Jeremias 1:16 - Ti Baro a Naimbag a Damag Biblia

¹⁶ Kastoyto ti panangdusak kadagiti nagbasol a tattao agsipud ta linaksiddak ket nagpuorda iti insenso kadagiti didiosen ken nagdaydayawda kadagiti imahen nga inaramidda.

Ti Biblia (1973)

¹⁶ Ket ibatadconto ti panangocomco cadacuada maipapan iti amin a kinadakesda agsipud ta naglicudandac, ken nagpuurda iti incienso cadagiti didios a sabali, ken nagcararagda cadagiti ar-aramid dagiti imada met laeng.

Jeremias 1:16 Iomraidhean Croise

2 Ar-ari 22:17

Gimmil-ayab ti pungtotko iti daytoy a lugar, ta linaksiddak dagiti tattao ket nagidatonda kadagiti didiosen. Pinagpungtotdak gapu iti amin nga inaramidda; pulos a dinto agbaaw ti pungtotko.

2 Cronicas 15:2

ket napan kinasarita ni Azarias ni Ari Asa. Imbagana: “Denggendak, Ari Asa, ken dakayo amin a tattao ti Juda ken Benjamin. Adda kadakayo ti Apo no la ketdi addakayo met kenkuana. No birokenyo ti Apo, ipalubosna a masarakanyo ngem no paglikudanyo, baybay-annakayo.

2 Cronicas 28:2

Tinuladna dagidi aramid dagiti ari ti Israel. Nagpasukog kadagiti imahen ni didiosen a Baal;

2 Cronicas 34:25

Linaksiddak ket nagidatagda kadagiti sakrifisio kadagiti sabali a didiosen. Daytoy ti gapuna a pinagpungtotdak kadagiti amin nga inaramidda. Rimmasuk ti pungtotko iti Jerusalem ket dinto agbaaw.

2 Cronicas 7:19

Ngem no salungasingenyo, sika ken dagiti tattaom, dagiti linteg ken bilin nga intedko kadakayo, ket agdaydayawkayo kadagiti didiosen,

Isaias 2:8

Napno ti dagada kadagiti imahen, ket agdaydayawda kadagiti banag nga inaramidda.

Isaias 37:19

Pinuoranda dagiti didiosen dagita a nasion—saanda a pudno a dios no di ket kayo ken bato laeng a ladawan nga aramid ti tao.

Isaias 44:15

Usaren ti tao ti dadduma a paset ti kayo a pagtungona. Aramidenna ti dadduma a kas imahen. Ti dadduma pasgedanna a paginudoanna ken panglutoanna iti tinapay. Ket ti dadduma aramidenna nga imahen a pagdaydayawanna a kas didiosenna.

Isaias 65:3

Dida agbain a kanayon a mamagpungtot kaniak. Agidatagda kadagiti sakrifisio nga idatdatag dagiti pagano kadagiti minuyongan a sagrado ken agpuorda iti insenso kadagiti altar dagiti pagano.

Jeremias 10:15

Awan serserbida ket rumbeng a malaisda; madadaeldanto inton ukomen ni Yahweh ida.

Jeremias 10:3

Awan serserbi ti relihion dagitoy a tattao. Mapukan ti kayo iti kabakiran sa makitikitan,

Jeremias 11:12

Agpatulongto dagiti tattao ti Juda ken Jerusalem kadagiti didiosen a nagidataganda kadagiti daton a mapuoran. Ngem awanto ti maitulong dagitoy a didiosen inton umay daytoy a didigra.

Jeremias 11:17

“Siak, ni Yahweh a Mannakabalin-amin, ti nangimula iti Israel ken Juda. Ngem ita, ikeddengko a madidigrada gapu iti dakes nga inaramidda. Pinagpungtotdak gapu kadagiti panagidatagda ken ni Baal kadagiti daton a mapuoran.”

Jeremias 15:6

Dakayo a tattao, linaksiddak, dakayo amin tinallikudandak. Ngarud, dinissoankayo agingga a narumrumekkayo gapu ta diak magawidanen ti pungtotko.

Jeremias 16:11

Ibagamto kadakuada a kastoy ti kunak, ‘Linaksiddak dagiti kapuonanyo ket nagserbi ken nagdaydayawda kadagiti sabali a dios. Saanda a tinungpal dagiti pannursurok.

Jeremias 17:13

Ni Yahweh ti namnama ti Israel; maibabainto ti amin a mangtallikud kenkuana. Agpukawdanto a kas iti nagan a naisurat iti tapok, agsipud ta binaybay-anda ni Yahweh nga ubbog ti danum a sibibiag.

Jeremias 18:15

Ngem nalipatandak dagiti tattaok; agpuorda iti insenso kadagiti didiosen. Maitublakda iti dalan a rumbeng a pagnaanda; saanda a suroten ti nagkauna a dalan. Magnada kadagiti killo a dana ket awan turongenda.

Jeremias 19:4

Aramidek ti kasta, ta tinallikudandak dagiti tattao. Tinulawanda daytoy a lugar babaen iti panagidatagda kadagiti daton kadagiti sabali a dios—dagiti dios a dida ammo wenno ammo dagidi kapuonanda wenno dagiti ari ti Juda. Pinagayusda daytoy a lugar iti dara dagiti tattao nga awan basolna.

Jeremias 2:13

Adda dua a basol dagiti tattaok: binaybay-andak nga ubbog ti danum a sibibiag, nagkalida kadagiti bubon a di mabalin a pagurnongan iti danum.

