Jeremias 19:8 - Ti Baro a Naimbag a Damag Biblia

⁸ Idissuorkonto ti nakabutbuteng a pannakadadael iti daytoy a siudad. Makigtot ken masdaawto dagiti lumabas a makakita iti napasamak iti daytoy a lugar.

Ti Biblia (1973)

⁸ Ket aramidecto daytoy nga ili a maysa a pagsiddaawan, ken maysa a pagsanamtican; tunggal maysa a lumabas kencuana masdaawto ken agsanamticto gapu cadagiti amin a saplitna.

Jeremias 19:8 Iomraidhean Croise

1 Ar-ari 9:8

Agbalinto daytoy a Templo a gabsuon ti bato ket masdaaw ken makigtotto dagiti amin nga aglabas. Kunadanto, ‘Apay a kastoy ti inaramid ti Apo iti daytoy a daga ken iti daytoy a Templo?’

Jeremias 18:16

Pinagbalinda a nakabutbuteng daytoy a daga; nagbalin a mauy-uyaw iti agnanayon. Makigtotto amin a lumabas iti makitada, agwingiwingdanto iti siddaawda.

Jeremias 25:18

Imminum ti Jerusalem, dagiti il-ili ti Juda, dagiti ari ken dagiti pangulo tapno aglangalangda ken agbalinda a nakabutbuteng ken nakakigkigtot a buya. Iti kasta, aramatento dagiti tattao ti naganda a pagilunod. (Kasta pay laeng agingga ita.)

Jeremias 49:13

Siak a mismo ti agsapata nga agbalinto ti siudad ti Bozra a nakabutbuteng ken langalang. Pagang-angawanto dagiti tattao ket pagilunoddanto ti naganna. Agnanayonto a rebrebba ti amin a kabangibang a barriona. Siak, ni Yahweh, ti nagsao iti daytoy.”

Jeremias 50:13

Gapu iti pungtotko, aglangalangto ti Babilonia ket awanto ti agnaed. Mabaybay-anto a narnarba ket makigtot ken masdaawto dagiti amin nga aglabas a makakita iti napasamak kenkuana.

Ezekiel 27:36

Napukawkan, wen, napukawkan iti agnanayon, ket mabuteng dagiti amin nga agtagtagilako iti sangalubongan. Maamakda amangan no lak-amenda met ti napasamak kenka.”

Levitico 26:32

Dadaelekto a maminpinsan ti dagayo ket urayto la makigtot dagiti kabusor a makakita iti napasamak. Sakupendanto ti daga.

Mikias 6:16

Maaramid dagitoy ta tultuladem dagiti dakes nga ugali ni Ari Omri ken ni Ari Ahab nga anakna. Itultuloymo dagiti pagannurotanda. Ngarud, yegkonto ti pannakadadaelmo ket pagang-angawandanto dagiti amin a tattaom. Lalaisendakayto dagiti amin a tattao.”

Sofonias 2:15

Daytoyto ti mapasamak iti siudad a natangsit unay gapu iti pannakabalinna. Ipagarupna a natalged ket awan ti pakaan-anoanna. Ipagarup dagiti tattaona a ti siudadda ti kabilgan iti lubong. Aglangalangto ket agbalinto nga apon dagiti atap nga animal. Agalinggagetto ti siasinoman a magna sadiay.

Deuteronomio 28:37

Gapu iti mapasamak kadakayo, masdaawto dagiti tattao kadagiti pagilian a pakaiwarasanyo; dakayonto ti kanayon a sarsaritaen, rabrabaken ken katkatawaanda.

Deuteronomio 29:22

“Iti masakbayan, makitanto dagiti kaputotanyo ken dagiti ganggannaet kadagiti adayo a pagilian ti didigra ken panagsagaba nga indissuor ti Apo iti dagayo.