Genesis 8:21 - Ti Baro a Naimbag a Damag Biblia

²¹ Nalang-ab ni Yahweh ti nabanglo nga ayamuom ti sakrifisio ket kinunana iti nakemna, “Pulos a diakton ilunod ti daga gapu iti aramid ti tao. Ammok a dakes ti panunotna manipud kinaubingna. Diakton dadaelen ti aniaman nga adda biagna a kas iti inaramidko.

Ti Biblia (1973)

²¹ Ket nasay-up ni Jehova ti nabanglo a sayamusom; ket kinuna ni Jehova iti pusona, Diacto sublienen nga ilunod ti daga a maipuon iti tao, ta ti darepdep ti puso ti tao dakes manipud iti kinaubingna; diacto met sublienen a cabilen amin a nabiag, cas inaramidco.

Genesis 8:21 Iomraidhean Croise

Genesis 3:17

Kinunana iti lalaki, “Impangagmo ti asawam ket kinnanmo ti bunga nga imbagak a dimo kanen. Gapu iti daytoy nga inaramidmo, mailunodto ti daga. Masapul nga igaedmo ti agtrabaho iti unos ti panagbiagmo tapno adda apitem ket umanay ti taraonmo.

Genesis 4:12

No mulaam ti daga, awanto ti maapitmo. Awanto ti masnop a pagtaengam ket agalla-allakanto iti daga.”

Genesis 5:29

Kinuna ni Lamec, “Manipud iti daga nga inlunod ti Apo, mangyeg daytoy nga ubing iti gin-awa kadagiti amin a nadagsen a trabahotayo.” Isu a pinanagananna iti Noe.

Genesis 6:13

Kinuna ti Dios ken ni Noe, “Inkeddengko a pukawen ti amin a tattao. Aglablabesen ti kinaranggas iti lubong gapu iti dakes nga aramidda. Dadaelek ida a mamimpinsan ken ti lubong.

Genesis 6:17

Layusek ti daga tapno mapukaw amin a parsua. Matayto amin nga adda biagna iti rabaw ti daga.

Genesis 6:5

Nakita ni Yahweh a nalabesen ti kinadakes dagiti tattao iti daga ket bin-ig a kinadakes ti pampanunotenda.

Genesis 6:7

Kinuna ni Yahweh, “Pukawek dagitoy a tattao a pinarsuak, dagiti animal ken dagiti tumatayab. Agbabawiak a nangaramid kadakuada.”

Ti Libro ni Job 14:4

Adda kadi nadalus nga agtaud iti narugit a tao?

Dagiti Salmo 51:5

Adtoy a naipasngayak iti kinadakes, ket iti basol nainawak.

Dagiti Salmo 58:3

Manipud pay pannakaipasngayda, dagiti managdakdakes nayaw-awandan; manipud pay pannakayanakda, ulboddan.

Dagiti Salmo 58:4

Kasda la uleg a napno iti gita; apputenda ti lapayagda, kasla tuleng a kobra

Exodo 29:18

Puoram ti sibubukel a karnero iti rabaw ti altar a kas daton a makan. Maragsakanak iti nabanglo nga ayamuom daytoy a daton.

Exodo 29:25

Kalpasanna, alaem dagitoy kadakuada samo puoran iti altar, iti rabaw ti daton a mapuoran a kas daton a makan a maidatag kaniak. Maragsakanak iti ayamuom daytoy a daton.

Dagiti Proverbio 20:9

Adda ngata tao a makaibaga a nadalus ti konsensiana, a tinallikudannan dagiti basolna?

Eclesiastes 7:20

Awan nalinteg a tao ditoy daga a di agbiddut ken kanayon a naimbag ti aramidna.

Isaias 47:12

“Itultuloymo latta ti panagsalamangka ken panaganitom; inaramatmo dagitoy manipud kinaubingmo. Nalabit a matulongandakanto, nalabit a makigtotmo dagiti kabusormo.

Isaias 47:15

Daytoy ti pangiturongan kenka ti pammagbaga dagitoy nga astrologo a nakium-umanam bayat ti panagbiagmo. Panawandakanto ket mapandanto iti kaykayatda; awanto ti mabati a mangisalakan kenka.”

Isaias 48:8

Ammok a dikay mapagtalkan, ket manipud pannakayanakyo agdindinamagen ti kinasukiryo. Saanyo pay a nangngegan wenno naammoan daytoy ta dagiti lapayagyo nasullatanda manipud un-unana.

Isaias 53:6

Mayarigtay amin iti karnero a napukaw, nagturong ti tunggal maysa iti kinaykayatna. Ngem impabaklay ti Apo kenkuana ti dusa a maipatay koma kadatayo.

Isaias 65:6

“Inkeddengkon ti dusa nga ipatayko kadakuada ket naisuraten ti sentensia. Diak pakawanen ti inaramidda ket dusaek ida

Jeremias 17:9

“Siasino ti makaawat iti puso ti tao? Manangallilaw nga awan kaaspingna; nadagsen ti sakitna ket saan a maagasan.

