Jeremias 10:10 - Ti Baro a Naimbag a Damag Biblia

¹⁰ Ngem sika, O Apo, ti pudno a Dios, sika ti sibibiag a Dios, ken ti agnanayon nga ari. No makapungtotka, agginggined ti daga; saan a maibturan dagiti nasion ti ungetmo. (

Ti Biblia (1973)

¹⁰ Ngem ni Jehova isu ti pudno a Dios; isu ti sibibiag a Dios, ken agnanayon nga Ari; gapu iti pungtotna ti daga agkintayeg, ket dagiti nasnacion saanda a maibturan ti ungetna.

Jeremias 10:10 Iomraidhean Croise

Genesis 21:33

Nangimula ni Abraham iti kayo idiay Beerseba, ket nagdaydayaw ken ni Yahweh, ti agnanayon a Dios.

1 Ar-ari 18:39

Idi makita daytoy dagiti tattao, nagpaklebda ket impukkawda, “Ti Apo ti Dios, ti laeng Apo ti Dios!”

1 Ar-ari 8:60

Iti kasta, maammoanto dagiti amin a pagilian ditoy lubong a ti Apo laeng ti Dios—awanen sabali.

1 Cronicas 29:11

Naindaklan ken mannakabalinka, nadaeg, nadayag ken natan-okka. Kukuam amin nga adda sadi langit ken ditoy daga. Sika ti ari ken kangatoan a mangituray iti amin.

2 Cronicas 15:3

Nabayag a tiempo a nagbiag dagiti Israelita nga awanan iti pudpudno a Dios, awan papadi a mangisuro kadakuada, awan ti lintegda.

Ti Libro ni Job 9:6

Paggingginedenna ti daga, ket gunggonenna dagiti fondasionna.

Dagiti Salmo 10:16

Ni Yahweh isu ti ari nga awan inggana; mapukawto dagiti agdaydayaw kadagiti didiosen iti dagana.

Dagiti Salmo 100:3

Bigbigenyo a ti Apo ket Dios. Isu ti namarsua kadatayo, ket kukuanatayo. Wen, tattaonatayo, ket datayo ti arbanna.

Dagiti Salmo 100:5

Ta naimbag ti Apo ket agnanayon awan inggana ti ayatna. Agnanayon ti kinapudnona.

Dagiti Salmo 104:32

Agkintayeg ti daga no taldiapanna; umasuk dagiti turod no sagidenna.

Dagiti Salmo 114:7

Agkintayegka, daga, iti imatang ti Apo; wen, iti imatang ti Dios ni Jacob.

Dagiti Salmo 145:13

Agnanayon ti panagarim; agpaut ti panagturaymo iti amin a kaputotan. Tungpalen ti Apo ti amin a karina; manangngaasi iti amin nga aramidna.

Dagiti Salmo 146:6

a namarsua iti langit ken daga, iti taaw ken amin a linaonda. Salimetmetanna ti kinapudno iti agnanayon.

Dagiti Salmo 18:7

Ket nagkintayeg ken nagunggon ti daga; nadayeg ken nagindayon ti fondasion dagiti bantay, agsipud ta nakapungtot ti Dios.

Dagiti Salmo 29:10

Iturayan ni Yahweh ti layus; agari iti agnanayon nga awan inggana.

Dagiti Salmo 31:5

Kadagita imam, italekko toy kararuak. Sikanto, O Apo, ti mangisalakan kaniak; ta Dioska a mapagtalkan.

Dagiti Salmo 42:2

Mawawak iti sibibiag a Dios; Kaanonto a mabalinko ti mapan agdaydayaw iti sangoananna?

Dagiti Salmo 68:11

Nagbilin ti Apo, ket adu a babbai ti nangisaknap iti damag:

Dagiti Salmo 68:8

nagginggined ti daga ket nagtudo iti napigsa gapu iti kaaddam. Uray ti Bantay Sinai nadayeg iti yaaymo, O Dios ti Israel.

