Jeremias 12:4 - Ti Baro a Naimbag a Damag Biblia

⁴ Kasano pay kabayag ti kinatikag ti dagami ken ti pannakalaylay dagiti ruot iti tunggal talon? Matayen dagiti animal ken tumatayab gapu iti kinadakes dagiti tattaomi, isuda nga agkuna, ‘Saan a makita ti Dios ti ar-aramidentayo.’”

Ti Biblia (1973)

⁴ Casano ti cabayag ti panagladingit ti daga, ken pannacagango dagiti mulmula iti amin a daga? gapu iti kinadangkes dagidiay nga agnaed kencuana, dagiti an-animal maibusda, ken dagiti tumatayab; agsipud ta kinunada, Isu saannanto a makita ti maud-udi a panungpalantayo.

Jeremias 12:4 Iomraidhean Croise

Dagiti Salmo 107:34

Pinaapgadna ti nadam-eg a daga gapu iti kinadakes dagiti agnaed.

Dagiti Salmo 50:21

Inaramidmo amin dagitoy ngem diak nagtagtagari; iti kasta, impagarupmon a kaslaak met kenka. Ngem ita, babalawenka, ket ilawlawagko ti amin kenka.

Isaias 24:4

Agmaga ti daga ket agtikag. Agangrag ken aglaylay ti lubong. Agpada nga agkapsut ti langit ken daga.

Isaias 24:6

Iti kasta, adda lunod a mangdadael iti daga, ket agsagsagaba dagiti tattao gapu iti kinadakesda. Bassit dagiti matda a sibibiag.

Jeremias 12:11

Pinagbalinda nga awan serserbina, nakaay-ay-ay ti buyana. Nagbalin a let-ang ti entero a daga, ket awan man la ti mangikanawa.

Jeremias 14:2

“Agdungdung-aw ti Juda, agbugbugsot dagiti siudadna. Gapu iti ladingit, agid-idda dagiti tattaona iti daga, ket dumawat ti Jerusalem iti tulong.

Jeremias 23:10

Napno ti daga iti tattao a nangtallikud iti Apo. Dakes ti panagbiagda ket saan a nasayaat ti panangusarda iti bilegda. Agdung-aw ti daga gapu iti panangilunod ti Apo ket magango dagiti ruot iti pagaraban.

Jeremias 4:25

Pulos nga awan tao a nakitak, nagpapanaw uray dagiti tumatayab.

Jeremias 4:28

Agladingitto ti daga, ket agsipngetto ti langit. Nagsao ti Apo; impakaammonan ti pangngeddengna, ket dinanto baliwan ti panunotna.

Jeremias 5:13

Kinunada a mannanao laeng dagiti profeta ket awan mensaheda a naggapu iti Apo. Kinuna kaniak ti Apo a Dios a Mannakabalin-amin, “Jeremias, gapu ta kastoy ti imbaga dagitoy a tattao, pagbalinekto a kasla apuy dagiti saok iti ngiwatmo. Kaslanto kayo dagitoy a tattao ket ikisapto ida iti apuy.”

Jeremias 5:31

Pasig nga ulbod ti sasawen dagiti profeta. Isuro dagiti papadi ti kaykayatda ket magustoan met ti kasta dagiti tattaok. Ngem anianto ti aramidenda inton agpatingga amin dagitoy?”

Jeremias 7:20

Iti kasta, siak ni Yahweh a Dios, idissuorkonto ti nakaro a pungtotko iti daytoy a lugar, kadagiti tattao ken animal, uray pay kadagiti kayo ken kadagiti mula. Kaslanto apuy ti pungtotko nga awan ti makaiddep.

Jeremias 9:10

Kinunak, “Dung-awakto dagiti bantay, sangitakto met dagiti pagpaaraban idiay let-ang ngamin ta namagaandan, ket awanen ti magmagna kadakuada. Saanen a mangngeg ti uga dagiti baka; pimmanawen dagiti tumatayab ken dagiti atap nga animal.”

Jeremias 9:9

Diakto kadi dusaen ida gapu kadagitoy? Saankonto aya a balsen dagitoy a tattao? Siak, ni Yahweh, ti nangibaga iti daytoy.”

Oseas 4:3

Daytoy ti gapuna nga agladingit ti daga. Matay amin a sibibiag, amin nga animal ken tumatayab agraman dagiti ikan.”

Joel 1:18

Aguga dagiti baka gapu iti bisinda, ta awan ti pagarabanda; agsagaba met ti arban dagiti karnero.

Amos 1:2

Kinuna ni Amos, “Agungor ti Apo idiay Sion, ket gumluong ti timekna idiay Jerusalem. Gapu iti daytoy, agtikag dagiti pagpastoran ken aglaylay dagiti ruot ti Bantay Carmel.”

Habakuk 3:17

Uray no awan ti bunga dagiti igos, ken awan ti bunga dagiti ubas; uray no awan maapit nga olibo ken awan maapit kadagiti talon; uray no matay dagiti amin a karnero, ken awan nagyan ti pagaponan dagiti baka;

Zacarias 1:12

Kinuna ti anghel, “O Apo a Mannakabalin-amin, 70 a tawenen a kapungpungtotmo ti Jerusalem ken dagiti siudad ti Juda. Kaanonto a kaasiam ida?”

Taga-Roma 8:22

Ta ammotayo nga agpapan ita, kas iti agpasikal, agas-asug iti rigat ti entero a sangaparsuaan.