Jeremias 1:10 - Ti Baro a Naimbag a Damag Biblia

¹⁰ Ita nga aldaw, ikkanka iti pannakabalin a mangituray kadagiti pagilian ken pagarian, nga agparut ken agrakrak, agdadael ken agparmek, agbangon ken agmula.”

Ti Biblia (1973)

¹⁰ Kitaem, ta insaadca iti daytoy nga aldaw cadagiti nasnacion ken cadagiti pagpagarian, a mangparut ken mangrebba a mangdadael ken mangparmec, a mangbangon ken mangimula.

Jeremias 1:10 Iomraidhean Croise

1 Ar-ari 17:1

Adda profeta nga agnagan iti Elias a taga-Tisbe idiay Galaad. Kinunana ken ni Ari Ahab, “Iti nagan ti Apo a sibibiag a Dios ti Israel, isu a pagserserbiak, isapatak nga awanto ti linnaaw wenno tudo kadagitoy umay a tawen agingga nga ibagak nga adda agtinnag.”

1 Ar-ari 19:17

No adda makalisi iti kampilan ni Hazael, patayento ni Jehu. Ket no adda met makalisi ken ni Jehu, patayento ni Eliseo.

Eclesiastes 3:3

tiempo ti panagpapatay ken tiempo ti panagagas; tiempo ti panagrebba ken tiempo ti panagbangon.

Jeremias 1:5

“Pinilika sakbay nga inikkanka iti biag, ken sakbay a nayanakka, tinudinganka a profeta kadagiti pagilian.”

Jeremias 24:6

Aywanan ken isublikto ida iti daytoy a daga. Saankonton a dadaelen ida ket padakkelekto ida. Imulakto ida ket saankonton ida a paruten.

Jeremias 25:13

Dusaekto dayta a nasion. Idissuorkonto dagiti amin nga imbagak a maibusor kenkuana. Ipataykonto dagiti amin a naisurat iti daytoy a libro ken kadagiti amin nga insao ni Jeremias a maibusor kadakuada.

Jeremias 31:28

No kasano ti annadko idi a nangparut, nangrebba, nangparmek, nangdadael ken nangrakrak kadakuada, kastanto met ti annadko a mangimula ken mangpadakkel kadakuada.

Jeremias 31:40

Nasantoanto kaniak ti entero a tanap a pakaitaneman dagiti natay ken pagibellengan iti basura. Nasantoanto met ti amin a talon iti surongen ti waig a Kidron agingga iti lugar a managan iti Ruangan ti Kabalio iti daya. Saanton a marakrak wenno madadael daytoy a siudad.”

Jeremias 36:2

“Mangalaka iti pagsuratan ket isuratmo amin nga imbagak kenka a maibusor iti Israel, iti Juda ken kadagiti amin a nasion. Isuratmo amin nga imbagak kenka manipud idi damo a pannakisaok kenka, idi ni Josias ti ari, agingga ita.

Jeremias 44:27

Saankayto a parang-ayen. Dadaelenkayto ketdi. Matayto iti gubat ken bisin ti amin a taga-Juda nga agnaed ditoy Egipto. Awanto a pulos ti mabati.

Jeremias 45:4

“Ngem siak, ni Yahweh, rebbaek ti binangonko ken parutek ti immulak. Aramidekto daytoy iti entero a daga.

Ezekiel 21:19

Kinunana, “Anak ti tao, mangikabilka iti pagilasinan iti dua a dalan a pagnaan ti ari ti Babilonia a sikakampilan. Mangrugi dagitoy dua a dalan iti maysa a pagilian. Mangikabilka iti pagilasinan iti pagsangaan ti dalan.

Ezekiel 23:36

Kinuna ti Apo kaniak, “Anak ti tao, sisasaganaka kadi a mangukom kada Ohola ken Oholiba? Idarummo ida gapu kadagiti nakaal-alas nga inar-aramidda.

Ezekiel 32:18

Kinunana, “Anak ti tao, dung-awam dagiti adu a tattao ti Egipto. Ibaonmo ida iti lubong dagiti natay agraman dagiti dadduma a nabileg a nasion.

Ezekiel 36:36

Maammoanto dagiti nakalasat a nasion iti likmutyo a siak, ni Yahweh ti mangtarimaan kadagiti narnarba a siudad ken mangmula manen kadagiti nabaybay-an a talon. Siak, ni Yahweh, ti nangikari iti daytoy ket tungpalek a tungpalen.”

Ezekiel 43:3

Umasping daytoy a parmata iti nakitak idi narebbek ti Jerusalem ken iti nakitak idi idiay igid ti Karayan Kebar. Nagpaklebak.

Oseas 6:5

Daytoy ti gapuna nga imbaonko dagiti profetak a mangipakaammo iti pangngeddengko a mangyeg iti panagdadael. Nalawag ti kayatko nga aramiden kadakayo a tattaok.

Amos 3:7

Saan nga aramiden ni Apo Dios ti panggepna no dina ipakaammo nga umuna kadagiti babaonenna a profeta.

Amos 9:11

Kuna ti Apo, “Umayen ti aldaw a bangonek manen ti pagarian ni David a mayarig iti narba a balay. Tarimaanekto dagiti bakudna, ket patakderekto manen. Bangonekto a kas met la iti kasasaadna idi.

Zacarias 1:6

Babaen kadagiti adipenko a profeta, nangtedak kadagiti kapuonanyo kadagiti ballaag ken bilin. Saanda a nangikaskaso ket sinagabada ti dusa ti kinasukirda. Nagbabawida met laeng ket binigbigda a dinusak ida kas maikari kadakuada ken kas inkeddengko nga aramiden.’”