Jeremias 13:10 - Ti Baro a Naimbag a Damag Biblia

¹⁰ Saan nga impangag dagitoy dakes a tattao ti saok. Nasukir ken dakesda latta. Nagdaydayaw ken nagserbida kadagiti sabali a didiosen. Maipadadanto ngarud iti daytoy linen a sapin nga awanen ti serserbina.

Ti Biblia (1973)

¹⁰ Daytoy dakes nga umili, a dina cayat nga ipangag dagiti sasaoc, a magna iti kinabangad ti pusoda, ken simmurot cadagiti sabali a diosen tapno agservi, ken agrucbab cadacuada, agbalinto a cas iti daytoy a barikes, isu awanen ti capapaayanna.

Jeremias 13:10 Iomraidhean Croise

Dagiti Salmo 78:8

Saanda koma a kas kadagiti kapuonanda a nasukir ken nasubeg a kaputotan. Saan a natibker ti pammatida iti Dios, ket saanda a nagtalinaed a napudno kenkuana.

Eclesiastes 11:9

Agtutubo, agpennekkayo a mangpalabas iti kinaagtutuboyo. Agragsakkayo bayat ti kinaubingyo. Aramidenyo ti kayatyo nga aramiden ket surotenyo ti tarigagay ti pusoyo. Ngem laglagipenyo, ukomennakayto ti Dios iti aniaman nga aramidenyo.

Isaias 3:24

Imbes nga agayamuonda iti bangbanglo, agadiwaradanto iti buyok. Imbes a napintas a barikes, nakersang a tali; imbes a naurnosto ti buok, kalbodanto; imbes a napintas ti pagan-anayda, rutayrutaydanto. Pakaibabainandanto ti pintasda.

Jeremias 11:10

Sinublianda ti basol dagiti kapuonanda a di nagtungpal iti imbagak. Nagdaydayawda kadagiti didiosen. Sinalungasing ti Israel ken ti Juda ti nakitulagak kadagiti kapuonanda.

Jeremias 11:18

Impakaammo ti Apo kaniak nga isiksikatdak dagiti kabusorko.

Jeremias 13:7

Nagsubliak iti karayan ket innalak ti sapin iti nangilemmengak. Ngem nadadaelen ket awanen ti serserbina.

Jeremias 16:12

Ngem dakdakes pay ti inaramidyo ngem dagidi kapuonanyo. Nasukir ken dakeskay amin ket saankay a nagtulnog kaniak.

Jeremias 16:4

Mataydanto kadagiti nakabutbuteng a sakit, ket awanto ti mangdung-aw wenno mangitanem kadakuada. Maiwalangto dagiti bangkayda a kasla nabunton a rugit iti daga. Mataydanto iti paggugubatan, wenno iti bisin ket kanento dagiti tumatayab ken atap nga animal dagiti bangkayda.

Jeremias 20:4

Daytoy ti kinuna ti Apo, ‘Aramidenka a pagbutbutngan, ket kabutengmonto ti bagim. Kabutengnakanto met dagiti gagayyemmo. Makitamto amin ida a matay iti kampilan dagiti kabusorda. Yawatkonto amin a tattao ti Juda iti pannakabalin ti ari ti Babilonia. Addanto dagiti italawna nga ipan a balud idiay Babilonia ket papatayennanto dagiti dadduma.

Jeremias 22:21

Nagsao ti Apo kenka idi narang-ayka, ngem saanka a dimngeg. Kastoy ti inar-aramidmo iti unos ti panagbiagmo, pulos a dika nagtulnog iti Apo.

Jeremias 23:17

Ibagbagada kadagiti tattao, dagiti tattao a saan a dumngeg iti saok, nga awanto ti pakaan-anoanda. Ibagada kadagiti nasukir nga awanto ti didigra a dumteng kadakuada.”

Jeremias 3:17

Iti dayta a tiempo, managanto ti Jerusalem iti ‘Trono ni Yahweh.’ Aguummongto sadiay dagiti nasion tapno agdaydayawda kaniak. Didanton tungpalen ti tarigagay ti dakes ken nasukir a pusoda.

Jeremias 35:15

Saanko nga insardeng ti panangibaonko kadagiti adipenko a profeta. Imbagbagada kadakayo nga isardengyo ti dakes nga aramidyo ket agaramidkayo iti naimbag. Binallaagandakayo a saankayo nga agdaydayaw ken agserserbi kadagiti sabali a dios tapno agtultuloy ti panagnaedyo iti daga nga intedko kadagidi kapuonanyo. Ngem saandak nga impangag wenno inkaskaso.

Jeremias 44:16

“Dimi kayat a denggen dagiti sao ti Apo nga ibagbagam kadakami.

Jeremias 44:5

Ngem saankayo a nangipangpangag wenno nangikaskaso. Diyo insardeng dagiti dakes nga aramidyo a nagidatag iti daton a mapuoran kadagiti didiosen.

Jeremias 5:23

Ngem dakayo a tattao, nasubeg ken nasukirkayo, tinallikudan ken pinanawandak.

Jeremias 7:13

Inaramidyo amin dagiti nasaok a basol. Namin-adun a kinasaokayo, ngem dikay nangipangag. Dikay met simmungbat idi inayabankayo.

Jeremias 7:6

Diyo gundawayan dagiti ganggannaet, ulila ken balo. Dikay agpapatay kadagiti awan basolna ditoy nasantoan a lugar. Dikay agkararag kadagiti didiosen ta daytoy ti mangdadael kadakayo.

Jeremias 8:5

Apay ngarud, dakayo a tattaok, a tallikudandak ngem dikay met agsubli kaniak? Diyo mapanawan dagiti didiosenyo, ket diyo kayat ti agsubli kaniak.

Jeremias 9:13

Insungbat ti Apo, “Napasamak daytoy, ta binaybay-an dagiti tattaok ti pannursuro nga impaalagadko kadakuada. Saanda a nagtulnog kaniak wenno agbiag a mayannurot iti imbagak.

Jeremias 9:14

Ngem inaramidda ti kaykayatda ket nagdaydayawda kadagiti imahen ni Baal kas insuro dagidi ammada.

Numero 14:11

Kinuna ni Yahweh ken ni Moises, “Kasano pay kabayag ti panangumsi kaniak dagitoy a tattao? Kasano pay kabayag ti dida panagtalek kaniak idinto a nagipakitaak kadakuada kadagiti adu a milagro?

Dagiti Aramid 7:51

“Nagtangken met ti uloyon! Kaskayo la agpuspuso a pagano! Anian a kinatulengyo iti mensahe ti Dios! Awan dumayo kadagiti kapuonanyo. Kanayon a sukirenyo met ti Espiritu Santo.

Hebreo 12:25

Agannadkayo ngarud ket ipangagyo ti agsasao. No saan a nakalisi dagidi saan a nangipangag iti nasantoan a mensahe, ad-addanto pay a ditayo makalisi no tallikudantayo ti agsasao manipud langit!