Jeremias 12:9 - Ti Baro a Naimbag a Damag Biblia

⁹ Kasla billit dagiti pinilik a tattaok, sippayoten ida dagiti kali iti aglikmut. Ayabanyo dagiti atap nga animal, ta umayda agpennek a mangan.

Ti Biblia (1973)

⁹ Ti tawidco isu caniac aya ti cas maysa a tumatayab a turicturican a managsamsam? dagiti tumatayab a managsamsam bumusorda aya kencuana iti aglicmut? incayo tiptiponenyo amin dagiti an-animal ti away iyegyo ida tapno aglamutda.

Jeremias 12:9 Iomraidhean Croise

2 Ar-ari 24:2

Nangibaon ni Yahweh kadagiti nakaarmas a bunggoy a taga-Babilonia, Siria, Moab ken Ammon a mangraut ken ni Joakim tapno dadaelenda ti Juda kas imbaga ni Yahweh kadagiti adipenna a profeta.

Isaias 2:11

Dumtengto ti aldaw nga agpatingga ti kinapalangguad ti tao ken mapukaw ti kinatangsitna. Ninto laeng Yahweh ti maitan-ok.

Isaias 2:12

Iti dayta nga aldaw, ipababanto ni Yahweh a Mannakabalin-amin dagiti natangsit, dagiti napalangguad ken dagiti tattao a ti laeng bagida ti talkenda.

Isaias 56:9

Inayaban ti Apo dagiti ganggannaet a pagilian nga umay a kas narungsot nga animal a mangalun-on kadagiti tattaona.

Jeremias 15:3

Siak, ni Yahweh, nangikeddengak iti uppat a kita ti nakabutbuteng a didigra nga agdissuorto kadakuada: mapapataydanto iti gubat; ulod-ulodento dagiti aso dagiti bangkayda; kanento ida dagiti tumatayab, ken pagbibinggawanto dagiti atap nga animal dagiti matda.

Jeremias 2:15

Kasda la leon a nagngernger kenkuana; pinagbalinda a disierto ti dagana ket dagiti ilina narbada, naan-anay a nagpanawan, awan agnaed kadakuada.

Jeremias 34:20

Yawatkonto ida kadagiti kabusorda, kadagiti agpanggep a mangpapatay kadakuada. Kanento dagiti tumatayab ken animal dagiti bangkayda.

Jeremias 7:33

Agpaayto dagiti bangkay a taraon dagiti tumatayab ken dagiti atap nga animal, ket awanto ti mangbugaw kadakuada.

Dungdung-aw 1:17

“Nagpatulongak ngem awan ti tumulong kaniak. Nangayab ti Apo kadagiti kabusor tapno lawlawendak. Narugit a nisnis ti nangibilanganda kaniak.

Ezekiel 34:5

Gapu ta awan ti mangipastor kadagiti karnero, nawarawarada, ket pinatay ken linamut ida dagiti narungsot nga animal.

Paltiing 17:16

Guraento dagiti nakitam a sangapulo a sara ken ti narungsot nga animal ti immoral a babai. Agawendanto amin a sanikuana sada panawan a lamolamo. Kanendanto ti lasagna ket puorandanto ti nabati.