Jeremias 1:9 - Ti Baro a Naimbag a Damag Biblia

⁹ Kalpasanna, sinagid ti Apo dagiti bibigko, ket kinunana kaniak, “Adtoy, ibagak kenkan ti sawem.

Ti Biblia (1973)

⁹ Idin ni Jehova inyunnatna ti imana ket sinagidna ti ngiwatco; ket ni Jehova sinaona caniac: Adtoy, incabilco dagiti sasaoc dita ngiwatmo:

Jeremias 1:9 Iomraidhean Croise

Isaias 49:2

Pinagbalinna dagiti saok a kas natadem a kampilan; babaen kadagiti imana, sinalaknibannak! Pinagbalinnak a kasla pana, natirad ken sisasagana a maibiat.

Isaias 50:4

Insuronak ni Apo Dios iti sawek tapno mapapigsak ti nabannog. Binigat a paggagarennak a dumngeg iti isurona kaniak.

Isaias 51:16

Inyukradko ti langit, ket impasdekko ti fondasion ti daga. Kunak iti Jerusalem, ‘Dakayo ti tattaok! Intedko kadakayo ti pannursurok, ket siak a mismo ti mangsalaknib kadakayo.’”

Isaias 59:21

Ket makitulagak kadakayo: Intedkon a kukuayo iti agnanayon ti pannakabalinko ken dagiti pannursurok. Manipud ita, masapul a tungpalendak ken isuroyo dagiti annakyo ken dagiti kaputotanyo nga agtungpal kaniak iti amin a tiempo.”

Jeremias 15:19

Kastoy ti insungbat ti Apo, “No agsublika kaniak, awatenka manen nga adipenko. No agsaoka iti nasayaat a saan ketdi a dagiti awan serserbina, agbalinkanto manen a profetak. Dagiti tattao ti umayto kenka, saan a sika ti mapanto kadakuada.

Jeremias 34:6

Imbagak amin dagitoy ken ni Ari Zedekias idiay Jerusalem

Jeremias 36:2

“Mangalaka iti pagsuratan ket isuratmo amin nga imbagak kenka a maibusor iti Israel, iti Juda ken kadagiti amin a nasion. Isuratmo amin nga imbagak kenka manipud idi damo a pannakisaok kenka, idi ni Josias ti ari, agingga ita.

Ezekiel 3:10

Intuloy ti Dios, “Anak ti tao, denggem a nalaing ti amin nga ibagak kenka ket tandaanam.

Daniel 10:10

Kalpasanna, adda ima a nangpatakder kaniak; agtigtigergerak pay laeng.

Daniel 10:16

Pagammoan, sinagid ti anghel dagiti bibigko. Kinunak kenkuana, “Apo, pagkapsutennak daytoy a parmata, ket diak magawidan ti pigergerko.

Numero 23:5

Kinuna ni Yahweh, “Agsublika ken ni Balak ket ibagam kenkuana ti saok.”

San Mateo 10:19

Ngem inton addakayo iti sangoanan ti ukom, diyonto pakadanagan no anianto ti sawenyo wenno kasanonto ti panangisaoyo. Maipaltiingto ti sawenyo inton dumteng dayta a tiempo.

San Marcos 7:33

Inyadayo ni Jesus ti lalaki kadagiti tattao. Idi agwaywayasdan insullatna dagiti tammudona kadagiti lapayag ti lalaki. Kalpasanna, timmupra sana sinagid ti dila ti lalaki.

San Lucas 12:12

Ta iti dayta nga oras, isuronakayto ti Espiritu Santo iti tumutop a sawenyo.”

San Lucas 21:15

Ta siakto met laeng ti mangted kadakayo kadagiti sao ken sirib a dinto masuppiat wenno masungbatan dagiti kabusoryo.

Deuteronomio 18:16

“Iti daydi nga aldaw a panaguummongyo idiay Bantay Sinai, impakpakaasiyo a diyo koma mangngegen nga agsao ti Apo ken makitayo iti apuy ta mabutengkayo amangan no mataykayo.

Deuteronomio 18:17

Kinuna ngarud kaniak ti Apo, ‘Nasayaat ti dawatda.

Deuteronomio 18:18

Mangibaonakto iti profeta a kas kenka nga agtaud kadakuada. Ibagakto kenkuana ti isaona ket ibagananto met kadagiti tattao ti amin nga ibilinko.