Jeremias 15:9 - Ti Baro a Naimbag a Damag Biblia

⁹ Natalimudaw ti ina gapu iti ipapatay dagiti pito nga annakna; kamkamatenna ti angesna. Nagbalin a nasipnget ti aldawna, naibabain ket nasaem ti ladingitna. Papapataykayto kadagiti kabusoryo, dakayo a sibibiag pay laeng. Siak ni Yahweh, ti nangibaga iti daytoy.”

Ti Biblia (1973)

⁹ Ti naganac iti pito agdismaya; isu nagbugsot; ti initna limnec idinto nga aldaw pay laeng; isu naibabain ken nariribuc; ket ti tiddada yawatconto iti campilan iti sangoanan dagiti cabusorda, cuna ni Jehova.

Jeremias 15:9 Iomraidhean Croise

1 Samuel 2:5

Dagiti aglaplapusanan idi iti taraon, manggeddan tapno adda kanenda ngem dinton agbisin dagiti nabisinan. Pito ti annak ti babai a saan idi nga aganak, ngem awanen ti nabati nga anak ti adu ti anakna.

Isaias 47:9

Ngem iti apagkanito, iti maysa la nga aldaw, mapasamakto kenka dagitoy dua a banag. Uray aramidem amin a panagsalamangkam, matayto dagiti annakmo ket mabalokanto.

Dungdung-aw 1:1

Naglidayen ti kasasaad ti Jerusalem! Adu idi ti taona ngem ita nabaybay-anen. Raraemen idi ti lubong, ngem ita kasla maysan a balo. Katan-okan idi kadagiti siudad ngem nagbalin a tagabu.

Ezekiel 5:12

Apagkatlo dagiti tattaom ti matay iti sakit ken bisin iti uneg ti siudad. Matayto met ti apagkatlo iti gubat iti ruar ti siudad; iwarawarakto ti sabali nga apagkatlo iti amin a lugar ket kamatekto ida iti kampilan.

Dungdung-aw 4:10

Nakabutbuteng a buya ti inyeg ti didigra a nagdissuor kadagiti tattaok. Linuto dagiti naayat nga inna dagiti mismo nga annakda tapno adda kanenda.

Jeremias 44:27

Saankayto a parang-ayen. Dadaelenkayto ketdi. Matayto iti gubat ken bisin ti amin a taga-Juda nga agnaed ditoy Egipto. Awanto a pulos ti mabati.

Jeremias 21:7

Patiliwkonto ni Zedekias nga ari ti Juda, dagiti ofisialesna ken dagiti tattao a makalasat iti gubat, bisin ken sakit. Tiliwento ida ni Ari Nebucadnesar ken dagiti kabusorda nga agtarigagay a mangpatay kadakuada. Papapataynanto ida ket awanto ti ispalen wenno kaasianna. Siak, ni Yahweh, ti nagsao iti daytoy.”

Jeremias 6:4

Kunadanto, “Agsaganakay a manggubat iti Jerusalem! Darasenyo! Dumaruptay iti tengnga ti aldaw!” Ngem kunadanto, “Naladawen, ta dandani lumneken ti init ket umat-atiddogen dagiti anniniwan.

Jeremias 7:19

Ngem siak aya ti pagpungtotenda? Saan! Ti bagbagida met laeng ti dangran ken ibabainda.

Jeremias 19:7

Iti daytoy a lugar, lapdakto ti amin a panggep dagiti tattao ti Juda ken Jerusalem. Bay-akto a parmeken ida dagiti kabusorda ket mataydanto iti paggugubatan. Ipakankonto ti bangkayda kadagiti tumatayab ken kadagiti atap nga animal.

Jeremias 50:12

ngem maibabain ken madadaelto ti siudadyo. Agbalinto ti Babilonia a kanumoan kadagiti amin a nasion. Agbalinto a let-ang. Natikagto nga awan ti danumna.

Ezekiel 5:13

“Mariknamto ti dagsen ti unget ken pungtotko agingga a mapnekak. Inton mapasamak amin dagitoy, mamatikanton a siak, ni Yahweh, ti nagsao a sipupungtot gapu iti saanmo a panagtalinaed a napudno.