Jeremias 1:8 - Ti Baro a Naimbag a Damag Biblia

⁸ Dimo kabuteng ida, ta addaakto a mangsalaknib kenka! Siak, ni Yahweh, ti nagsao iti daytoy.”

Ti Biblia (1973)

⁸ Saanca nga agbuteng iti saclang dagidiay; ta addaac kenca tapno isalacanca, cuna ni Jehova.

Jeremias 1:8 Iomraidhean Croise

Exodo 3:12

“Addaakto kenka,” insungbat ti Dios, “ket daytoyto ti pagilasinan a siak ti nangibaon kenka: Inton mairuarmo dagiti tattaok iti Egipto, agdaydayawkayto kaniak ditoy a bantay.”

Isaias 43:2

No aglasatka kadagiti adalem a karayan, addaakto kenka; dinakanto parmeken dagiti pakariribukam. No magnaka iti apuy, dikanto mauram; dikanto maan-ano kadagiti nakaro a pakasuotam.

Isaias 51:12

Kuna ti Apo, “Siak ti mangpapigsa kadakayo. Apay a kabutengyo ti tao a kasla ruot a mabiit a matay?

Isaias 51:7

“Denggendak, dakay a makaammo iti nalinteg, dakay a mangipapuso iti pannursurok. Dikay agbuteng no lalaisen ken um-umsiendakayo dagiti tattao;

Jeremias 1:17

Tumuredka ket inka ibaga kadakuada ti aniaman nga ibilinko. Dimo kabuteng ida, ta no agbutengka, ad-addanto a pagbutngenka iti sangoda.

Jeremias 20:11

Ngem sika ti kaduak, O Apo, maingel ken nabilegka, ket dinto agballigi dagiti mangidadanes kaniak. Dinto agpatingga ti pannakaibabainda, agsipud ta saanda a makapagballigi. Saanto a malipatan ti pannakaibabainda.

Jeremias 30:11

Umayakto kadakayo tapno isalakankayo. Pukawekto a mamimpinsan dagiti amin a nasion a nangiwarawaraak kadakayo, ngem saankayto a dadaelen. Dusaenkayto a dusaen, ngem no dusaenkayo, dikayto unay parigaten. Siak, ni Yahweh, ti nagsao iti daytoy.”

Jeremias 39:11

Ngem binilin ni Ari Nebucadnesar ni Nebuzaradan a kapitan dagiti guardia:

Jeremias 42:11

Saankayon nga agbutbuteng iti ari ti Babilonia. Diyo kabuteng ta aywanankayo. Salaknibankayo ket isalakankayo iti pannakabalinna.

Daniel 3:17

No ti Dios a pagserserbianmi mabalinnakami nga isalakan iti gumilgil-ayab nga urno ken iti pannakabalinmo, aramidenna dayta.

Daniel 3:25

“Apay ngarud nga uppat a lallaki ti makitak a magmagna iti apuy?” sinaludsod ti ari. “Saanda a nareppet, ken saanda met a maan-ano—ket kalanglanga ti maysa nga anghel ti maikapat.”

San Mateo 10:26

“Dikay ngarud agbuteng kadagiti tattao; ta awan ti nailemmeng a dinto maiparangarang, ket awan met ti palimed a dinto mailatak.

San Mateo 28:20

ken isuroyo ida nga agtungpal kadagiti amin nga imbilinko kadakayo. Laglagipenyo nga addaakto nga agnanayon kadakayo agingga iti panungpalan ti lubong.”

Dagiti Aramid 18:10

ta addaak kenka. Awanto ti mangranggas kenka, agsipud ta adu ti taok iti daytoy a siudad.”

Dagiti Aramid 26:17

Isalakankanto kadagiti tattao ti Israel ken kadagiti Hentil a pangibaonak kenka.

Dagiti Aramid 4:13

Nasdaaw dagiti kamkameng ti Sanhedrin iti tured nga impakita da Pedro ken Juan, aglalo idi naammoanda a tattaoda laeng a gagangay ken awanan adal. Daytoy ti nakailasinanda a kadua ida idi ni Jesus.

Dagiti Aramid 4:29

Ita, Apo, denggem dagiti pammutbutengda. Tulongannakami nga adipenmo a mangipakaammo a situtured iti mensahem

Taga-Efeso 6:20

Maipuon iti daytoy nga ebanghelio, maysaak a pannakabagi ni Jesu-Cristo nupay sibabaludak. Idawdawatyo a naturedak a mangipakaammo iti daytoy, kas rebbengko nga aramiden.

Deuteronomio 31:6

Papigsaenyo ti pakinakemyo. Tumuredkayo. Dikay agbuteng kadakuada. Ti Apo a Diosyo ti kumuyog kadakayo! Dinakayto paayen wenno baybay-an.”

Deuteronomio 31:8

Ti Apo a mismo ti mangidalan ken kumuyogto kenka. Dinakanto paayen wenno baybay-an. Isut' gapuna a dika agbuteng wenno maupay.”

Josue 1:5

Josue, awanto ti makaparmek kenka iti unos ti panagbiagmo. Addaakto kenka a kas iti kaaddak idi ken ni Moises. Saankanto a panawan wenno baybay-an.

Josue 1:9

Laglagipem ti bilinko: ‘Pakirdem ti pakinakemmo. Dika agbuteng wenno maupay, ta siak, ti Apo a Diosmo, addaak latta kenka iti sadinoman a papanam.’”