Jeremias 19:5 - Ti Baro a Naimbag a Damag Biblia

⁵ Nangbangonda kadagiti altar a maipaay ken ni didiosen a Baal a pangpuoranda kadagiti annakda a kas sakrifisio. Diak binilin ida a kastoy ti aramidenda; pulos a di simrek iti panunotko.

Ti Biblia (1973)

⁵ Ket binangonda dagiti nangato a disdisso ni Baal, tapno puuranda dagiti annacda a lallaki iti apuy a maipaay a datdaton a mapuuran ken Baal; isu a diac imbilin, wenno insaoc, ket diac met pinanunot:

Jeremias 19:5 Iomraidhean Croise

2 Ar-ari 17:17

Pinuoranda dagiti annakda a kas daton kadagiti didiosen. Nakiumanda kadagiti espiritu ken kadagiti mammadles. Inggaedda ti nagaramid kadagiti dakes a banag iti imatang ni Yahweh.

2 Ar-ari 21:6

Indatagna ti lalaki nga anakna a daton a mapuoran. Namuybuyon ken namadpadles ket nakiuman kadagiti baglan ken espiritu. Agkakadakes iti imatang ni Yahweh dagiti inaramidna ket nagpungtot ni Yahweh.

2 Cronicas 28:3

nagpuor iti insenso iti Tanap ti Hinnom; ket pinuoranna pay dagiti annakna a kas daton kadagiti imahen. Tinuladna dagiti makarimon nga ugali dagiti tattao a pinapanaw ni Yahweh iti daga idi dumteng dagiti Israelita.

Jeremias 32:35

Nagbangonda kadagiti altar nga agpaay ken ni Baal idiay Tanap ti Hinnom a pangpuoranda kadagiti annakda a daton ken ni didiosen a Moloc. Diak imbilin nga aramidenda daytoy. Di met simrek iti panunotko nga aramidenda daytoy a makarimon a banag a pagbasolan dagiti tattao ti Juda.”

Ezekiel 16:36

Daytoy ti kuna ti Apo a Dios, “Naglabuska ket kaska la balangkantis a babai a nangidiaya iti bagim kadagiti kaayan-ayatmo ken kadagiti amin a makarimon a didiosen. Pinapataymo dagiti annakmo a kas daton kadagiti didiosen.

Ezekiel 20:26

Impalubosko a tulawanda dagiti bagbagida babaen kadagiti sagutda. Binay-ak ida a nagidaton kadagiti inauna nga annakda a lallaki. Inaramidko daytoy a pangdusak kadakuada ken pangipakitak a siak ni Yahweh.

Ezekiel 38:10

Daytoy ti kuna ti Apo a Dios ken ni Gog, “Inton dumteng dayta a tiempo, rugiamto ti agpanunot iti dakes a panggep.

Daniel 2:29

“Idi matmaturogka, O Natan-ok nga Ari, natagtagainepmo ti maipapan iti masakbayan; ket ti Dios a mangipakaammo kadagiti palimed impakitana kenka ti mapasamakto.

Levitico 18:21

Diyo ited ti anakyo a mausar iti panagdaydayaw ken ni didiosen a Moloc ta daytoy ti pakaibabainan ti nagan ti Dios nga Apo.

Numero 22:41

Kabigatanna, simmang-at da Balak ken Balaam idiay Bamot Baal. Manipud iti ayanda, matannawagan ni Balaam ti dadduma a kampo dagiti Israelita.

Deuteronomio 12:31

Dikay agdaydayaw iti Apo a Diosyo a kas iti panagdaydayawda kadagiti didiosenda. Ngamin, iti panagdaydayawda, aramidenda dagiti amin a makarimon a banag a kagura ti Apo. Puoranda pay dagiti annakda a kas daton kadagiti didiosenda.”