Jeremias 18:12

‘Saan,’ isungbatdanto. ‘Apay nga isardengmi? Agsukirkami latta ken agaramidkami iti dakes a kas iti kaykayatmi.’”

Jeremias 8:6

Nupay sipapasnekak a dimngeg kadakayo, saankayo a nagsao iti pudno. Awan ti uray maysa kadakayo a nagladingit gapu iti kinadakesna. Awan ti nagsaludsod no ania ti dakes nga inaramidna. Aramiden ti tunggal maysa ti kaykayatna, kas iti kabalio a sipapardas nga agturong iti paggugubatan.

Ezekiel 20:41

Awatek sadiay dagiti datonyo kalpasan a nairuarkayo manipud kadagiti pagilian a nakaiwarawaraanyo ket makitanto dagiti nasion a nasantoanak.

Levitico 1:13

Mabuggoan nga umuna dagiti lalaem ken dagiti kammaudi a saka ti animal ket mapuoranda iti altar. Makaay-ayo ken nabanglo daytoy a daton ken ni Yahweh.

Levitico 1:17

Pisangenna ti bagi ti tumatayab, ngem dina isinsina dagiti payakna sananto puoran ti sibubukel a tumatayab iti rabaw ti altar. Makaay-ayo ken nabanglo daytoy a daton iti Apo.

Levitico 1:9

Buggoan ti mangidaton dagiti lalaem ken dagiti kammaudi a saka ti animal. Paggigiddanento ti padi a puoran dagiti daton iti rabaw ti altar, kas nabanglo a daton iti Apo.

Levitico 26:31

rebbaekto dagiti siudadyo, dadaelekto dagiti lugar a pagrukrukbabanyo ket diakto awaten dagiti idatonyo.

Levitico 4:31

Kalpasanna, ikkatenna ti amin a taba ti animal kas iti inaramidna iti taba dagiti animal a naidaton a pakikappia. Puoranna dagitoy iti altar kas nabanglo a daton iti Apo. Kastoy ti pannakaidatag iti daton gapu iti basol tapno mapakawan dayta a tao.

Levitico 8:28

Innalana met laeng dagitoy a makan kadakuada ket pinuoranna iti altar, iti rabaw ti daton a mapuoran, kas daton ti pannakaorden. Nabanglo daytoy nga ayamuom ken ni Yahweh.

Numero 15:3

Mabalin a maidatag iti Apo ti toro a baka, kalakian a karnero, maysa nga urbon ti karnero wenno kalding, a kas daton a mapuoran wenno daton a pagtungpal iti kari wenno daton nga agtaud iti bukod a nakem wenno kas daton kadagiti naituding a nasantoan a fiestayo. Nabanglo dagitoy a daton iti Apo.

San Mateo 15:19

Ta ti puso ti pagtaudan dagiti dakes a pampanunot a mangiturong kenkuana a pumatay, makikamalala, agderrep, agtakaw, agulbod ken mamadpadakes.

San Juan 3:6

Ti tao, ipasngayna ti tao; ket ti Espiritu, ipasngayna ti espiritu.

Taga-Roma 1:21

Ammoda ti Dios, ngem dida agdayaw wenno agyaman kenkuana kas maiparbeng. Nagbalin ketdi nga ubbaw ti panagpampanunotda ket sipnget ti linaon dagiti isipda.

Taga-Roma 3:23

Nagbasol amin a tattao ket agkurangda iti kinadayag ti Dios.

2 Taga-Corinto 2:15

Mayarigkami iti nabanglo nga insenso a puoran ni Cristo a maidaton iti Dios ket agwaras kadagiti maisalakan ken kadagiti mapukaw.

Taga-Efeso 5:2

Ti koma ayat ti mangiturong iti panagbiagyo, kas iti ayat nga impaay ni Cristo kadatayo babaen iti pannangtedna iti biagna gapu kadatayo, kas nabanglo a sagut ken daton a makaparagsak iti Dios.

Taga-Filipos 4:18

Adtoy ngarud nga awatek dagiti amin nga intedyo kaniak, ket agyamanak unay. Nagsursurok pay ti intedyo. Adda aminen a masapulko, ita ta inyeg ni Epafrodito dagiti amin a sagutyo. Arigda ti daton a nabanglo ti ayamuomna iti Dios, maysa a sakrifisio a maikari ken makaparagsak kenkuana.

1 Juan 5:19

Ammotayo a kukuanatayo ti Dios, nupay iturturayan ti Managdakdakes ti entero a lubong.

1 Samuel 26:19

Natan-ok nga Ari, denggem koma ti ibagak. No ti Apo koma ti akin-aramid iti ibubusormo kaniak, awatenna ti maysa a daton tapno baliwanna ti panunotna. Ngem no tao ti akin-aramid, agdissuor koma kadakuada ti lunod ti Apo. Imbagada kaniak nga innak agdaydayaw kadagiti didiosen, ket agpeggad ti kalintegak a makipagtawid iti daga nga inted ti Apo kadagiti tattaona.