Jeremias 10:6 - Ti Baro a Naimbag a Damag Biblia

⁶ Apo, awan ti kas kenka; nabilegka ket naindaklan ken mannakabalin ti naganmo.

Ti Biblia (1973)

⁶ Awan ti siasinoman a cas kenca, O Jehova; sica dackelca, ket ti naganmo dackel ti pannacabalinna.

Jeremias 10:6 Iomraidhean Croise

2 Samuel 7:22

Natan-okka, O Apo Dios. Awan ti kas kenka. Awan pay ti sabali a Dios a nadamagmi no di laeng sika.

1 Cronicas 16:25

Naindaklan ti Apo, ket masapul nga idaydayawtayo; ad-adda nga isu ti kabutengtayo ngem ti siasinoman a didiosen.

Nehemias 4:14

Nadlawko a madanagan dagiti tattao, isut' gapuna a kinunak kadakuada, kadagiti papangulo ken ofisialesda, “Dikay agbuteng kadagiti kabusortayo! Laglagipenyo a naindaklan ken makaam-amak ti Apo. Isu ti makigubat a mangsalaknib kadagiti kailianyo, kadagiti annakyo, kadagiti assawayo ken kadagiti balbalayyo.”

Nehemias 9:32

“O Dios a Diosmi, naindaklanka unay! Nakabutbuteng ken mannakabalinka! Salimetmetam a sipupudno dagiti karim iti katulagam. Manipud iti tiempo a panangidadanes kadakami dagiti ar-ari ti Asiria, adun ti sinagsagabami agpapan ita. Nagsagaba dagiti ar-arimi, dagiti papangulo, papadi ken profetami, dagiti kapuonanmi ken amin a tattaomi. Lagipem kadi ti adu unay a sinagabami.

Dagiti Salmo 145:3

Naindaklan ti Apo, ket maikari a naindaklan ti pannakaidaydayawna; saan a matukod ti kinatan-okna.

Dagiti Salmo 147:5

Naindaklan ken mannakabalin ti Apotayo; saan a matukod ti kinasiribna.

Dagiti Salmo 35:10

Iti amin a pusok, kunakto iti Apo, “Awanen ti kas kenka! Salaknibam dagiti nakapuy iti ranggas dagiti napigsa. Salaknibam met dagiti napanglaw ken nakakaasi iti ulpit dagiti mangidadanes!”

Dagiti Salmo 48:1

Naindaklan ti Apo, ket maikari a maidaydayaw iti siudad ti Diostayo, iti nasantoan a bantayna.

Dagiti Salmo 96:4

Naindaklan ti Apo ket maikari a naindaklan ti panangidaydayawtayo. Ad-adda a pagbutngan ngem dagiti amin a dios.

Exodo 15:11

“Siasino, O Apo, kadagiti didiosen ti kas kenka? Siasino ti umasping kenka iti nakaskasdaaw a kinasantom? Siasino ti pumada kenka nga agar-aramid iti milagro ken pagbutngan gapu kadagiti nakaskasdaaw nga aramidmo?

Exodo 8:10

“Inton bigat,” insungbat ti ari. Kinuna ni Moises, “Matungpal ti kiddawmo tapno maammoam nga awan ti kapada ti Apo a Diosmi.

Exodo 9:14

Ta itan, saan laeng nga isu ti dusaek no di pay ket dagiti ofisialesna ken dagiti tattao iti sakupna tapno maammoanna nga awan ti kapadak iti entero a lubong.

Isaias 12:6

Agpukkaw ken agkanta koma dagiti amin nga agnaed iti Sion! Naindaklan ti Nasantoan a Dios ti Israel, ket agnaed iti sidong dagiti tattaona.”

Isaias 40:18

Siasino ti pakaipadaan ti Dios? Mabalinmo kadi nga iladawan ti langana?

Isaias 40:25

Siasino ti pakaipadaan ti Nasantoan a Dios? Adda kadi umasping kenkuana?

Isaias 46:5

“Siasino ti pangidiliganyo kaniak,” kuna ni Yahweh. “Adda aya sabali a kapadak?

Isaias 46:9

Laglagipenyo dagiti napasamak idi un-unana; bigbigenyo a siak laeng ti Dios, ket awan ti sabali a kas kaniak.

Jeremias 10:16

Saan a kasta ti Dios ni Jacob. Isu ti nangaramid iti amin a banag; pinilina dagiti Israelita a tattaona. Yahweh a Mannakabalin-amin ti naganna.

Jeremias 32:18

Impakitam ti di agbalbaliw nga ayatmo kadagiti rinibribu a tattao. Nupay kasta, dusaem dagiti tattao gapu iti basol dagiti ammada. Naindaklan ken nabilegka a Dios. Apo a Mannakabalin-amin ti naganmo.

Daniel 4:3

“Naindaklan dagiti datdatlag nga ipakita ti Dios kadatayo! Nabileg unay dagiti nakaskasdaaw a banag nga aramidenna! Agnanayon ti pagarianna ket agturay iti amin a tiempo.

Daniel 4:34

Kinuna ti ari, “Kalpasan ti pito a tawen, timmangadak sadi langit ket nagsubli ti sigud a panunotko. Indaydayawko ti Kangatoan a Dios ket impaayko ti dayaw ken dayag iti agnanayon a sibibiag. Kinunak, “Agturay iti agnanayon, agpautto ti pagarianna iti amin a tiempo.

Malakias 1:11

Agraem kaniak dagiti amin a tattao ditoy lubong. Iti sadinoman a disso, agpuorda iti insenso a maipaay kaniak ket agidatagda kadagiti makaay-ayo a daton. Isuda amin raemendak.

1 Taga-Corinto 8:6

ngem kadatayo, maymaysa laeng ti Dios. Isu ti Ama a namarsua iti amin a banag ket gapu kenkuana, agbiagtayo. Maymaysa met ti Apo nga isu ni Jesu-Cristo. Naparsua ti amin a banag babaen kenkuana ket agbiagtayo gapu kenkuana.

Deuteronomio 32:31

Ammo dagiti kabusorda a nakapuy dagiti didiosenda, saanda a nabileg a kas iti Dios ti Israel.

Deuteronomio 33:26

Dakayo nga Israelita, awan ti Dios a kas iti Diosyo, sidadayag nga aglasat iti langit, lasatenna dagiti ulep nga umay tumulong kadakayo.