Jeremias 19:9 - Ti Baro a Naimbag a Damag Biblia

⁹ Palawlawanto dagiti kabusor ti siudad ket panggepdanto a patayen dagiti tattaona. Nakabutbutengto ti yeg ti pannakalakub ti siudad agingga nga agkikinnaan dagiti tattao ket kanendanto uray dagiti bukodda nga annak.’”

Ti Biblia (1973)

⁹ Ket pagtaraonecto ida iti lasag dagiti annacda a lallaki ken lasag dagiti annacda a babbai; ket canendanto tunggal maysa ti lasag ti gayyemna, iti pannacalacub ken iti rigat, isu a pangtutuocto cadacuada dagiti cabusorda ken dagiti agsapul iti biagda.

Jeremias 19:9 Iomraidhean Croise

2 Ar-ari 25:3

Iti maikasiam nga aldaw iti maikapat a bulan iti isu met la a tawen, idi nakaro ti bisin ket awanen ti makan dagiti tattao,

Isaias 9:20

Iti amin a paset ti pagilian, kanen dagiti tattao ti aniaman a makan a magammatanda ngem pulos a saanda a mabsog. Kanenda uray dagiti bukodda nga annak!

Jeremias 13:14

Kalpasanna, pagdidinnungparekto ida a kasla burnay, lallakay man wenno ubbing. Diakto kaasian wenno ilalaen ida. Diakto sumardeng agingga a mapapatayko ida.”

Jeremias 38:9

“Natan-ok nga Ari, dakes ti inaramid dagitoy a lallaki. Impisokda ni Jeremias iti bubon. Matay la ketdi a matay sadiay iti bisin. Awanen ti makan iti siudad.”

Dungdung-aw 2:20

Kitaem, O Apo, kitaem dagiti parparigatem! Rumbeng kadi a sidaen dagiti inna dagiti annak nga inay-ayatda? Rumbeng kadi a mapapatay dagiti papadi ken profeta iti uneg ti santuariom?

Dungdung-aw 4:10

Nakabutbuteng a buya ti inyeg ti didigra a nagdissuor kadagiti tattaok. Linuto dagiti naayat nga inna dagiti mismo nga annakda tapno adda kanenda.

Ezekiel 5:10

Pagangayanna, idiay Jerusalem, sidaento dagiti amma ken inna dagiti annakda, ket sidaento met dagiti annak dagiti nagannak kadakuada. Dusaenkayto, ket iwarawarakto dagiti natda a sibibiag iti amin a suli ti lubong.

Levitico 26:29

Kasta unayto ti panagbisinyo ket kanenyonto dagiti mismo nga annakyo.