Jeremias 12:3 - Ti Baro a Naimbag a Damag Biblia

³ Ngem, O Apo, ammonak, makitam ti aramidko ken ti panagayatko kenka. Ukodem dagitoy dakes a tattao a kas kadagiti maparti a karnero; ilasinmo ida agingga iti pannakapartida.

Ti Biblia (1973)

³ Ngem sica, O Jehova, ammonac; sica makitanac, ket suutem toy pusoc nga agpaay kenca; guyodem ida a cas carcarnero a maipaay iti pagpartian ken isaganam ida a maipaay iti aldaw ti pannacaparti.

Jeremias 12:3 Iomraidhean Croise

2 Ar-ari 20:3

“Laglagipem, O Apo, a nagserbiak kenka a sipupudno ken iti amin a pusok ket kanayon nga ikagumaak nga aramiden ti pagayatam.” Nagsangit ni Hezekias iti nasaem.

1 Cronicas 29:17

Ammok a suotem ti puso ti tunggal maysa ket maragsakanka kadagiti nalinteg a tattao. Napudno ken napasnekak a nangted amin kadagitoy kenka. Nakitak ti ragsak dagiti amin a tattaom a naummong ditoy a mangyeg kadagiti sagutda kenka.

Ti Libro ni Job 23:10

Nupay kasta, ammo ti Dios ti amin nga addangko; no padasennak, masarakannanto a nadalus ti biagko.

Dagiti Salmo 11:5

Dagiti naimbag ken dakes a tattao, agpapadada nga usigen ti Apo; dagiti saan nga agtulnog iti linteg, guraenna iti amin a pusona.

Dagiti Salmo 139:23

Usigennak, O Dios, ket ammoem ti adda iti pusok. Suotennak tapno makitam ti adda iti panunotko.

Dagiti Salmo 17:3

Naan-anay nga ammom ti pusok; umayka kaniak iti rabii. Naan-anay ti panangsuotmo kaniak, ket awan nasarakam a dakes a tarigagayko. Pudno ti saok, saan a kas kadagiti dadduma; tinungpalko dagiti bilinmo ken diak sinurot ti dalan dagiti naranggas.

Dagiti Salmo 26:1

Ipakaammom nga awan basolko, O Apo, ta nalinteg ti aramidko, ket kenka naan-anay ti panagtalekko.

Dagiti Salmo 7:9

Pagsardengem ti kinadakes dagiti nakillo, ket dawatek a gunggonaam dagiti naimbag a tattao. Nalintegka, O Dios; usigem dagiti panunot ken tarigagaymi.

Jeremias 15:15

Ket kinunak, “O Apo, ammok a maawatam. Laglagipennak kadi ket tulongannak. Balsem dagiti mangidadanes kaniak. Dimo palubosan ida a mangpapatay kaniak. Laglagipem a gapu kenka, pinabpabainandak.

Jeremias 17:16

Ngem, O Apo, diak dinawat a ranggasam ida; diak tinarigagayan nga agrigatda. O Apo, ammom daytoy; ammom ti sinaok.

Jeremias 17:18

Ibabainmo dagiti mangidadanes kaniak, ngem dinak iramraman. Lapunosem ida iti buteng, ngem dinak butbutngen. Didigraem ken dadaelem ida a mamimpinsan.

Jeremias 20:12

Ngem nalinteg ti panangsuotmo iti tao, O Apo a Mannakabalin-amin, ammom ti adda iti puso ken panunotna. Ipakitam ti panangbalesmo kadagiti kabusorko, agsipud ta intalekko kenka ti parikutko.

Jeremias 48:15

Nadadaelen ti Moab ken dagiti siudadna, narangrangkayen dagiti kalaingan nga agtutubona. Daytoy ti sao ti Ari, ni Yahweh a Mannakabalin-amin.

Jeremias 50:27

Papatayenyo dagiti amin a soldadona! Pukawenyo ida! Nasentensiaan a madadael dagiti tattao ti Babilonia! Dimtengen ti tiempo a pannakadusada.” (

Jeremias 51:4

Masugatdanto ket maidasayda agingga a matayda kadagiti kalsada ti siudadda.

San Juan 21:17

Pinitlo ni Jesus a sinaludsod, “Simon nga anak ni Juan, ay-ayatennak kadi?” Nagliday ni Pedro gapu ta namitlon a sinaludsod ni Jesus kenkuana, “Ay-ayatennak kadi?” Kinuna ni Pedro, “Apo, ammom amin a banag. Ammom nga ay-ayatenka!” Kinuna ni Jesus kenkuana, “Aywanam dagiti karnerok.

Santiago 5:5

Ditoy daga, nagbiagkayo a naglaplapunosan iti nam-ay ken ragsak. Nagpalukmegkayo a maisagana iti kaaldawan ti panagparti.

2 Pedro 2:12

Ngem saan a pampanunoten dagitoy a sinan-mamaestro ti aramidenda—kasdala kadagiti atap nga animal a nayanak tapno matiliw ken mapapatayda. Madadaeldanto a kas kadagiti atap nga animal.