag Biblia

¹¹ Addan aya nasion a nangisukat iti diosna uray pay saan a pudno a dios? Ngem insukatdak dagiti tattaok, siak a Dios a nangitan-ok kadakuada; wen, insukatdak kadagiti didiosen a saan a makatulong kadakuada.

Ti Biblia (1973)

¹¹ Adda maysa a nacion a binalbaliwanna dagiti didiosna, idinto nga isuda saanda a didios? Ngem ti ilic insucatna ti dayagda iti awan magungunana.

Jeremias 2:11 Iomraidhean Croise

1 Ar-ari 11:33

Aramidek daytoy ta linaksidnak ni Solomon. Nagdaydayaw ken ni Astarte a diosa ti Sidon, ni Kemos a dios ti Moab, ken ni Molec a dios ti Ammon. Sinukirnak ni Solomon. Nagaramid iti dakes ket saanna a tinungpal dagiti bilin ken linteg a kas ken ni amana a David.

2 Ar-ari 1:3

Ngem binilin ti maysa nga anghel ni Yahweh ni profeta Elias a taga-Tisbe a sabtenna dagiti imbaon ni Ari Ahazias ket saludsodenna, “Apay a mapankayo makiuman ken ni Baalzebub a dios ti Ekron? Gapu kadi ta ipagarupyo nga awan ti Dios iti Israel?

2 Cronicas 13:9

Pinapanawyo dagiti papadi ti Apo, isuda a kaputotan ni Aaron; kasta met ti inaramidyo kadagiti Levita. Nangdutokkayo kadagiti bukodyo a papadi. Apay a tinuladyo ti ar-aramiden dagiti sabali a nasion? Ita, no la ketdi adda baka wenno pito a karnero ti maysa a tao, mabalinnan ti pakonsagrar a padi nga agserbi kadagiti didiosenyo!

Dagiti Salmo 106:20

Sinuktanda ti dayag iti imahen ti animal a ruot ti kanenna.

Dagiti Salmo 115:4

Pirak ken balitok dagiti didiosenda nga inaramid dagiti tattao.

Dagiti Salmo 3:3

Ngem sika, O Apo, ti salaknibko; pagballigiennak ket papigsaem ti pakinakemko.

Isaias 37:19

Pinuoranda dagiti didiosen dagita a nasion—saanda a pudno a dios no di ket kayo ken bato laeng a ladawan nga aramid ti tao.

Jeremias 16:20

Makaaramid kadi ti tao iti diosna? Saan! Saan a pudno a dios ti aramidenda.”

Jeremias 18:13

Kuna ti Apo, “Saludsodem iti amin a nasion no adda kastoy a napasamaken. Nakabutbuteng ti inaramid dagiti Israelita.

Jeremias 2:5

Kuna ti Apo: “Ania ti pammabasol dagiti kapuonanyo kaniak? Apay a tinallikudandak? Nagdaydayawda kadagiti awan serbina a didiosen, ket nagbalinda met nga awan serbina.

Jeremias 2:8

Saan a sinaludsod dagiti papadi, ‘Sadino ti ayan ti Apo?’ Saandak nga am-ammo dagiti papadik; binusordak dagiti agtuturay. Iti nagan ni Baal, nagsao dagiti profeta ket nagdaydayawda kadagiti didiosen nga awan serbina.”

Jeremias 5:7

Sinaludsod ti Apo, “Apay koma a pakawanek dagiti basol dagiti tattaok? Tinallikudandak ket nagdaydayawda kadagiti didiosen. Uray no intedko amin a masapulda, nakikamalalada latta ket dagiti balangkantis ti kinadendennada.

Ezekiel 14:5

Dagitoy a didiosen ti nakaigapuan ti panangtallikud kaniak dagiti Israelita ngem sapay koma ta magun-odko manen ti kinapudnoda babaen iti sungbatko.’

Ezekiel 5:7

Ita, Jerusalem, denggem ti saok nga Apo Dios. Gapu ta dika nagtulnog kadagiti lintegko ken dimo sinalimetmetan dagiti bilbilinko, ad-adu ti pinarnuaymo a dakes ngem dagiti nasion iti lawlawmo. Tinuladmo ti ugali dagiti sabali a pagilian.

Mikias 4:5

Agdaydayaw ken agtulnog ti tunggal nasion iti diosna, ngem agdaydayaw ken agtulnogtayo iti Apo a Diostayo iti agnanayon nga awan inggana.

Taga-Roma 1:23

Saanda nga agdaydayaw iti Dios a di matay, ngem agdaydayawda ketdi kadagiti ladawan ti tao a matay wenno tumatayab wenno ayup wenno agkarkarayam a parsua.

1 Taga-Corinto 8:4

Ngarud, no maipapan iti pannangan iti taraon a naidaton kadagiti didiosen, ammotayo a ti didiosen awan ti napudpudno nga iladawanna; ammotayo a maymaysa laeng ti Dios.

Taga-Galacia 4:8

Idi saanyo pay nga ammo ti Dios, tagabunakayo dagiti parsua a sinan-dios.

Deuteronomio 32:16

Nagdaydayawda kadagiti didiosen ket nagimon ti Apo; pinagpungtotda gapu kadagiti dakes nga inaramidda.

Deuteronomio 32:21

Pinagpungtotdak gapu kadagiti imahenda; pinagimondak kadagiti makunkuna a didiosenda, didiosenda a saan a pudno a Dios. Iti kasta, aramatekto ti makunkuna a nasion a mangpapungtot kadakuada. Aramatekto ti maysa a nasion dagiti maag, a mamagimon kadakuada.

Deuteronomio 33:29

Naggasatka ketdin, O Israel! Awan ti nasion a kas kenka nga insalakan ti Apo. Ti Apo a mismo ti kalasag ken kampilanmo; salakniban ken pagballigiennaka. Umayto dagiti kabusormo a dumawat iti kaasim, ket baddebaddekemto ida.

1 Pedro 1:18

Ta ammoyo no ania ti naibayad tapno mawayawayaankay iti awan serserbina a panagbiag a tinawidyo kadagiti kapuonanyo. Saankayo a nagatang babaen iti banag a madadael, kas iti pirak wenno balitok.

1 Samuel 4:21

Pinanagananna ti maladaga iti Icabod, ta kunana, “Pimmanawen ti dayag ti Dios iti Israel,” kayatna a sawen, ti pannakaagaw ti Lakasa ti Tulag ken ti pannakatay ti katuganganna ken ti asawana.