Genesis 8:4 - Ti Baro a Naimbag a Damag Biblia

⁴ Iti maika-17 nga aldaw iti maikapito a bulan, naisadsad ti daong iti kabambantayan ti Ararat.

Ti Biblia (1973)

⁴ Ket di daong naisadsad idi maicapito a bulan, idi maicasangapulo ket pito nga aldaw ti bulan iti rabaw dagiti bantay ti Ararat.

Genesis 8:4 Iomraidhean Croise

Genesis 7:20

Immadalem nga immadalem ket ngimmato ti danum iti pito a metro iti labes ti tuktok dagiti bantay.

Genesis 8:5

Nagtuloy a bimmaba ti danum ket iti umuna nga aldaw ti maika-10 a bulan, nagparang ti tuktok dagiti bantay.

2 Ar-ari 19:37

Iti maysa nga aldaw, idi madama nga agdaydayaw iti templo ni Nisroc a diosna, dua kadagiti annakna—da Adramelek ken Sarezer—ti nangtagtagbat kenkuana agingga a natay. Kalpasanna, napan nagkamang dagiti agkabsat iti daga ti Ararat. Ni Esarhadon a maysa kadagiti annak ni Senakerib ti simmukat kenkuana nga emperador.

Isaias 37:38

Iti maysa nga aldaw, idi agdaydayaw ni Senakerib iti templo ni Nisroc a didiosenna, pinatay ti dua kadagiti annakna, da Adramelec ken Sarezer, sada naglibas a napan iti daga ti Ararat. Ni Esarhadon a maysa kadagiti annakna ti simmukat kenkuana nga emperador.

Jeremias 51:27

“Ikabilyo ti pagilasinan ti idadarup! Pagunienyo ti trumpeta tapno mangngeg dagiti nasion! Pagsaganaenyo dagiti nasion a manggubat iti Babilonia! Ibagayo a dumarup dagiti pagarian ti Ararat, Minni ken Askenaz. Mangtudingkayo iti mangidaulo iti panangraut. Iruaryo dagiti kabalio a kas iti pangen ti dudon ti kaaduda.