Jeremias 15:8 - Ti Baro a Naimbag a Damag Biblia

⁸ Ad-adu dagiti babbai a balo ngem dagiti darat iti igid ti baybay. Pinatayko dagiti annakyo a lallaki idinto ta ubbingda pay, ket pinagsagabak dagiti innada. Kellaat nga indissuorko kadakuada ti tuok ken buteng.

Ti Biblia (1973)

⁸ Dagiti baloda a babbai pinaaduc a nasursuroc ngem iti darat ti baybay; inyegco cadacuada a maibusor iti ina dagiti babbaro ti maysa a mangdadael iti matoon: pinaitinnagco kencuana a pettat ti tuoc ken butbuteng.

Jeremias 15:8 Iomraidhean Croise

Isaias 3:25

Matayto iti gubat dagiti lallaki iti siudad; wen, matayto uray dagiti kapigsaan.

Isaias 3:26

Agdung-aw ken agsangitto dagiti ruangan ti siudad, ket mayarigto ti mismo a siudad iti babai a lamolamo nga agtugtugaw iti daga.

Isaias 4:1

Inton dumteng dayta a tiempo, pitonto a babbai ti manggammat iti maysa a lalaki ket kunada, “Mataraonan ken makawesanmi ti bagimi, ngem pangngaasim ta ibagam a sika ti asawami tapno dikam maibabain gapu iti kaawan asawami.”

Jeremias 16:3

Ibagak kenka ti mapasamakto kadagiti ubbing a mayanak ditoy ken kadagiti nagannak kadakuada.

Jeremias 18:21

Ngem ita, O Apo, bay-am a matay iti bisin dagiti annakda. Bay-am a matayda iti gubat. Bay-am a mabalo dagiti babbai ken matay dagiti annakda. Bay-am a matay iti sakit dagiti lallakay ken matay iti paggugubatan dagiti agtutubo a lallaki.

Jeremias 22:7

Mangibaonakto kadagiti mangrebba iti palasio. Ikuyogdanto dagiti wasayda a pangpukan kadagiti napintas a kayo ti sedro ket puorandanto.

Jeremias 4:16

Immayda a mangballaag kadagiti nasion ken mangibaga iti Jerusalem nga addan dagiti kabusor nga aggapu iti adayo a daga. Yikkisto dagitoy a kabusor ti pammutbuteng kadagiti siudad ti Juda.

Jeremias 5:6

Daytoy ti gapuna a patayento ida dagiti leon ti kabakiran. Rangrangkayento ida ti lobo ti let-ang, ket agdakiwasto ti leopardo kadagiti ilida. Pisangpisangennanto ti siasinoman a rummuar kadakuada. Nakaad-adu ngamin ti basolda, ket namin-adun a tinallikudanda ti Dios.

Jeremias 6:26

Kuna ti Apo kadagiti tattaona, “Agarruatkayo iti nakersang a lupot, dakayo a tattaok, ket agtulidtulidkay iti dapu. Agdung-awkayo a kasla natay ti kakaisuna nga anakyo. Agsangitkayo iti napait, gapu ta kellaatto a rumaut ti mangdadael kadakayo.

Dungdung-aw 5:3

Pinapatay ti kabusor dagiti ammami, ket nabalon dagiti innami.

Ezekiel 22:25

Arig dagiti papangulo dagiti leon a mangngerngernger kadagiti animal a pinatayda. Patayenda dagiti tattao, alaenda amin a kuarta ken sanikua a masarakanda, ket adu a babbai ti mabalo gapu kadakuada.

Oseas 4:5

Ti trabahoyo iti aldaw awan serserbina; mairaman met ti profeta nga awan mamaay ti aramidna. Ngarud, dadaelek ti Israel nga inayo.

San Lucas 21:35

a kas iti palab-og. Ta umayto dayta nga aldaw kadagiti amin a tattao iti amin a lugar ditoy daga.