Jeremias 10:7 - Ti Baro a Naimbag a Damag Biblia

⁷ Siasino ti di agdayaw kenka, sika nga ari dagiti amin a nasion? Rumbeng a madaydayawka. Awan ti kas kenka kadagiti amin a mamasirib kadagiti nasion ken iti amin a pagarianda.

Ti Biblia (1973)

⁷ Siasino ti saan nga agbuteng kenca, O Ari dagiti nasnacion? ta kenca maiparbeng daytoy; agsipud ta cadagiti amin a mamasirib cadagiti nasnacion, ken cadagiti amin a naarian a casasaadda, awan ti siasinoman a cas kenca.

Jeremias 10:7 Iomraidhean Croise

2 Ar-ari 17:39

Agbutengkayo kaniak, siak, ni Yahweh a Diosyo, ket isalakankayto kadagiti kabusoryo.”

1 Cronicas 16:25

Naindaklan ti Apo, ket masapul nga idaydayawtayo; ad-adda nga isu ti kabutengtayo ngem ti siasinoman a didiosen.

Ester 1:13

Ugali ti ari ti makiuman kadagiti mamasirib maipapan iti linteg ken urnos. Iti kasta, pinaayabanna dagiti mammagbaga kenkuana a makaammo iti tumutop a maaramid.

Dagiti Salmo 147:5

Naindaklan ken mannakabalin ti Apotayo; saan a matukod ti kinasiribna.

Dagiti Salmo 22:28

Ni Yahweh, isu ti Ari, ket iturayanna dagiti amin a nasion.

Dagiti Salmo 47:3

Pinagballiginatayo kadagiti tattao; pinagturaynatayo kadagiti pagilian.

Dagiti Salmo 72:11

Agrukbabto dagiti amin nga ari kenkuana, agserbinto kenkuana dagiti amin a pagilian.

Dagiti Salmo 76:7

Ngem sika, O Apo, pagbutbutngandaka! Siasino ti makaitured a tumakder iti sangoanam no agpungtotka?

Dagiti Salmo 86:8

Awan ti dios a kas kenka, O Apo, awan ti makaaramid iti maaramidmo.

Dagiti Salmo 86:9

Umayto dagiti amin a nasion a pinarsuam, ket agrukbabdanto iti sangoanam. Idaydayawdanto ti naganmo.

Dagiti Salmo 89:6

Siasino ti kas kenka sadi langit, O Apo; awan nailangitan a parsua a kaaspingmo.

Exodo 8:10

“Inton bigat,” insungbat ti ari. Kinuna ni Moises, “Matungpal ti kiddawmo tapno maammoam nga awan ti kapada ti Apo a Diosmi.

Exodo 9:14

Ta itan, saan laeng nga isu ti dusaek no di pay ket dagiti ofisialesna ken dagiti tattao iti sakupna tapno maammoanna nga awan ti kapadak iti entero a lubong.

Isaias 2:4

Agtugawto a kas ukom dagiti nasion ket risutennanto ti parikut dagiti adu a tattao. Pandayendanto nga arado dagiti kampilanda, pagbalinendanto a kumpay dagiti pikada. Saanton nga aggugubat dagiti pagilian, saandanton nga agsagana a makigubat.

Jeremias 10:6

Apo, awan ti kas kenka; nabilegka ket naindaklan ken mannakabalin ti naganmo.

Jeremias 5:22

Siak ni Yahweh. Awan kadi ti panagbutengyo kaniak? Apay a dikay agkintayeg iti sangoanak? Inkabilko ti darat a beddeng ti baybay, maysa a permanente a bangen a dina maballasiw. Mabalin nga agdawel ti baybay ngem dina malabsan; mabalin nga agdaranudor dagiti dalluyon ngem dida malasat.

Daniel 2:27

Simmungbat ni Daniel, “Natan-ok nga Ari, awan ti baglan, salamangkero, mammuyon wenno astrologo a makaibaga iti dayta.

Daniel 2:28

Ngem adda Dios sadi langit a makaibaga kadagiti palimed. Impakaammona kenka, Natan-ok nga Ari, ti mapasamak iti masakbayan. Daytoy ti tagtagainep, ti parmatam idi matmaturogka.

Habakuk 3:2

O Apo, nadamagko dagiti inaramidmo, ket kasta unay ti siddaawko. Aramidem met kadi ita dagiti naindaklan a gapuanam? Mangngaasika kadi uray no makapungtotka?

Zacarias 2:11

Iti dayta a tiempo, adunto a nasion ti kumamang iti Apo ket agbalindanto a tattaona. Makipagnaedto kadakayo, ket maammoanyonto nga imbaonnak kadakayo.

Malakias 1:11

Agraem kaniak dagiti amin a tattao ditoy lubong. Iti sadinoman a disso, agpuorda iti insenso a maipaay kaniak ket agidatagda kadagiti makaay-ayo a daton. Isuda amin raemendak.

San Lucas 12:5

Ipakaammok kadakayo ti rumbeng a pagbutngan: Agbutengkayo iti Dios nga adda pannakabalinna a mangitappuak iti bagi idiay infierno kalpasan ti panangpapatayna. Wen, patiendak, isu ti pagbutnganyo!

1 Taga-Corinto 8:6

ngem kadatayo, maymaysa laeng ti Dios. Isu ti Ama a namarsua iti amin a banag ket gapu kenkuana, agbiagtayo. Maymaysa met ti Apo nga isu ni Jesu-Cristo. Naparsua ti amin a banag babaen kenkuana ket agbiagtayo gapu kenkuana.

Josue 4:24

Gapu itoy, maammoanto ti amin a tao ditoy daga no kasano ti kadakkel ti pannakabalin ti Apo ket agnanayon nga agbutengkayto iti Apo a Diosyo.”

Paltiing 11:15

Pinuyot ti maikapito nga anghel ti trumpetana. Adda dagiti napipigsa a timek a naggapu sadi langit a kunkunada, “Naiteden iti Apotayo ken iti Cristona ti pagarian ti lubong, ket agturayto iti agnanayon nga awan inggana!”

Paltiing 15:4

Siasino ti saan nga agbuteng kenka, Apo? Siasino ti saan a mangitan-ok iti naganmo? Agsipud ta siksika laeng ti nasantoan. Umayto dagiti amin a pagilian Ket agdaydayawda iti sangoanam, Ta maimatangan ti amin dagiti nalinteg nga aramidmo.”