Biblia Todo Logo
Bìoball air-loidhne

- Sanasan -




Jeremias 16:4 - Ti Baro a Naimbag a Damag Biblia

4 Mataydanto kadagiti nakabutbuteng a sakit, ket awanto ti mangdung-aw wenno mangitanem kadakuada. Maiwalangto dagiti bangkayda a kasla nabunton a rugit iti daga. Mataydanto iti paggugubatan, wenno iti bisin ket kanento dagiti tumatayab ken atap nga animal dagiti bangkayda.

Faic an caibideil Dèan lethbhreac

Ti Biblia (1973)

4 Mataydanto iti nasaem nga ipapatay: saandanto a madung-awan, ket didanto met maiponpon; isudanto dagiti cas rugit iti rabaw ti daga; ket maibusdanto iti campilan ken it bisin; ket dagiti bangcayda pagtaraonto a maipaay cadagiti tumatayab ti langit ken cadagiti animal ti daga.

Faic an caibideil Dèan lethbhreac




Jeremias 16:4
33 Iomraidhean Croise  

No maipapan ken ni Jezebel, dinto maitanem ta kanento dagiti aso ti bangkayna iti sakup ti Jezreel.’” Kalpasan ti panangisaona iti daytoy, pimmanaw a dagus ti agtutubo.


Nauloyan iti kampilan dagiti papadida, ket di napalubosan nga agdung-aw dagiti baloda.


Pinarmekmo ida idiay Endor, ket nagrupsa ti bangkayda iti daga.


Mabaybay-andanto nga agpaay a kanen dagiti tumatayab ken atap nga animal kadagiti bantay. Iti kalgaw, kanento dagiti tumatayab ida ket iti tiempo ti lam-ek, bumaginto met dagiti animal.


Kapungtot ti Apo dagiti tattaona ket inlayatna ti imana tapno dusaenna ida. Magunggonto dagiti bantay ket kaslanto rugit dagiti bangkay dagiti tattao nga agkaiwara kadagiti kalsada. Ngem uray no maaramid daytoy, dinto agbaaw ti pungtot ti Apo ket silalayatto latta ti imana a mangdusa.


Iti daytoy a lugar, lapdakto ti amin a panggep dagiti tattao ti Juda ken Jerusalem. Bay-akto a parmeken ida dagiti kabusorda ket mataydanto iti paggugubatan. Ipakankonto ti bangkayda kadagiti tumatayab ken kadagiti atap nga animal.


Patayekto dagiti amin nga agnaed iti daytoy a siudad; matayto dagiti tattao ken animal iti nakaro a sakit.


Iti dayta nga aldaw, maiwarawaranto dagiti pinatay ni Yahweh manipud maysa a pungto ti daga agingga iti sabali a pungto. Awanto ti mangdung-aw kadakuada. Saanto a maitanem dagiti bangkayda. Kasladanto takki a mabuntubunton iti daga.


Iti kasta, siak, ni Yahweh, kunak kadakayo a saandak a tinungpal. Saanyo a winayawayaan dagiti padayo a Hebreo. Ala ngarud, ikkankayo iti wayawayayo; wayawaya a matay iti gubat, angol ken bisin. Pagbutngekto amin a nasion iti lubong gapu iti aramidko kadakayo.


Yawatkonto ida kadagiti kabusorda, kadagiti agpanggep a mangpapatay kadakuada. Kanento dagiti tumatayab ken animal dagiti bangkayda.


Siak, ni Yahweh, kunak kenka, Ari Jehoyakim, nga awanto kadagiti kaputotam ti agari. Maipurruakto ti bangkaymo iti lugar a mainitan iti aldaw ken malinnaawan iti rabii.


No maipapan kadagiti nabati a tattao idiay Juda a mangipapilit nga agnaed iti Egipto, pukawekto amin ida. Mataydanto amin ditoy Egipto gapu iti gubat ken bisin, natan-ok man wenno nanumo. Nakakaasinto ti kasasaadda. Lalaisento ida dagiti tattao ket agbalinto a lunod ti naganda.


Saankayto a parang-ayen. Dadaelenkayto ketdi. Matayto iti gubat ken bisin ti amin a taga-Juda nga agnaed ditoy Egipto. Awanto a pulos ti mabati.


Agpaayto dagiti bangkay a taraon dagiti tumatayab ken dagiti atap nga animal, ket awanto ti mangbugaw kadakuada.


Agkaiwara dagiti bangkay, kasda la nabunton a rugit iti taltalon, kasda la nagapas a pagay a nabati dagiti agani, pagay nga awan ti mangurnong. Daytoy ti imbaga ti Apo a sawek.”


Nagasgasat dagiti natay iti gubat ngem dagiti naud-udi a pimmusay a nain-inut a natay iti bisinda ta awan ti taraon a pagbiagda.


nga ipakaammok kadakayo nga Israelita ti mensahena. Tulawanto ti Apo ti templona—ti sarikedked a pagtangtangsityo ken pagay-ayatyo a kitkitaen ken sarungkaran. Matayto iti gubat dagiti ubbing a kameng ti familiayo a nabati iti Jerusalem.


Apagkatlo dagiti tattaom ti matay iti sakit ken bisin iti uneg ti siudad. Matayto met ti apagkatlo iti gubat iti ruar ti siudad; iwarawarakto ti sabali nga apagkatlo iti amin a lugar ket kamatekto ida iti kampilan.


Kuna ti Apo, “Yegkonto dagiti kakasta a didigra iti sangkataoan ket urayto la kasla bulsek nga agkarkarawa a magna ti tunggal maysa. Nagbasolda kaniak ket kasla danum a maibuyatto ti darada; agkaiwaranto iti daga dagiti agruprupsa a bangkayda.”


Ipalak-amto kadakayo ti Apo ti makaalis a sakit. Aggurigorkayto ket lumtegto dagiti bagbagiyo. Yegnanto ti tikag ken makalanet nga angin a mangdadael kadagiti mulmulayo. Agtalinaedto kadakayo dagitoy a didigra agingga a mataykayo.


No mataykayo, kanento dagiti tumatayab ken dagiti atap nga ayup dagiti bangkayyo ket awanto ti mangbugaw kadakuada.


Lean sinn:

Sanasan


Sanasan