Jeremias 17:3 - Ti Baro a Naimbag a Damag Biblia

³ ken iti tapaw dagiti bambantay nga adda iti tay-ak. Pasamsamkonto kadagiti kabusoryo dagiti sanikua ken gamengyo gapu kadagiti amin a basolyo iti entero a daga.

Ti Biblia (1973)

³ O bantayco iti away, itedconto ti sanicuam ken amin dagiti gamengmo a maysa a samsam, ken dagiti nangato a dissom gapu iti basol cadagiti amin a beddengmo.

Jeremias 17:3 Iomraidhean Croise

2 Ar-ari 24:13

Innala ni Nebucadnesar ti amin a gameng iti Templo ken iti palasio ket impanna dagitoy idiay Babilonia. Kas impakaammo ni Yahweh, binurburak ni Nebucadnesar dagiti balitok nga alikamen nga inaramid ni Ari Solomon a maar-aramat iti Templo.

Dagiti Salmo 78:58

Pinagpungtotda gapu kadagiti altarda ket pinagimonda gapu iti didiosen a nagdaydayawanda.

Isaias 27:9

Ngem dinto mapakawan dagiti basol ti Israel agingga a matumtumek dagiti amin a bato kadagiti altar dagiti pagano ken awanen mabati nga adigi ni Asera wenno altar a pagpuoran iti insenso.

Jeremias 12:12

Dimteng dagiti lallaki nga agdadael; naglasatda iti nangangato a lugar iti let-ang. Inyegko ti gubat a mangdadael iti sapasap a daga; awan talna iti panagbiag dagiti tattao.

Jeremias 15:13

Kinuna ti Apo kaniak, “Ibaonkonto dagiti kabusorda a mangipanaw kadagiti sanikua ken gameng dagiti tattaok, tapno madusada gapu iti basol nga inaramidda iti entero a daga.

Jeremias 20:5

Pasamsamkonto kadagiti kabusorda ti amin a kinabaknang daytoy a siudad. Pasamsamkonto met dagiti napateg a sanikuada ken uray pay dagiti napateg a gameng dagiti ari ti Juda. Ipandanto idiay Babilonia.

Jeremias 21:13

Sika, Jerusalem, agtugtugawka iti ngatoen dagiti tanap, kas iti dakkel a bato iti patad. Ngem gubatenkanto. Kunam nga awan makabalin a dumarup kenka wenno makastrek kadagiti sarikedkedmo.

Jeremias 26:18

“Idi ni Hezekias ti ari ti Juda, imbaga ni profeta Mica a Morastita kadagiti amin a tattao a kinuna daytoy ti Apo a Mannakabalin-amin, ‘Kaslanto talon a maarado ti Sion; agbalinto ti Jerusalem a gabsuon a batbato, ket agbalinto a bakir ti turod ti Templo.’

Dungdung-aw 1:10

Sinamsam ti kabusor ti amin a gamengna. Nakitana ti iseserrekda iti mismo a Templo, ti lugar nga iparit ni Yahweh a serken dagiti Hentil.

Ezekiel 16:39

Yawatkanto iti pannakabalinda. Rakrakendanto dagiti lugar a nakikamalalaam ken nagdaydayawam kadagiti didiosen. Alaendanto dagiti amin a kawesmo ken dagiti alahasmo, ket panawandakanto a lamolamo.

Ezekiel 23:46

Kastoy ti kuna ti Apo a Dios, “Mangyegka iti bunggoy a mangriribuk kadakuada ken mangsamsam kadagiti sanikuada.

Ezekiel 6:3

Ibagam kadagiti bambantay ti Israel a denggenda ti sao ti Apo a Dios. Daytoy ti saok kadagiti bantay, turod, derraas ken tanap: Mangyegakto iti kampilan a mangdadael kadagiti luglugar a pagdaydayawan dagiti tattao kadagiti imahen.

Levitico 26:30

Dadaelekto dagiti lugar a pagdaydayawanyo kadagiti turod, rebbaekto dagiti altar a pagpupuoranyo iti insenso ket ipurruakkonto dagiti bangkayyo kadagiti natumba a didiosenyo. Iti kasta unay a gurak,

Mikias 3:12

Ngarud, gapu kadakayo, maaradonto ti Sion a kas iti maysa a talon. Marebbekto ti Jerusalem ket agbalin a nagrebbaan. Agbalinto met a kabakiran ti bantay nga ayan ti Templo.

Sofonias 1:13

Masamsamto ti kinabaknangda. Madadaelto dagiti balbalayda. Didanto agnaed kadagiti balay a patpatakderenda wenno uminum iti arak ti ubas nga imulmulada.”