Jeremias 10:5 - Ti Baro a Naimbag a Damag Biblia

⁵ Saan a makasao dagiti kakastoy nga imahen. Awan dumada iti bambanti iti talon a namulaan iti sandia. Masapul a maawitda, ta dida makapagna. Diyo kabuteng ida, ta didakay an-anoen; ket awan naimbag a maitedda kadakayo.”

Ti Biblia (1973)

⁵ Isu cas maysa a cayo ti palma a naturno, ket saan nga agsao: masapul a maawitda ta saanda a macapagna. Dicayo agbuteng cadacuada; ta saanda a macaaramid ti dakes, awan met cadacuada ti macaaramid ti naimbag.

Jeremias 10:5 Iomraidhean Croise

1 Ar-ari 18:26

Innalada ti baka a nayeg kadakuada, insaganada ket nagkararagda ken ni Baal manipud iti agsapa agingga iti tengnga ti aldaw. Impukkawda, “Ipangagnakami, Baal!” ket nagsasalada iti lawlaw ti altar a binangonda. Ngem awan ti sungbat a naurayda.

2 Cronicas 25:15

Nakapungtot ni Yahweh gapu iti daytoy ket nangibaon iti maysa a profeta ken ni Amazias. Sinaludsod ti profeta, “Apay nga agdaydayawkayo kadagiti ganggannaet a didiosen? Dida pay maisalakan dagiti tattaoda iti pannakabalinmo!”

Isaias 16:12

Bambannogen laeng dagiti taga-Moab ti bagbagida a mapan agkararag kadagiti bantay a pagdaydayawanda ken kadagiti temploda, ta awanto ti magangganabda.

Isaias 45:20

Kuna ni Yahweh, “Aguummongkayo, dakayo a tattao dagiti nasion, dakayo amin a nakalasat idi matnag ti pagarian, idatagyo dagiti bagbagiyo tapno mausigkayo. Nengneng dagiti mangilibut kadagiti imahen a didiosenda a kayo, ken agkararag kadagiti didiosen a saan a makaisalakan kadakuada! Pulos nga awan ti ammo dagitoy a tattao!

Isaias 46:1

“Daytoy ti kanibusanan dagiti didiosen ti Babilonia! Nagdaydayawan idi dagiti tattao dagiti didiosen a Bel ken Nebo. Ngem ita, naikargada kadagiti asno, ket dadagsen ida dagiti nabannog nga animal!

Isaias 46:7

Baklayen ken awitenda; isaadda iti nairanta a pagyananna, ket adda sadiay, di makagaraw iti lugarna. No adda agkararag kenkuana dina masungbatan, ket no dumteng ti didigra dina met maisalakan.

Jeremias 10:14

Maag ken nengneng dagiti amin a tattao; maibabain dagiti agar-aramid iti imahen ta saan a pudno ken awan biag dagiti didiosen a partuatda.

Habakuk 2:19

Asika pay! Kunam iti maysa a kayo, “Agriingka!” wenno iti maysa a bato, “Bumangonka!” Adda aya maipaltiing kenka ti maysa nga imahen? Mabalin a nakalupkopan iti pirak ken balitok, ngem awan biagna.

1 Taga-Corinto 12:2

Ammoyo nga idi paganokayo pay laeng, naisungsongkayo nga agrukbab kadagiti didiosen. Awan biagda dagitoy a didiosen a kanayon a nangyaw-awan kadakayo.

1 Taga-Corinto 8:4

Ngarud, no maipapan iti pannangan iti taraon a naidaton kadagiti didiosen, ammotayo a ti didiosen awan ti napudpudno nga iladawanna; ammotayo a maymaysa laeng ti Dios.

Deuteronomio 4:28

Agserbikayto kadagiti didiosen nga aramid ti tao, didiosen a kayo ken bato, didiosen a di makakita wenno makangngeg, di mangan wenno makaangot.