Jeremias 19:6 - Ti Baro a Naimbag a Damag Biblia

⁶ Ngarud, dumtengen ti tiempo a dinton maawagan daytoy a lugar iti Tofet wenno Tanap ti Hinnom. Maawaganton iti Tanap a Pagpartian.

Ti Biblia (1973)

⁶ Gapuna, adtoy, dagiti al-aldaw dumtengda, cuna ni Jehova, a daytoy a disso saanton a managanan Tofet, wenno ti lobong ti anac a lalaki ni Hinnon, no di ket ti lobong a Pagpapatayan.

Jeremias 19:6 Iomraidhean Croise

Isaias 30:33

Idi un-unana, addan naisagana a lugar a pakapuoran iti ari ti Asiria. Nauneg ken nalawa daytoy a disso a nakatuontuonan ti adu a kayo. Ket arigto iti gumilgil-ayab nga asufre ti anges ti Apo a mangpasged kadagiti kayo.

Jeremias 19:11

ket ibagak kadakuada ti sao ti Apo a Mannakabalin-amin, “Warawaraek dagitoy a tattao ken daytoy a siudad ket kas iti pannakaburburak daytoy a karamba, saanton a matarimaan. Agbalinto ti Tofet a pagitaneman agsipud ta awan sabali a lugar a pagitaneman.

Jeremias 19:2

Imbaonnak a mapan iti ruar ti Ruangan ti Harsit nga agturong iti Tanap ti Hinnom ket ipakaammok ti mensahe nga intedna kaniak.

Josue 15:8

sumang-at ti beddeng iti Tanap ti Hinnom iti abagatan a paset ti turod a nakaisaadan ti Jerusalem a siudad dagiti Jebuseo. Sumang-at ti beddeng iti tapaw ti bantay a kasumbangir ti Tanap ti Hinnom iti abagatan, iti akin-amianan a pungto ti Tanap ti Refaim.