Jeremias 13:11 - Ti Baro a Naimbag a Damag Biblia

¹¹ Kas iti irut ti pannakaisuot ti linen a sapin iti siket, kayatko a kasta met ti irut ti ikakapet dagiti amin nga Israelita ken taga-Juda kaniak. Inaramidko daytoy tapno isudanto ti agbalin a tattaok a mangidaydayaw ken mangitan-ok iti naganko. Ngem dida met agtulnog kaniak.”

Ti Biblia (1973)

¹¹ Ta cas ti barikes cumpet cadagiti lomo ti maysa a lalaki, casta ti panangpacapetco caniac iti amin a balay ti Israel ken iti amin a balay ti Juda, cuna ni Jehova; tapno agbalinda coma caniac a maysa nga umili, kenmaysa a nagan, ken maysa a dayaw, ken maysa a dayag; ngem saanda a nangipangag.

Jeremias 13:11 Iomraidhean Croise

Dagiti Salmo 135:4

Pinilina ni Jacob nga agpaay kenkuana ken dagiti Israelita a kas kukuana.

Dagiti Salmo 147:20

Saanna nga inaramid daytoy kadagiti sabali a pagilian, saanna nga ipakaammo kadakuada dagiti lintegna. Madaydayaw ti Apo!

Dagiti Salmo 81:11

“Ngem didak impangag dagiti tattaok; saan a nagtulnog kaniak ti Israel.

Isaias 43:21

Isuda dagiti tattao a pinarsuak nga agpaay kaniak— ket ikankantadanto ti pakaidaydayawak!”

Isaias 62:12

Maawagankayto iti “Nasantoan a Tattao ti Dios,” “Tattao nga Insalakan ti Apo!” Maawaganto ti Jerusalem iti “Siudad nga Ay-ayaten ti Dios,” “Ti Siudad a Saan a Binaybay-an ti Dios.”

Jeremias 13:1

Imbaga ti Apo a gumatangak iti linen a sapin ket isuotko; ngem imbagana a diak babbabasaen.

Jeremias 13:10

Saan nga impangag dagitoy dakes a tattao ti saok. Nasukir ken dakesda latta. Nagdaydayaw ken nagserbida kadagiti sabali a didiosen. Maipadadanto ngarud iti daytoy linen a sapin nga awanen ti serserbina.

Jeremias 13:12

Kinuna kaniak ti Apo a Dios, “Jeremias, ibagam kadagiti Israelita a masapul a mapunno ti amin a burnay iti arak. Isungbatdanto nga ammoda a masapul a mapno amin a burnay iti arak.

Jeremias 19:15

ti imbilin ti Apo a Mannakabalin-amin a Dios ti Israel: “Idissuorko ti amin a didigra nga imbagak nga aramiden iti daytoy a siudad ken kadagiti amin a kabangibangna nga il-ili gapu ta nasukirkayo ket diyo ipangag ti saok.”

Jeremias 32:20

Idiay Egipto, nagaramidka kadagiti milagro ken kadagiti nakaskasdaaw a banag. Agingga kadagitoy nga aldaw, agar-aramidka pay laeng kadagitoy iti Israel ken kadagiti dadduma a nasion. Iti kasta, ammodakan iti amin a lugar.

Jeremias 33:9

Pagtangsitkonton ti Jerusalem ket isunton ti gubbuayan ti ragsak ken dayawko. Agbuteng ken agkintayegto dagiti amin a nasion ditoy daga a makadamag kadagiti imbag nga ipaayko kadagiti tattao ti Jerusalem ken ti rang-ay nga yegko iti siudad.”

Jeremias 6:17

Kalpasanna, nangdutok ni Yahweh kadagiti guardia a mangdengngeg iti ballaag ti trumpeta. Ngem kinunada, “Saanmi a kayat a denggen.”

Jeremias 7:13

Inaramidyo amin dagiti nasaok a basol. Namin-adun a kinasaokayo, ngem dikay nangipangag. Dikay met simmungbat idi inayabankayo.

Jeremias 7:23

Ngem imbilinko kadakuada nga agtulnogda kaniak tapno siak ti Diosda ket isuda dagiti tattaok. Imbagak met kadakuada nga annurotenda ti panagbiag nga imbilinko tapno rumang-ayda.

Jeremias 7:24

Ngem saanda a dimngeg wenno nangipangag. Nagtulnogda ketdi iti nasukir ken dakes a pusoda, ket dida simmayaat no di ket dimmakesda.

Jeremias 7:26

Nupay kasta, didak inkaskaso wenno impangag. Pinatangkenyo ti uloyo. Ket ad-adda ti kinasukiryo ngem dagiti kapuonanyo.

Amos 3:1

Tattao ti Israel, denggenyo daytoy sao ti Apo maipapan kadakayo, ti entero a nasion nga inruarna idiay Egipto:

San Lucas 10:11

‘Uray ti tapok ti iliyo a kumpet kadagiti sakami, punasenmi a maibusor kadakayo. Nupay kasta, laglagipenyo nga asidegen kadakayo ti Pagarian ti Dios!’

Deuteronomio 26:18

Ita nga aldaw, inawatnakayo ti Apo a tattaona a kas inkarina kadakayo ket bilinennakayo a tungpalenyo amin a lintegna.

Deuteronomio 26:19

Pagbalinennakay a nabilbileg ngem dagiti dadduma a pagilian a pinarsuana ket maidaydayaw ken maitan-okto ti naganna. Dakayto dagiti nasantoan a tattaona a kas inkarina.”

Deuteronomio 4:7

“Awan ti sabali a nasion, uray kasano ti kinatan-okna, ti addaan iti dios nga asideg kadakuada no masapulda ti tulongna a kas iti Apo a Diostayo. Ipangagnatayo no agpatulongtayo kenkuana.

1 Pedro 2:9

Ngem dakayo ti napili a puli. Papadikayo nga agserbi iti Dios nga Ari. Nasionkayo a nasantoan. Tattaonakayo ti Dios. Inruarnakayo iti kasipngetan ket impannakayo iti nakaskasdaaw a lawagna. Pinilinakayo a nangipakaammo kadagiti nakaskasdaaw nga aramidna.