Dagiti Salmo 74:12

Ngem sika, O Dios, ti arimi manipud ugma; namin-adu a nagballigika ditoy daga.

Dagiti Salmo 76:7

Ngem sika, O Apo, pagbutbutngandaka! Siasino ti makaitured a tumakder iti sangoanam no agpungtotka?

Dagiti Salmo 76:8

Manipud langit, impaulogmo ti sentensia; nagbuteng ti daga ket adda kappia,

Dagiti Salmo 77:18

Agallangogan ti uni ti gurruodmo, ket ti lubong malawagan kadagiti kimatmo; nagkintayeg ken nagpigerger ti daga.

Dagiti Salmo 84:2

Kasta unay ti gagarko a mapan sadiay! Kayatko ti sumrek iti Templo ni Yahweh. Kantaak iti Dios a sibibiag; agkantaak a siraragsak iti amin a puso ken kararuak.

Dagiti Salmo 9:8

Agturay a sililinteg iti lubong; awan idumdumana ti panangukomna kadagiti nasion.

Dagiti Salmo 90:11

Siasino ti nakarikna iti naan-anay a bileg ti pungtotmo? Siasino ti makaammo iti buteng a yeg ti ungetmo?

Dagiti Salmo 90:2

Sakbay a pinarsuam dagiti bantay, wenno ti panangpaaddam iti lubong, agnanayonkan a Dios, wen, Dios iti awan inggana.

Dagiti Salmo 93:2

Manipud un-unana, O Apo, natalgeden ti tronom; addakan sakbay ti panangrugi ti panawen.

Dagiti Salmo 97:4

Lawagan ti kimatna ti lubong; makita ti daga ket agpigerger.

Isaias 37:17

Dumngegka ngarud, O Apo, ket kitaem ti mapaspasamak kadakami. Denggem ti amin a sao ni Senakerib a pangumsi kenka, sika a sibibiag a Dios.

Isaias 37:4

Imbaon ti emperador ti Asiria ti kangatoan nga ofisialna a nanglais iti sibibiag a Dios. Sapay koma ta mangngeg ti Apo a Diosmo dagitoy a panglais ket dusaenna dagiti nagsao. Ngarud, ikararagam dagiti makalasat a tattaotayo.”

Isaias 40:15

Iti imatang ti Apo, awan serserbi dagiti nasion; mayarigda laeng iti sangkatedted a danum, dagiti adayo a puro nalag-anda a kas iti tapok.

Isaias 40:28

Diyo kadi ammo? Diyo aya nadamag? Ti Apo ti agnanayon a Dios; pinarsuana ti entero a lubong. Pulos a di mabannog wenno kumapsut; awan makatukod iti pampanunotenna.

Isaias 57:15

“Siak ti nangato ken Nasantoan a Dios nga agbiag iti agnanayon. Agnaedak iti nangato ken nasantoan a lugar ngem makipagnaedak met kadagiti tattao a napakumbaba ken nakakaasi, tapno mapasublik ti panagtalek ken namnamada.

Isaias 65:16

Siasinoman nga agnaed iti daga nga agkiddaw a mabendisionan, agdawatto iti napudno a Dios. Siasinoman nga agsapata, pagsapatananto ti nagan ti napudno a Dios. Awanton dagiti riribuk iti napalabas ket malipatandanton.”

Jeremias 23:36

Iti kasta, saandan a kunkuna a makapadagsen ti mensahek agsipud ta no adda mangibaga iti daytoy, pagbalinek ti mensahek a pudno a dadagsen kenkuana. Binallikug dagiti tattao ti sao ti Diosda, ti sibibiag a Dios, ni Yahweh a Mannakabalin-amin.

Jeremias 4:2

tumutopto ti panagsapatayo iti naganko. Iti kasta, dawatento dagiti amin a nasion a bendisionak ida, ket idaydayawdakto.”

