Jeremias 11:12 - Ti Baro a Naimbag a Damag Biblia

¹² Agpatulongto dagiti tattao ti Juda ken Jerusalem kadagiti didiosen a nagidataganda kadagiti daton a mapuoran. Ngem awanto ti maitulong dagitoy a didiosen inton umay daytoy a didigra.

Ti Biblia (1973)

¹² Iti casta dagiti il-ili ti Juda ken dagiti agnaed iti Jerusalem mapandanto nga umawag cadagiti didiosen isuda a pangidatonanda iti incienso: ngem didanto ida isalacan a pulos iti pannawen ti rigatda.

Jeremias 11:12 Iomraidhean Croise

2 Cronicas 28:22

Idi kakaro ti pannakadidigrana, dayta nga Ahaz, inyad-addana ketdi ti nagbasol ken ni Yahweh.

Isaias 45:20

Kuna ni Yahweh, “Aguummongkayo, dakayo a tattao dagiti nasion, dakayo amin a nakalasat idi matnag ti pagarian, idatagyo dagiti bagbagiyo tapno mausigkayo. Nengneng dagiti mangilibut kadagiti imahen a didiosenda a kayo, ken agkararag kadagiti didiosen a saan a makaisalakan kadakuada! Pulos nga awan ti ammo dagitoy a tattao!

Isaias 46:7

Baklayen ken awitenda; isaadda iti nairanta a pagyananna, ket adda sadiay, di makagaraw iti lugarna. No adda agkararag kenkuana dina masungbatan, ket no dumteng ti didigra dina met maisalakan.

Jeremias 18:15

Ngem nalipatandak dagiti tattaok; agpuorda iti insenso kadagiti didiosen. Maitublakda iti dalan a rumbeng a pagnaanda; saanda a suroten ti nagkauna a dalan. Magnada kadagiti killo a dana ket awan turongenda.

Jeremias 2:28

“Ngem sadino ti ayan dagiti didiosen nga inaramidyo a pagdaydayawanyo? No adda rigatyo, bay-anyo nga isuda ti mangisalakan kadakayo—no kabaelanda! Juda, adu ti didiosem a kas iti kaadu dagiti ilim.

Jeremias 44:8

Apay a pagpungtotendak babaen iti panagdaydayawyo kadagiti imahen ken iti panagidatagyo iti daton a mapuoran kadagiti didiosen ditoy Egipto nga immayyo pagnaedan? Aramidenyo kadi dagitoy a pangdadael laeng kadagiti bagbagiyo tapno pagang-angawandakayo dagiti amin a nasion ditoy lubong ket aramatenda a pagilunod ti naganyo?

Deuteronomio 32:37

Iti kasta, saludsodento ti Apo kadagiti tattaona, ‘Sadino ti ayan dagiti nabileg a didiosen a nagtalkanyo?

Deuteronomio 32:38

Pinakanyo ida iti taba dagiti datonyo, ket nagidatagkayo kadakuada iti arak nga inumen. Ayabanyo ida a tumulong kadakayo, isuda ti pagkamanganyo.

Uk-ukom 10:14

Apay a saankayo nga agpatulong kadagiti didiosen a piniliyo tapno ispalendakayo iti panawen ti panagrigatyo?”