Jeremias 17:2 - Ti Baro a Naimbag a Damag Biblia

² Malagip dagiti annakyo dagiti altar ken adigi a naipasdek nga agpaay ken ni Asera a diosa iti abay ti tunggal nalangto a kayo, iti rabaw ti turod

Ti Biblia (1973)

² Bayat ti pannacalaglagip dagiti annacda cadagiti altarda ken ti Asherimda iti arpad dagiti narucbos a caycayo iti rabaw dagiti nangato a turturod.

Jeremias 17:2 Iomraidhean Croise

2 Cronicas 24:18

Insardeng dagiti tattao ti panagdaydayawda iti Templo ni Yahweh, ti Dios dagidi kapuonanda ket nagdaydayawda kadagiti imahen ken simbolo ni Asera a diosa. Gapu iti aramidda, nakapungtot ni Yahweh ket dinusana ti Juda ken Jerusalem.

2 Cronicas 33:19

Nailanad iti Pakasaritaan dagiti Profeta ti kararag ti ari ken ti sungbat ti Dios iti dayta a kararag, ti pakasaritaan dagiti basolna, ti kinadakes nga inaramidna, dagiti inaramidna a pagdaydayawan ken dagiti simbolo ni Asera a diosa ken dagiti imahen a nagdaydayawanna.

2 Cronicas 33:3

Tinarimaan ni Manases dagiti lugar a pagdaydayawan a dinadael ni Hezekias nga amana. Nagaramid kadagiti altar a pagdaydayawan ken ni didiosen a Baal. Nangsukog iti imahen ni didiosen nga Asera ken nagdaydayaw kadagiti bituen.

Dagiti Salmo 78:58

Pinagpungtotda gapu kadagiti altarda ket pinagimonda gapu iti didiosen a nagdaydayawanda.

Exodo 34:13

Rebbaenyo ketdi dagiti altarda, dadaelenyo dagiti nasagradoan a bato nga adigida ken dagiti kaykayo a simbolo ti didiosenda nga Asera.

Isaias 1:29

Agbabawikayto iti panagdaydayawyo kadagiti kayo ken ti panagipasdekyo kadagiti minuyongan a sagrado kadakayo.

Isaias 17:8

Didanton agtalek kadagiti altar nga inaramidda wenno kadagiti bukodda a gapuanan—dagiti simbolo ni Asera a diosa ken kadagiti altar a pagpuoran iti insenso.

Jeremias 2:20

Kuna ti Apo a Dios, “Israel, nabayagen a linaksidmo ti panangiturayko. Dimo kinayat ti agtulnog ken agdaydayaw kaniak. Iti tunggal nangato a turod ken iti sirok ti nalangto a kayo, nagdaydayawka kadagiti didiosen, nagiddaka a kasla balangkantis.

Jeremias 3:23

Awan ti naitulong ti panagdaydayaw kadagiti didiosen kadagiti tapaw dagiti turod. Aggapu laeng iti Apo a Diostayo ti pannakaisalakan ti Israel.

Jeremias 3:6

Idi panawen ni Ari Josias, kinuna ti Apo kaniak, “Nakitam kadi ti inaramid ti Israel, dayta mangliliput a babai? Tinallikudannak ket simmang-at kadagiti nangato a turod ket nagbalangkantis iti tunggal sirok ti nalangto a kayo.

Jeremias 7:18

Agurnong dagiti ubbing kadagiti pagsungrod. Mangaron dagiti lallaki ken aggamay met dagiti babbai iti masa nga aramidenda a tinapay nga idatagda iti diosa nga awaganda iti Reyna ti Langit. Agidatagda iti daton nga inumen kadagiti dadduma a didiosen tapno pagpungtotendak.

Ezekiel 20:28

Impanko ida iti daga nga inkarik nga ited kadakuada. No makakitada idi kadagiti nangato a turod wenno narukbos a kaykayo, sadiay ti pagidatonanda ken pagpuoranda kadagiti sakrifisio a pakaigapuan ti panagpungtotko. Sadiay met ti pagipananda kadagiti arak a datonda.

Deuteronomio 12:2

Iti daga nga inkay sakupen, dadaelenyonto ti amin a lugar a pagrukrukbaban dagiti tattao kadagiti didiosenda, adda man dagitoy kadagiti nangato a bantay, turod wenno sirok dagiti narukbos a kayo.

Uk-ukom 3:7

Nalipatan dagiti Israelita ni Yahweh a Diosda. Nagbasolda kenkuana. Nagdaydayawda kadagiti Baal ken kadagiti Astarot,