Jeremias 13:16 - Ti Baro a Naimbag a Damag Biblia

¹⁶ Itan-okyo ti Apo a Diosyo, sakbay a yegna ti sipnget, ket maitublakkayo kadagiti bantay. Wen, itan-okyo sakbay a pagsipngetenna iti napalalo ti lawag a birbirokenyo.

Ti Biblia (1973)

¹⁶ Padayawanyo ni Jehova a Diosyo, casangoanan ti panangpasipngetna, ken casangoanan ti pannacaitibcol dagiti sacsacayo iti rabaw dagiti nasipnget a banbantay, ken bayat ti panagsapulyo iti silaw, isu pagbalinenna nga aniniwan ni patay, ket isu aramidenna a napuscol a sipnget.

Jeremias 13:16 Iomraidhean Croise

Ti Libro ni Job 3:5

Paglidemem ken pagsipngetem koma dayta nga aldaw; kumotam kadagiti ulep, ket abbongam ti init.

Dagiti Salmo 107:10

Adda nagbibiag iti lidem ken sipnget; balud nga agsagsagaba gapu iti pannakakawarda,

Dagiti Salmo 107:14

Manipud iti lidem ken sipnget, inaonna ida, ket pinugsapugsatna dagiti kawarda.

Dagiti Salmo 29:2

Idaydayawyo ti nadayag a nagan ti Apo; agparintumengkayo a sikakawes iti panagdaydayaw.

Dagiti Salmo 44:19

Nupay kasta, binaybay-annakami iti disso a taeng dagiti narungsot nga animal. Inabongotannakami iti sipnget ni patay.

Exodo 10:21

Kinuna ni Yahweh ken ni Moises, “Ingatom ta imam tapno makumotan ti entero nga Egipto iti nakaro a sipnget nga uray la agar-arikap dagiti tattao.”

Dagiti Proverbio 4:19

Ngem nasipnget a kas iti rabii ti dalan dagiti managdakdakes. Maitiklebda ngem dida makita no ania ti nakaitibkolanda.

Eclesiastes 11:8

Agyamanka iti tunggal tawen ti panagbiagmo. Laglagipem nga uray kasano ti kapaut ti panagbiagmo, napapautto pay laeng ti panagyanmo iti tanem. Awan a pulos ti namnamaem iti masangoanam.

Isaias 5:30

Inton dumteng dayta nga aldaw, ngerngerandanto ti Israel. Napigsanto ti ngerngerda a kas iti daranudor ti baybay. Kitaenyo daytoy a pagilian! Nakumotan iti sipnget ken panagsagaba! Inalun-on ti sipnget ti lawag.

Isaias 59:10

Kaskami la bulsek nga agar-arikap. Maitibkolkami iti agmatuon a kasla ketdi tay rabiin. Kasla addakami iti nasipnget a lubong dagiti natay.

Isaias 59:9

Kuna dagiti tattao, “Ita, ammomin no apay a dinakam isalakan ti Dios kadagiti mangranggas kadakami. Birokenmi ti lawag a mangsilaw iti dalanmi ngem kinasipnget la ti adda.

Isaias 60:2

Kinasipngetto ti mangbungon kadagiti dadduma a nasion, ngem ti silaw ti Apo ti agraniag kenka, addanto kenka ti dayag ti kaaddana.

Isaias 8:22

wenno mulenglenganda ti daga, awanto ti makitada no di pasig a rigat ken sipnget, ti nakabutbuteng a sipnget a pakaituronganda.

Jeremias 14:19

O Apo, tinallikudam aya a namimpinsan ti Juda? Kaguram aya dagiti tattao ti Sion? Apay a dinangrannakami iti kasta unay ket saankam a maimbagan? Sapsapulenmi ti talna, ngem awan ti naimbag a mauraymi. Namnamaenmi ti maagasan, ngem panagdanag ketdi ti maipaay.

Jeremias 2:6

Saanda a sinaludsod, ‘Sadino ti ayan ti Apo a nangiruar kadatayo idiay Egipto? Sadino ti ayan ti nangidalan kadatayo idiay let-ang, daga a langalang ken ayan ti adu nga abut, namaga ken napeggad a daga, daga a saan a mapagpagnaan ken daga nga awan agnaed?’

Jeremias 23:12

Nagalis ken nasipngetto ti dalanda; itublakkonto ida ket matuangda. Idissuorkonto ti didigra kadakuada; umadanin ti tiempo a pannakadusada. Siak, ni Yahweh, ti agsasao.

