Genesis 7:11 - Ti Baro a Naimbag a Damag Biblia

¹¹ Agtawenen ni Noe iti 600. Iti maika-17 nga aldaw ti maikadua a bulan, pimsuak ti amin nga ubbog ti dakkel a taaw iti uneg ti daga, naluktan dagiti amin a pagruaran ti danum ti tangatang

Ti Biblia (1973)

¹¹ Iti maicanem a gasut a tawen ti panagbiag ni Noe, iti maicadua a bulan, iti maicasangapulo ket pito nga aldaw ti bulan, idi met laeng nga aldaw, naglucat dagiti amin nga ubbog iti dackel a yuyeng, ket dagiti langit naluctanda.

Genesis 7:11 Iomraidhean Croise

Genesis 6:17

Layusek ti daga tapno mapukaw amin a parsua. Matayto amin nga adda biagna iti rabaw ti daga.

Genesis 7:6

Agtawen ni Noe iti 600 idi malayus ti daga.

Genesis 8:14

Iti maika-27 nga aldaw ti maikadua a bulan, namagaanen a namimpinsan ti daga.

Genesis 8:2

Narikpan dagiti ubbog iti uneg ti daga ken dagiti ruangan ti danum iti tangatang. Nagsardeng ti tudo,

2 Ar-ari 7:19

Kastoy idi ti insungbat ti ofisial: “Saan a mapasamak uray no mangyeg a dagus ti Apo iti tudo!” Kastoy met ti sungbat ni Eliseo: “Makitamto a mapasamak daytoy ngem dimonto maramanan ti uray ania kadagiti makan.”

2 Ar-ari 7:2

Nagsao ti ofisial a mangkuykuyog iti ari. Kinunana ken ni Eliseo, “Saan a mapasamak dayta uray no mangyeg a dagus ti Apo iti tudo!” “Makitamto a mapasamak daytoy ngem dimonto maramanan ti uray ania kadagiti makan,” insungbat ni Eliseo.

Ti Libro ni Job 12:15

No saanna a pagtudoen, agmaga ti daga. No ibuyatna ti tudo, dumteng ti layus.

Ti Libro ni Job 28:4

Agkalida iti usok ti pagminasan, iti lugar nga awan matagtagitao wenno di pay nadanon ti tao. Agtrabahoda sadiay a malmaldaang, kumkumpet kadagiti tali iti uneg ti daga.

Ti Libro ni Job 38:16

Nakapanka kadin kadagiti ubbog iti uneg ti baybay? Nagnaka kadin iti lansad ti taaw?

Ti Libro ni Job 38:37

Siasino ti masirib a makabilang kadagiti ulep ken bangkingenda tapno agbayakabak?

Dagiti Salmo 33:7

Pinagtitiponna amin a danum ti baybay iti maymaysa a lugar; insaadna dagiti mangliwengliweng a taaw kadagiti pagidulinan.

Dagiti Salmo 74:15

Pinagpussuakmo dagiti ubbog ken waig; pinagmagam dagiti dadakkel a karayan.

Dagiti Proverbio 3:20

Babaen iti siribna, nagayus dagiti karayan, ket nagtudo iti daga.

Isaias 24:18

Ti agpanggep a mangliklik iti pagbutngan, matnagto iti abut. Ti makalisi iti abut, matiliwto iti palab-og. Maibuyatto manipud langit ti bumayakabak a tudo ket madayyegto dagiti fondasion ti daga.

Isaias 24:19

Agrenggat ken agungapto ti daga, ket agpisi.

Jeremias 5:22

Siak ni Yahweh. Awan kadi ti panagbutengyo kaniak? Apay a dikay agkintayeg iti sangoanak? Inkabilko ti darat a beddeng ti baybay, maysa a permanente a bangen a dina maballasiw. Mabalin nga agdawel ti baybay ngem dina malabsan; mabalin nga agdaranudor dagiti dalluyon ngem dida malasat.

Jeremias 51:16

No agbilin ni Yahweh, agdaranudor dagiti dandanum iti tangatang; pagulepenna manipud iti pungto ti daga. Paggilapenna ti kimat iti tudo, ket ibulosna ti angin iti pagiduldulinanna.

Ezekiel 26:19

Kuna ti Apo a Dios, “Pagbalinenka a langalang, kas kadagiti narpuog a siudad nga awan nagyanna. Layusenkanto iti danum nga aggapu iti adalem a taaw.

Malakias 3:10

Yegyo ti amin nga apagkapullo iti Templo tapno adu ti taraon sadiay. Padasendak ket ilukatkonto dagiti pagidulinan ti gameng sadi langit ket ibuyatkonto kadakayo ti nawadwad a bendision.

San Mateo 24:38

Kas kadagidi aldaw sakbay ti Layus, nangnangan, nagiinum ken nagaassawa dagiti tattao, agingga iti iseserrek ni Noe iti daong.

1 Taga-Tesalonica 5:3

Inton kuna dagiti tattao, “Nagtalna ken nagtalged ketdin,” isunto metten a kellaat nga agdissuor kadakuada ti pannakadadael. Kellaatto nga umay a kas iti rigat ti maysa a babai nga agpaspasikal. Ket awanto ti makalisi.

2 Pedro 3:6

Ket ti danum met laeng, wen, daydi Layus, ti nangdadael iti daan a lubong.