Jeremias 15:3 - Ti Baro a Naimbag a Damag Biblia

³ Siak, ni Yahweh, nangikeddengak iti uppat a kita ti nakabutbuteng a didigra nga agdissuorto kadakuada: mapapataydanto iti gubat; ulod-ulodento dagiti aso dagiti bangkayda; kanento ida dagiti tumatayab, ken pagbibinggawanto dagiti atap nga animal dagiti matda.

Ti Biblia (1973)

³ Ket mangtudingacto iti ngatoda cadagiti uppat a kita, cuna ni Jehova: ti campilan nga agpapatay, ken dagiti aso nga agpisang, ken dagiti tumatayab ti langit, ken dagiti animal ti daga nga aglamut ken agdadael.

Jeremias 15:3 Iomraidhean Croise

Dagiti Salmo 68:23

tapno magna dagiti saiti darada, ket agab-ab dagiti asom iti kaykayatda.”

Isaias 18:6

Mabaybay-andanto nga agpaay a kanen dagiti tumatayab ken atap nga animal kadagiti bantay. Iti kalgaw, kanento dagiti tumatayab ida ket iti tiempo ti lam-ek, bumaginto met dagiti animal.

Jeremias 12:9

Kasla billit dagiti pinilik a tattaok, sippayoten ida dagiti kali iti aglikmut. Ayabanyo dagiti atap nga animal, ta umayda agpennek a mangan.

Jeremias 14:12

Uray no agayunarda, diakto ipangag ti dawatda. Uray no mangidatagda iti daton a mapuoran ken daton a makan, diakto awaten ida. Papatayekto ketdi ida iti gubat, bisin ken angol.”

Jeremias 14:16

Kastoyto met ti pannakapapatay dagiti tattao a nangibagaanda kadagitoy. Maiwalangto dagiti bangkayda kadagiti lansangan ti Jerusalem, ket awanto ti mangitanem kadakuada. Mapasamakto amin dagitoy kadakuada, kadagiti assawada, kadagiti annakda a lallaki ken babbai. Pagbayadekto ida gapu iti kinadakesda.”

Jeremias 16:4

Mataydanto kadagiti nakabutbuteng a sakit, ket awanto ti mangdung-aw wenno mangitanem kadakuada. Maiwalangto dagiti bangkayda a kasla nabunton a rugit iti daga. Mataydanto iti paggugubatan, wenno iti bisin ket kanento dagiti tumatayab ken atap nga animal dagiti bangkayda.

Jeremias 7:33

Agpaayto dagiti bangkay a taraon dagiti tumatayab ken dagiti atap nga animal, ket awanto ti mangbugaw kadakuada.

Dungdung-aw 3:11

Kinamatkamatnak iti kalsada agingga a simmiasiak; tiniliwnak a rinangrangkay sanak binaybay-an.

Ezekiel 14:21

Daytoy ti sao ti Apo a Dios: “Idissuorko ti uppat a kakaroan a pannusak iti Jerusalem—gubat, bisin, narungsot nga animal ken angol—a mangpapatay kadagiti tattao ken animal.

Ezekiel 33:27

“Ibagam kadakuada nga isapatak iti naganko nga Apo a sibibiag a Dios, ballaagak ida a mapapatayto dagiti agnaed kadagiti narba a siudad. Kanento dagiti atap nga animal dagiti agnaed iti away. Agsakitto ket matayto dagiti aglemlemmeng kadagiti bantay ken rukib.

Levitico 26:16

kellaatto nga idissuorko dagiti didigra kadakayo—dagiti saan a maagasan a sakit ken gurigor a mamagbulsek kadakayo a pakaigapuan ti main-inut a pannakagudas ti biagyo. Diyonto pakairanudan dagiti immulayo gapu ta kanento dagiti kabusoryo.

Levitico 26:22

Bulosakto dagiti narungsot nga animal nga umay kadakayo, ket patayendanto dagiti annakyo ken rangrangkayendanto dagiti animalyo. Bassitto la ti matda kadakayo agingga nga awan matagtagitao kadagiti kalsadayo.

Levitico 26:25

No salungasingenyo ti tulagantayo, yegkonto ti gubat a pangdusak kadakayo; no agkamangkayo kadagiti siudadyo, mangyegakto kadagiti sakit a di maagasan ket kapilitanto a sumukokayo kadagiti kabusoryo.

Amos 5:19

Mayarigto iti maysa a tao nga itartarayanna ti maysa a leon ket adda oso a masabatna! Wenno mayarigto iti agkamang iti maysa a balay sana isadag ti imana iti diding ket kagaten ti maysa nga uleg!

Deuteronomio 28:26

No mataykayo, kanento dagiti tumatayab ken dagiti atap nga ayup dagiti bangkayyo ket awanto ti mangbugaw kadakuada.

Deuteronomio 32:24

Mataydanto iti bisin ken gurigor, nakabutbutengto a sakit ti mangibus kadakuada. Ibaonkonto dagiti narungsot nga animal a mangdarup kadakuada ken dagiti nagita nga uleg a mangkagat kadakuada.

Paltiing 6:8

Adda nakitak a kabalio a nabessag ti kolorna. Patay ti nagan ti nakasakay, ket sumursurot kenkuana ti Hades. Naikkanda iti pannakabalin a mangituray iti apagkapat a paset ti daga, a pumatay babaen iti gubat, bisin, sakit ken kadagiti atap nga animal ti daga.