Jeremias 4:23

Kinitak ti daga—langalang nga awan mulana. Kinitak ti langit—awan ti lawagna.

Jeremias 50:6

“Mayarig dagiti tattaok kadagiti napukaw a karnero. Binaybay-an ida dagiti pastorda nga agkalkallautang kadagiti bambantay. Nagalla-allada a kasla karnero ket nalipatandan ti ayan ti balayda.

Jeremias 6:21

Iti kasta, mangikabilakto iti pakaitibkolan dagitoy a tattao, ket maitublakdanto. Matayto dagiti amma ken dagiti annakda, kasta met dagiti aggagayyem ken agkakaarruba.”

Jeremias 8:15

Naguraytayo iti talna, ngem napaaytayo. Naguraytayo iti tiempo a pannakaagastayo, ngem panagbuteng ketdi ti dimteng.

Dungdung-aw 4:17

Nagsapulkam iti tulong ngem awan nasarakanmi agingga a naumakami. Inur-uraymi ti tulong ti maysa a nasion nga awan ti maitedna kadakami.

Ezekiel 21:15

Patakrotenna dagiti tattaok ket matuangda. Butbutngek ti siudadda babaen iti kampilan nga aggilap a kasla kimat ken nakasagana a pumatay.

Ezekiel 34:12

kas iti panangaywan ti agpaspastor kadagiti nawarawara a karnerona a naummong manen. Alaekto ida kadagiti amin a lugar a nakaiwarawaraanda iti daydi nasipnget ken nakabutbuteng nga aldaw.

Ezekiel 36:15

Saanton a masapul a denggen ti daga ti panangrabrabak dagiti nasion ken dinto masapulen a kitaenna ti pananglais kadakuada dagiti tattao. Saanton nga agawen ti daga dagiti annak ti nasion. Siak nga Apo a Dios ti nangibaga iti daytoy.”

Joel 2:2

Nasipnget ken nalidemto dayta nga aldaw, aldaw a nalulem ken naulep. Sumungad ti dakkel a pangen ti dudon, kas iti sipnget nga agsaknap kadagiti bantay. Awan pay napasamak a kas iti daytoy, ket awanton ti kasta a mapasamak iti masakbayan.

Amos 4:13

Ti Dios ti nangaramid kadagiti bantay; isu ti nangparsua kadagiti angin. Ipakaammona iti tao ti panunotna; pagbalinenna a rabii ti aldaw. Magna iti alimpatok ti daga. Daytoy ti naganna: Ti Dios nga Apo a Mannakabalin-amin!

Amos 5:18

Nakabutbuteng ti pagbanaganyo, dakayo nga agur-uray iti yaay ti aldaw ti Apo! Apay a tarigagayanyo dayta nga aldaw? Adda kadi imbag nga itedna kadakayo! Aldawto ti sipnget, saan a lawag.

Malakias 2:2

Masapul a dayawendak babaen iti aramidyo. No didak ipangag ket diyo ipapuso ti ibagak, ilunodkayo. Ilunodko dagiti amin nga awatenyo a pagbiagyo. Kinapudnona, inlunodkon dagitoy gapu ta yaleng-alengyo dagiti bilinko.

San Juan 12:35

“Bassit laengen a tiempo ti kaadda ti silaw kadakayo,” insungbat ni Jesus. “Agawaanyo ti agbiag ta adda pay la ti silaw kadakayo tapno dinakayo makamakam ti sipnget. Ta ti magna iti sipnget, dina ammo ti turturongenna.

Josue 7:19

Kinuna ni Josue ken ni Acan, “Anakko, ibagam ti pudno iti sango ni Yahweh a Dios ti Israel. Ipudnom kaniak ti inaramidmo. Dika aglibak kaniak.”

1 Pedro 2:8

Kuna pay ti sabali a paset ti Nasantoan a Surat: “Daytoy ti bato a pakaitibkolan, ken pakaitublakan dagiti tattao.” Naitibkolda agsipud ta dida namati iti sao. Kasta ti intuding ti Dios a pagbanaganda.

1 Samuel 6:5

Masapul nga aramidenyo dagiti sinan-letteg ken sinan-marabutit a mangdaddadael iti pagilianyo, ket masapul a padayawanyo ti Dios ti Israel. Nalabit nga isardengna ti panangdusdusana kadakayo, kadagiti didiosenyo ken iti dagayo.