Genesis 9:4 - Ti Baro a Naimbag a Damag Biblia

⁴ Adda laeng banag a saanyo a kanen—ti karne nga adda pay laeng darana; ngamin, ti biag adda iti dara.

Ti Biblia (1973)

⁴ Ngem ti lasag agraman ti biagna, nga isu ti darana, saanyonto a canen.

Genesis 9:4 Iomraidhean Croise

Ezekiel 33:25

“Ibagam kadakuada a siak nga Apo a Dios, kastoy ti kunak: Agsidsidakayo iti karne nga adda darana. Agdaydayawkayo kadagiti didiosen. Agpapataykayo. Ania ti panggapuanyo nga agkuna a kukuayo ti daga?

Levitico 19:26

“Dikay agsida iti karne nga adda pay laeng darana. Diyo aramiden ti uray ania a kita ti panaganito.

Levitico 3:17

Awan ti Israelita a mapalubosan nga agsida iti taba wenno dara. Agnanayon daytoy nga alagaden a masapul a tungpalenda iti sadinoman a pagnaedanda.

Levitico 7:26

Iti sadinoman a pagnaedan dagiti Israelita, maiparit a kanenda ti dara ti tumatayab wenno animal.

Dagiti Aramid 15:20

Suratantayo ketdi ida ket ibagatayo dagitoy: ‘Dikay mangan kadagiti taraon a naidaton kadagiti didiosen. Lisianyo ti immoralidad. Dikay agsida iti saan a napadara nga animal ken iti dara.’

Dagiti Aramid 15:25

Isut' gapuna a nagtataripnongkami ket sangsangkamaysakami a nangpili kadagiti ibaonmi nga umay kadakayo. Kumuyogda kada patpatgenmi a Bernabe ken Pablo

Dagiti Aramid 15:29

Dikayo mangan iti kanen a naidaton kadagiti didiosen. Dikay agsida iti dara. Dikay agsida iti saan a napadara nga animal. Adaywanyo met ti immoralidad. Naimbag ti pagbanaganyo no diyo aramiden dagitoy. Dios ti mangsalluad kadakayo. Dagitoy kakabsatyo, Apostoles ken Panglakayen.”

Deuteronomio 12:16

Ngem diyo sidaen ti darada; ibellengyo iti daga a kas iti panangibellengyo iti danum.

Deuteronomio 12:23

Ngem liklikanyo ti agsida iti dara, gapu ta ti biag adda iti dara ket masapul a diyo sidaen ti biag agraman ti lasag.

Deuteronomio 14:21

“Dikay agsida iti animal a natay; ngem mabalin a sidaen dagiti ganggannaet nga agnaed iti iliyo wenno ilako kadakuada. Ta nasagradoankayo a tattao; kukuanakayo ti Apo a Diosyo. “Diyo angren ti urbon a karnero wenno urbon a kalding iti gatas ti inana.”

Deuteronomio 15:23

Ngem diyo sidaen ti darada; ibellengyo iti daga a kas iti panangibellengyo iti danum.”

1 Timoteo 4:4

Nasayaat amin a pinarsua ti Dios. Awan ti dakes no la ket no maawat a buyogan ti panagyaman,

1 Samuel 14:32

isut' gapuna a dinagdagusda ti nagtiliw kadagiti animal dagiti kabusor. Nagpartida kadagiti karnero, baka, urbon ti baka, ket gapu iti bisinda, saandan nga inikkat ti darada sakbay a kinnanda.