Jeremias 2:17

Israel, sika a mismo ti nangyeg iti daytoy a dusa ta binaybay-annak, ni Yahweh a Diosmo, idi kibkibinenka iti dalanmo.

Jeremias 2:19

Ti mismo a kinadakesmo ti pakadusdusaam; maukomkanto gapu iti panangtallikudmo kaniak. Maammoamto ti kinapait ken kinadakes iti panangbaybay-am ken ni Yahweh a Diosmo, ken saanmon a panagbuteng kaniak. Daytoy ti saok nga Apo a Dios a Mannakabalin-amin.”

Jeremias 2:28

“Ngem sadino ti ayan dagiti didiosen nga inaramidyo a pagdaydayawanyo? No adda rigatyo, bay-anyo nga isuda ti mangisalakan kadakayo—no kabaelanda! Juda, adu ti didiosem a kas iti kaadu dagiti ilim.

Jeremias 4:12

napigpigsanto nga angin ti yeg ti Apo. Ti Apo a mismo ti mangibaga iti panangukomna kadagiti tattaona.

Jeremias 4:28

Agladingitto ti daga, ket agsipngetto ti langit. Nagsao ti Apo; impakaammonan ti pangngeddengna, ket dinanto baliwan ti panunotna.

Jeremias 44:17

Aramidenmi latta amin nga inkarimi nga aramiden. Agidatagkami iti daton a mapuoran ken daton a mainum iti didiosen a managan Reyna ti Langit ken kas iti inaramidmin ken inaramid dagidi kapuonanmi, dagiti ari ken papangulomi kadagiti il-ili iti Juda ken kadagiti lanlansangan ti Jerusalem. Adu idi ti taraonmi. Narang-ay ti biagmi ket awan pakaringgoranmi.

Jeremias 5:29

“Ngem siak, ni Yahweh, dusaekto ida gapu kadagiti dakes nga aramidda. Balsekto daytoy a nasion!

Jeremias 5:9

Apay ketdin a diak dusaen ida gapu iti aramidda? Apay ketdin a diak balsen ti kastoy a nasion?

Jeremias 51:17

Maag ken nengneng dagiti amin a tattao; maibabain dagiti agar-aramid iti imahen gapu ta dagiti didiosen nga inaramidda, saanda a pudno a dios ken awan biagda.

Jeremias 7:17

Dimo aya makita dagiti ar-aramidenda kadagiti siudad ti Juda ken kadagiti kalkalsada ti Jerusalem?

Jeremias 7:18

Agurnong dagiti ubbing kadagiti pagsungrod. Mangaron dagiti lallaki ken aggamay met dagiti babbai iti masa nga aramidenda a tinapay nga idatagda iti diosa nga awaganda iti Reyna ti Langit. Agidatagda iti daton nga inumen kadagiti dadduma a didiosen tapno pagpungtotendak.

Jeremias 7:9

Agtakawkayo, pumataykayo, makikamalalakayo, sapataanyo ti ulbod, agidatagkay iti daton ken ni didiosen a Baal ken agdaydayawkayo kadagiti didiosen a diyo am-ammo.

Ezekiel 16:18

Inkawesmo kadagitoy nga imahen dagiti nabordaan a bado nga intedko kenka. Indatagmo kadakuada ti lana ti olibo ken ti insenso nga intedko kenka.

Ezekiel 24:14

Siak nga Apo ti nagsao. Dimtengen ti tiempo ti panagtignayko. Diak palubosan ti dakes; diak mangngaasi. Madusakan gapu iti inaramidmo.” Daytoy ti kuna ti Apo a Dios.

Oseas 11:2

No tunggal ayabak ida, umadayoda kaniak. Nagidatagda kadagiti daton. Datonda kadagiti didiosen a Baal. Nagpupuorda iti insenso para kadagiti imahen.

Joel 2:11

Bilinen ti Apo ti armadana; kasla gurruod ti timekna. Adu ken nabileg dagiti soldado nga agtulnog kenkuana. Nakabutbuteng ti aldaw ti Apo! Siasinonto ti makalasat iti dayta nga aldaw?

Dagiti Aramid 7:41

“Nangaramidda ngarud iti didiosen a sinan-urbon a baka. Nagidatonanda iti sakrifisio ken infiestaanda ti aramid ti bukodda nga ima.

Deuteronomio 28:20

“No agaramidkayo iti dakes ket tallikudanyo ti Apo a Diosyo, yegnanto kadakayo ti didigra, riribuk ken parikut iti amin nga aramidyo agingga a mapukawkayo a mamimpinsan.

Deuteronomio 31:16

Kinuna ni Yahweh ken ni Moises, “Asidegen ti ipapataymo ket kalpasan ti ipapataymo, tallikudandakto dagiti tattao ket salungasingenda ti katulaganmi. Baybay-andakto ket agdaydayawdanto kadagiti didiosen dagiti pagano iti daga a dandanidan sakupen.

Josue 24:20

No suminakayo kenkuana ket agserbikayo kadagiti ganggannaet a didiosen, busoren ken dusaennakayto. Pukawennakayto uray no naimbag idi kadakayo.”

Paltiing 9:20

Saan a nagbabawi dagiti tattao a nakalasat kadagitoy a didigra. Dida insardeng ti panagdaydayawda kadagiti demonio ken kadagiti didiosen nga inaramidda—dagiti ladawan a balitok, pirak, bronse, bato ken kayo a di makakita, makangngeg wenno makapagna.