Jeremias 17:4 - Ti Baro a Naimbag a Damag Biblia

⁴ Kapilitan nga isukoyonto ti daga nga intedko kadakayo. Ipaadipenkayto kadagiti kabusoryo iti daga a diyo naam-ammoan agsipud ta kasla apuy ti pungtotko a sumged iti agnanayon.”

Ti Biblia (1973)

⁴ Ket sica, uray pay sica met laeng, saancanto nga agtuloy iti tawidmo nga intedco kenca; ket pagserviencanto cadagiti cabusormo, iti daga a dica ammo; ta pinasgedanyo ti maysa nga apuy iti pungtotco isu nga sumgedto iti agnanayon.

Jeremias 17:4 Iomraidhean Croise

1 Ar-ari 9:7

pagtalawekto dagiti tattaok nga Israelita iti daga nga intedko kadakuada. Baybay-akto daytoy a Templo a kinonsagrarko a pagdaydayawan dagiti tattao kaniak. Sarsaritaendanto ti Israel ket lalaisento dagiti tattao iti amin a lugar.

2 Ar-ari 25:21

iti daga ti Hamat. Sadiay, pinarparigat ida ti ari ket kalpasanna, pinapapatayna ida. Iti kasta, naitalaw dagiti tattao ti Juda ket naipanda iti sabali a pagilian.

Nehemias 9:28

No agsublin ti talna, agbasolda manen, ket ipalubosmo a parmeken manen ida dagiti kabusorda. Nupay kasta, no agbabawida ket dawatenda nga isalakanmo ida, mangngegmo ida dita langit, ket gapu iti asim kanayon nga isalakanmo ida.

Isaias 14:3

Palung-awento ti Apo dagiti Israelita. Ikkatennanto ti saem ken panagsagabada ken ti nadagsen a trabaho a naipabaklay kadakuada.

Isaias 30:33

Idi un-unana, addan naisagana a lugar a pakapuoran iti ari ti Asiria. Nauneg ken nalawa daytoy a disso a nakatuontuonan ti adu a kayo. Ket arigto iti gumilgil-ayab nga asufre ti anges ti Apo a mangpasged kadagiti kayo.

Isaias 5:25

Kapungtot ti Apo dagiti tattaona ket inlayatna ti imana tapno dusaenna ida. Magunggonto dagiti bantay ket kaslanto rugit dagiti bangkay dagiti tattao nga agkaiwara kadagiti kalsada. Ngem uray no maaramid daytoy, dinto agbaaw ti pungtot ti Apo ket silalayatto latta ti imana a mangdusa.

Isaias 50:11

Dakayo nga agpanggep a mangdadael iti padayo a tao ti panggepyonto met laeng ti pakadadaelanyo! Ti Apo ti mangdusanto kadakayo; nakaay-ay-ayto ti pagbanaganyo.

Isaias 66:24

“Bayat ti ipapanawda, makitadanto dagiti bangkay dagiti nagsukir kaniak. Pulos a dinto matay dagiti igges nga agkaan kadagiti bangkayda, ket dinto met maiddep ti apuy a manguram kadakuada. Karimonto ida dagiti amin a tattao a makakita kadakuada.”

Jeremias 12:7

Kuna ti Apo, “Binaybay-ak ti Israel, linaksidko ti pinilik a nasion. Inyawatko dagiti tattao nga ay-ayatek iti pannakabalin dagiti kabusorda.

Jeremias 15:14

Pagserbiekto ida kadagiti kabusorda iti daga a dida pay nadamdamag, agsipud ta kasla apuy ti pungtotko ket sumged iti agnanayon.”

Jeremias 16:13

Iti kasta, ipurruakkayto iti ruar daytoy a daga, iti daga a diyo pay naammoan ken di met naammoan dagidi kapuonanyo. Sadiay, aldaw-rabii nga agserbikayto kadagiti sabali a dios ket saankayto a kaasian.’”

Jeremias 18:23

Ngem ammom, O Apo, ti panggepda a mangpapatay kaniak. Saanmo a pakawanen ti kinadakesda. Saanmo a pakawanen ti basolda. Dissoan ida inton aldaw ti pungtotmo.”

Jeremias 2:14

“Tagabu aya ti Israel? Nayanak aya a tagabu? Apay ngarud nga an-anupen dagiti kabusorna?

Jeremias 22:28

Kinunak, “Nagbalin kadi ni Jeconias a kasla buong a karamba? Naibelleng ket awanen ti mangayat? Daytoy kadi ti gapu no apay a naipanaw agraman dagiti annakna ket naipanda iti daga a saanda pay a nadamdamag?”

Jeremias 5:19

No saludsodenda no apay nga aramidek amin dagitoy, kastoy ti kunam, Jeremias, ‘Gapu ta linaksidyo ti Apo, ket nagserbikayo kadagiti ganggannaet a didiosen iti dagayo. Agserbikayonto met kadagiti ganggannaet iti daga a saanyo a kukua.’”

Jeremias 5:29

“Ngem siak, ni Yahweh, dusaekto ida gapu kadagiti dakes nga aramidda. Balsekto daytoy a nasion!

Jeremias 7:20

Iti kasta, siak ni Yahweh a Dios, idissuorkonto ti nakaro a pungtotko iti daytoy a lugar, kadagiti tattao ken animal, uray pay kadagiti kayo ken kadagiti mula. Kaslanto apuy ti pungtotko nga awan ti makaiddep.

Dungdung-aw 1:12

“Kitaendak!” ipukkawna iti amin a lumabas. “Dinusanak ti Apo iti aldaw ti pungtotna. Awan pakayaspingan ti ladingitko nga impalak-amna.

Dungdung-aw 5:2

Innala dagiti ganggannaet ti sanikuami, ganggannaet ti agnanaeden iti taengmi.

Ezekiel 21:31

Mariknamto ti pungtotko no idissuorko kenka a kas gumilgil-ayab nga apuy. Yawatkanto kadagiti nadawel a tattao, dagiti eksperto nga agdadael.

Ezekiel 7:24

Yegkonto ditoy dagiti kadaksan a nasion, ket ipaluboskonto a tagikuaenda dagiti balbalayyo. Mapukawton dagiti napipigsa a lallaki ti panagtalekda kadagiti bagbagida inton palubosak dagiti nasion a mangtulaw kadagiti lugar a pagdaydayawanyo.

Deuteronomio 28:25

“Ipalubosto ti Apo a parmekendakayo dagiti kabusoryo. Maymaysanto ti paggapuanyo a manggubat kadakuada ngem agtataraykayto a mawarawara ket diyonto ammo ti turturongenyo. Agbutengto dagiti amin a tattao ditoy daga a makakita iti mapasamak kadakayo.