Jeremias 11:6 - Ti Baro a Naimbag a Damag Biblia

⁶ Kalpasanna, kinuna ti Apo kaniak, “Inka kadagiti siudad ti Juda ken kadagiti kalkalsada ti Jerusalem. Ipakaammom ti mensahek sadiay ket ibagam kadagiti tattao nga ipangag ken tungpalenda dagiti alagaden daytoy a katulagan.

Ti Biblia (1973)

⁶ Ket ni Jehova kinunana caniac, Iwarragawagmo amin dagitoy a sao cadagiti il-ili ti Juda, ken cadagiti lanlansangan ti Jerusalem, a cunam, Denggenyo dagiti sasao daytoy a tulag, ket aramidenyo ida.

Jeremias 11:6 Iomraidhean Croise

Dagiti Salmo 15:5

dina paanakan ti kuarta nga ipautangna, di mapasuksokan tapno agsaksi iti maibusor iti awan basolna. Natalgedto latta dagiti kasta ti aramidna.

Isaias 58:1

Kuna ti Apo, “Agpukkawka iti amin a pigsam! Ipakaammom kadagiti tattaok nga Israelita dagiti basolda!

Jeremias 19:2

Imbaonnak a mapan iti ruar ti Ruangan ti Harsit nga agturong iti Tanap ti Hinnom ket ipakaammok ti mensahe nga intedna kaniak.

Jeremias 2:2

nga innak ipakaammo daytoy a mensahe kadagiti amin nga agnaed idiay Jerusalem: “Malagipko ti kinapudnom idi ubingka; malagipko met ti ayatmo kaniak idi kakaskasarta. Sinurotnak idiay let-ang, iti maysa a daga nga awan pay mulana.

Jeremias 3:12

Imbagana kaniak nga innak idiay amianan ket ipakaammok daytoy iti Israel, “Mannakikamalala nga Israel, agsublika kaniak. Manangngaasiak ket saanak nga agpungtot. Saan nga agnanayon ti pungtotko kenka.

Zacarias 7:7

Daytoy ti imbaga ti Apo babaen dagiti profeta idi un-unana. Imbagana daytoy idi narang-ay ti Jerusalem ken adu ti agnaed a tao, saan laeng a kadagiti kabangibangna nga il-ili no di pay ket iti abagatan a deppaar ken iti akinlaud a bakras dagiti turod.

San Juan 13:17

Ita, ammoyon daytoy a kinapudno. Nagasatkayo no aramidenyo!

Taga-Roma 2:13

Ta saan a mapalinteg ti tao iti imatang ti Dios babaen iti panagdengngegna iti Linteg, no di ket babaen iti panagtungpalna iti Linteg.

Deuteronomio 4:1

Kinuna ni Moises kadagiti tattao, “Tungpalenyo dagiti annuroten ken linteg nga isurok ita kadakayo tapno mataginayonkayo a kas pagilian ket tagikuaenyonto ti daga nga ited kadakayo ti Apo a Dios dagidi kapuonanyo.

Deuteronomio 4:5

“Insurok kadakayo dagiti amin a linteg, kas imbaga kaniak ti Apo a Diosko. Tungpalenyo dagitoy a bilin inton addakayon iti daga a dandaniyon rauten ken sakupen.

Santiago 1:22

Ngem diyo allilawen ti bagiyo. Saan nga umdas a dumngegkayo laeng. Babaen iti aramid, ipakitayo ketdi a dumngegkay iti sao.