Jeremias 14:3 - Ti Baro a Naimbag a Damag Biblia

³ Agpasakdo dagiti babaknang; mapan dagiti adipenda kadagiti bubon ngem awan masapulanda a danum, agawidda nga awan nagyan kadagiti karambada. Maupay ken mariribukda, ket ilemmengda ti rupada.

Ti Biblia (1973)

³ Ket dagiti natan-ocda ibaonda dagiti babaonenda cadagiti dandanum: umayda cadagiti tangke, ket dida macasarac iti danum; agawidda nga awan agyan cadagiti alicamenda; nabainanda ken nariribucda ket abbonganda dagiti oloda.

Jeremias 14:3 Iomraidhean Croise

2 Samuel 15:30

Agsangsangit ni David a simmang-at idiay Bantay Olibo. Sakasaka ket naabungotan ti ulona kas mangipakita iti ladingitna. Siaabungot met dagiti amin a sumursurot kenkuana ket agsangsangitda met a simmang-at.

2 Samuel 19:4

Inabbongan ti ari ti rupana ket insangitna iti napigsa, “Absalom nga anakko! Ay, Absalom nga anakko!”

1 Ar-ari 17:7

Saan a nagbayag, nagmaga ti Waig gapu iti kaawan ti tudo.

2 Ar-ari 18:31

Diyo ipangag ni Hezekias. Ibilin ti emperador ti Asiria a rummuarkay iti siudad ket sumukokayo. Mapalubosankayto amin a mangan iti ubas iti kaubasanyo, ken igos kadagiti bukodyo a kayo ken uminum iti danum kadagiti bukodyo a bubon—

Ester 6:12

Nagsubli ni Mardokeo iti ruangan ti palasio. Nagawid met ni Haman a mangab-abbong iti rupana gapu iti bain.

Ti Libro ni Job 6:20

ngem mapaayda iti igid dagiti waig a nagmaga.

Dagiti Salmo 109:29

Malmes koma iti bain dagiti kabusorko; ikawesda koma a kas kagay ti pakaibabainanda.

Dagiti Salmo 40:14

Mawarawara koma a mamimpinsan ken maibabain dagiti agpanggep a mangdangran kaniak. Mapasanud koma ken maibabain dagiti agragsak gapu iti pakariribukak.

Jeremias 14:4

Awan ti tudo ket namaga ti daga. Agladingit dagiti mannalon, ilemmengda ti rupada.

Jeremias 15:18

Apay a di met la agsardengen ti panagsagsagabak? Apay a di maagasan dagiti sugatko? Apay a dida maimbagan? Panggepnak kadi a paayen a kas iti namaga a waig iti kalgaw?”

Jeremias 2:13

Adda dua a basol dagiti tattaok: binaybay-andak nga ubbog ti danum a sibibiag, nagkalida kadagiti bubon a di mabalin a pagurnongan iti danum.

Jeremias 2:37

Panawamto ti Egipto a nakadumogka gapu iti bainmo. Siak, ni Yahweh, linaksidko dagiti tattao a pagtaltalkam; awan pagimbagan a maitedda kenka.”

Jeremias 20:11

Ngem sika ti kaduak, O Apo, maingel ken nabilegka, ket dinto agballigi dagiti mangidadanes kaniak. Dinto agpatingga ti pannakaibabainda, agsipud ta saanda a makapagballigi. Saanto a malipatan ti pannakaibabainda.

Jeremias 3:3

Daytoy ti gapuna a di nagtudo ken di met nagarbis. Balangkantiska a babai; awan a pulos ti babainmo.

Dungdung-aw 4:4

Bay-anda dagiti maladagada a matay iti bisin ken waw. Dumawat dagiti ubbing iti kanenda, ket awan ti mangted kadakuada.

Oseas 2:3

No dina isardeng ti aramidna, labusak ket bay-ak a lamolamo a kas iti daydi nga aldaw a pannakaipasngayna, a kas iti aldaw a pannakayanakna. Pagbalinek a natikag a daga nga awan ti agtubo a mula, ket matayto iti waw.

Joel 1:20

Uray dagiti atap nga animal umasugda kenka, ta nagmagan dagiti waig.

Amos 4:7

Diak pinagtudo idi masapul unay ti mulayo ti danum. Pinagtudok iti maysa a siudad, ngem diak pinagtudo iti sabali. Nagtudo iti maysa a talon ngem nagmaga ti sabali.

Amos 4:8

Agkakapsut iti waw dagiti tattao iti sumagmamano a siudad a napan iti kabangibang a siudad tapno agsapul iti danum ngem awan makaanay nga inumen. Kaskasdi latta a saankayo a nagsubli kaniak.

Zacarias 14:17

No adda nasion a saan a sumang-at idiay Jerusalem tapno agdaydayaw ken ni Yahweh a Mannakabalin-amin a kas ari, saanto nga agtudo iti dagada.