Jeremias 4:24

Kinitak dagiti bantay—agkinkintayegda. Ket kinitak dagiti turod—agin-indayonda.

Jeremias 50:46

Inton maparmek ti Babilonia, addanto napigsa nga ikkis ken daranudor a mangdayyeg iti entero a daga. Ti dung-awna mangngegto dagiti nasnasion.”

Jeremias 51:29

Agpigerger ken agkintayeg ti daga ta ipatungpalen ni Yahweh ti planona. Paglangalangennanto ti Babilonia ket awanto ti agnaed sadiay.

Daniel 4:3

“Naindaklan dagiti datdatlag nga ipakita ti Dios kadatayo! Nabileg unay dagiti nakaskasdaaw a banag nga aramidenna! Agnanayon ti pagarianna ket agturay iti amin a tiempo.

Daniel 4:34

Kinuna ti ari, “Kalpasan ti pito a tawen, timmangadak sadi langit ket nagsubli ti sigud a panunotko. Indaydayawko ti Kangatoan a Dios ket impaayko ti dayaw ken dayag iti agnanayon a sibibiag. Kinunak, “Agturay iti agnanayon, agpautto ti pagarianna iti amin a tiempo.

Daniel 6:26

Ibilinko nga iti entero a masakupan ti pagariak, masapul nga agbuteng ken agraem dagiti tattao iti Dios ni Daniel. “Isu ti sibibiag a Dios, ket agturay iti agnanayon. Pulos a dinto madadael ti pagarianna, ket dinto met agpatingga ti pannakabalinna.

Daniel 6:27

Mangisalakan ken mangispal; agiparang kadagiti nakaskasdaaw ken milagro sadi langit ken ditoy daga. Insalakanna ni Daniel iti panangpatay dagiti leon.”

Daniel 7:14

Inawatna sadiay ti pannakabalin, dayaw ken ti naarian a panagturay tapno agserbi kenkuana dagiti tattao iti amin a nasion, puli ken pagsasao. Agnanayonto ti pannakabalinna, ket dinto agpatingga ti pagarianna.

Joel 2:11

Bilinen ti Apo ti armadana; kasla gurruod ti timekna. Adu ken nabileg dagiti soldado nga agtulnog kenkuana. Nakabutbuteng ti aldaw ti Apo! Siasinonto ti makalasat iti dayta nga aldaw?

Mikias 1:4

Margaay dagiti bantay a payatanna; malunagda a kas allid, ket agayusda a kas danum nga agtinnag iti derraas.

Nahum 1:5

Agkintayeg dagiti bantay iti imatang ni Yahweh; marunaw dagiti turod iti sangoananna. Agginggined ti daga no agparang ni Yahweh; agtigerger ti lubong ken dagiti amin a tattao.

Nahum 1:6

No agpungtot ni Yahweh, siasino ti makalasat? Siasino ti makalisi iti gumilgil-ayab nga ungetna? Idissuorna ti umap-apuy a pungtotna, matumtumek dagiti bato iti imatangna.

Habakuk 3:10

Nakitadaka dagiti bantay ket nadayyegda; nagtinnag ti napigsa a tudo. Nagdaranudor dagiti danum iti uneg ti daga, ket dimmakkel dagiti dalluyonda.

Habakuk 3:6

Agginggined ti daga no agsardeng; agkintayeg dagiti nasion no tumalliaw. Margaay dagiti agnanayon a bantay; lumned dagiti agnanayon a turod, dagiti turod a nagnaanna idi un-unana.

Malakias 3:2

Ngem siasinonto ti makaibtur iti aldaw a yaayna? Siasinonto ti makalasat inton agparang? Mayarigto iti apuy a manggugor iti landok ken kaslanto naingel a sabon.

San Mateo 16:16

“Sika ti Cristo, ti Anak ti sibibiag a Dios,” insungbat ni Simon Pedro.

