Jeremias 12:2 - Ti Baro a Naimbag a Damag Biblia

² Imulam ida ket agramutda; dumakkel ken agbungada. Nasayaat panagsaoda't maipapan kenka ngem ti pusoda adayo kenka.

Ti Biblia (1973)

² Sica immulam ida, wen, nagramutda; dumackelda, wen, agbungada; asidegca iti ngiwatda, ngem adayuca iti pusoda.

Jeremias 12:2 Iomraidhean Croise

Ti Libro ni Job 24:12

Manipud siudad, rumkuas ti ikkis dagiti nasugat ken agbugbugsot, ngem saan nga ipangag ti Dios ti kararagda.

Ti Libro ni Job 5:3

Nakakitaak kadagiti maag a kasla natalged ti biagda, ngem dinawatko ti kellaat a pannakailunod dagiti taengda.

Dagiti Salmo 37:35

Nakitak ti maysa a tao a nadangkes; narangpaya ken nangato a kas iti sedro ti Libano.

Isaias 29:13

Kinuna ti Apo, “Ibagbaga dagitoy a tattao nga agdaydayawda kaniak ngem barengbareng ti saoda ket adayo ti pusoda kaniak. Awan mamaay ti panagdaydayawda, ta alagaden ken linteg laeng ti tao ti inkabesada.

Jeremias 11:17

“Siak, ni Yahweh a Mannakabalin-amin, ti nangimula iti Israel ken Juda. Ngem ita, ikeddengko a madidigrada gapu iti dakes nga inaramidda. Pinagpungtotdak gapu kadagiti panagidatagda ken ni Baal kadagiti daton a mapuoran.”

Jeremias 3:10

Kalpasan amin dagitoy, naginsusubli kaniak ti Juda, ti manangallilaw a kabsat ti Israel. Saanna nga impapuso ti panagsublina. Siak, ni Yahweh, ti nagsao iti daytoy.”

Jeremias 45:4

“Ngem siak, ni Yahweh, rebbaek ti binangonko ken parutek ti immulak. Aramidekto daytoy iti entero a daga.

Ezekiel 33:31

Isut' gapuna nga agdudupudop dagiti tattaok nga umay dumngeg kenka, ngem dida tungpalen ti ibagam nga aramidenda. Napno iti ayat dagiti balbalikasda ngem dagiti inaagum nga aramidda.

Oseas 7:14

Dida ipapuso ti agkararag kaniak; agiikkisda ketdi a kasda la pagano tunggal agkararagda. No agdawatda iti trigo ken arak, sugatsugatenda ti bagbagida.

Habakuk 1:13

Ngem kasano a maibturam dagitoy mangliliput ken managdakdakes a tattao? Nasantoan unay dagiti matam ket dida maibturan a kitaen ti dakes. Dimo kayat a kitaen dagiti tattao nga agaramid iti dakes. Apay ngarud nga agulimekka idinto ta dadaelenda dagiti tattao a nalinlinteg ngem isuda?

San Mateo 15:8

‘Kuna ti Dios, dagitoy a tattao kunkunada a dayawendak, Ngem adayo ti pusoda kaniak.

San Marcos 7:6

Insungbat ni Jesus, “Pudno unay ti impadto ni Isaias maipapan kadakayo! Aginsisingpetkayo kas insuratna, ‘Dagitoy a tattao,’ kuna ti Dios, ‘kunkunada a dayawendak babaen kadagiti bibigda. Ngem adayo kaniak ti pusoda.

Tito 1:16

Kunada nga ammoda ti Dios ngem makita kadagiti aramidda a dida am-ammo ti Dios. Nakarimrimon ken nasukirda, ket dida maikari nga agaramid iti naimbag.