San Mateo 26:63

Ngem nagulimek ni Jesus. Kinuna manen kenkuana ti Kangatoan a Padi, “Isapatam iti nagan ti sibibiag a Dios ket ibagam kadakami no sika ti Cristo nga Anak ti Dios.”

San Juan 17:3

Ket ti biag nga agnanayon isu daytoy: ti pannakaammo dagiti tattao kenka, a sika ti kakaisuna a pudno a Dios, ken ti pannakaammoda ken ni Jesu-Cristo nga imbaonmo.

Dagiti Aramid 14:15

“Kakabsat,” impukkawda, “apay nga aramidenyo daytoy? Tattaokami laeng a kas kadakayo. Addakami ditoy a mangipakaammo iti Naimbag a Damag tapno panawanyo dagitoy a kinaubbaw ket agturongkayo iti sibibiag a Dios a namarsua iti langit, daga, taaw ken amin nga adda kadakuada.

Deuteronomio 32:4

“Ti Apo ti nabileg a mangsalaknib kadakayo, naan-anay ken nalinteg amin nga aramidna. Mapagtalkan ken napudno ti Diosyo, nalinteg ken naimbag ti aramidna.

Deuteronomio 5:26

Adda kadin nagbiag pay kalpasan a nangngegna ti sibibiag a Dios a nagsao manipud iti apuy?

1 Taga-Tesalonica 1:9

Saritaen amin dagidiay a tattao ti panangawatyo kadakami idi simmarungkarkami kadakayo, ken ti panangtallikudyo kadagiti didiosen tapno agserbikayo iti napaypayso ken sibibiag a Dios.

1 Timoteo 1:17

Iti agnanayon nga Ari a saan a matay ken saan a makita, isu a kakaisuna a Dios, maited koma ti dayaw ken dayag iti agnanayon nga awan inggana. Amen.

1 Timoteo 6:17

Bilinem dagiti babaknang ditoy lubong a dida agpaspasindayag ken dida italek ti namnamada iti kinabaknang a mapukawto met laeng. Agtalekda ketdi koma iti Dios, isu a sibubuslon a mangted iti amin a pagragsakantayo.

Hebreo 10:31

Nakabutbuteng ti matnag iti ima ti sibibiag a Dios.

Josue 3:10

Ita nga aldaw, maammoanyo nga adda kadakayo ti sibibiag a Dios ket iti idadarupyo, paksiatennanto dagiti Cananeo, Heteo, Heveo, Perezeo, Gergeseo, Amorreo ken dagiti Jebuseo.

1 Juan 5:20

Ammotayo nga immayen ti Anak ti Dios, ket inikkannatayo iti pannakaawat tapno maammoantayo daydiay a pudno. Addatayo kenkuana a pudno, wen, addatayo ken ni Jesu-Cristo nga Anakna. Isu ti pudno a Dios ken ti biag nga agnanayon.

Paltiing 20:11

Kalpasanna, nakitak ti maysa a dakkel a trono a puraw agraman ti nakatugaw. Nagpukaw ti langit ken daga iti sangoananna ket awanen pakakitaan kadakuada.

Uk-ukom 5:4

O Apo, idi pinanawam dagiti bantay ti Seir, idi rimmuarka iti sakup ti Edom, nagginggined ti daga; nagtudo wen, nagibuyat iti danum dagiti ulep ti langit.

1 Samuel 17:26

Sinaludsod ni David kadagiti soldado nga adda iti asidegna, “Ania ti gunggona ti mangpatay iti daytoy a Filisteo tapno ikkatenna daytoy a pannakaibabain ti Israel? Siasino met la aya daytoy saan a nakugit a Filisteo a mangkarit iti armada ti sibibiag a Dios?”

1 Samuel 17:36

Adun ti napatayko a leon ken oso ket kasta met ti aramidek iti daytoy saan a nakugit a Filisteo a nangkarit iti armada ti sibibiag a Dios.