Genesis 6:6 - Ti Baro a Naimbag a Damag Biblia

⁶ Nagbabawi iti panangaramidna kadakuada ken ti panangisaadna kadakuada iti daga.

Ti Biblia (1973)

⁶ Ket napaladingit ni Jehova iti pinangaramidna iti tao iti daga, ket napasennaay ti pusona.

Genesis 6:6 Iomraidhean Croise

Genesis 6:7

Kinuna ni Yahweh, “Pukawek dagitoy a tattao a pinarsuak, dagiti animal ken dagiti tumatayab. Agbabawiak a nangaramid kadakuada.”

2 Samuel 24:16

Idi dandani dadaelen ti anghel ni Yahweh ti Jerusalem, imbabawi ni Yahweh ti panangdusana kadagiti tattao ket kinunana iti anghel nga agpappapatay kadakuada, “Huston! Isardengmon!” Adda idi ti anghel ti abay ti pagirikan ni Arauna a Jebuseo.

1 Cronicas 21:15

Nangibaon ti Dios iti anghel a mangdadael iti Jerusalem, ngem nagbaliw ti panunotna idi ipatungpalna ti bilin ket kinunana, “Isardengmon! Isunan!” Nakatakder idi ti anghel iti asideg ti pagirikan ni Arauna a Jebuseo.

Dagiti Salmo 106:45

Gapu kadakuada, linagipna ti katulaganna, ket nagbabawi gapu iti naindaklan nga ayatna.

Dagiti Salmo 110:4

Insapata ti Apo ket dinanto ibabawi: “Padikanto nga agnanayon, a kas iti kinapadi ni Melkisedec.”

Dagiti Salmo 119:158

Marurodak a makakita kadagiti mangliliput, agsipud ta dida tungpalen dagiti bilinmo.

Dagiti Salmo 78:40

Namin-adu a nagsukirda iti Dios idiay let-ang! Masansan met a pagladingitenda.

Dagiti Salmo 81:13

No dumngeg la koma kaniak ti ilik, no agtulnog ti Israel kaniak,

Dagiti Salmo 95:10

Uppat a pulo a tawen a naupayak kadagita a tattao. Isut' gapuna a kinunak, ‘Saan a napudno dagitoy a tattao dida tungpalen dagiti bilinko.’

Exodo 32:14

Nagbabawi ni Yahweh ket dina indissuor ti didigra nga impangtana nga ipalak-am kadagiti tattaona.

Isaias 48:18

“No impangagyo dagiti bilinko, nagayus koma ti bendision nga agpaay kadakayo, kas iti waig a di maibus ti danumna. Nagtulid koma nga immay kadakayo ti balligi kas iti panagtulid dagiti dalluyon nga agpaigid.

Isaias 63:10

Ngem nagsukirda kenkuana ket pinagladingitda. Ngarud, nagbalin ti Apo a kabusorda ket isu a mismo ti nakiranget kadakuada.

Jeremias 18:7

No iti uray ania a tiempo, kunak a parutek, rumekek wenno dadaelek ti nasion wenno pagarian,

Jeremias 26:19

Saan a pinatay ni Ari Hezekias ken dagiti tattaona ni Mica. Nagbuteng ni Hezekias iti Apo ket nagdawat iti paraburna. Imbabawi ngarud ti Apo ti panggepna a mangdidigra kadakuada. Ita, kayatyo kadi a yegtayo ti didigra kadagiti bagbagitayo?” (

Ezekiel 33:11

Ibagam kadakuada nga isapatak iti naganko nga Apo a sibibiag a Dios, diak agragsak a makakita iti ipapatay ti managbasol. Kaykayatko a makita nga isardengna ti agbasol tapno agbiag. Dakayo nga Israelita, isardengyo ti dakes nga aramidyo. Apay aya a kayatyo ti matay?

Oseas 11:8

“Israel, kasano nga isinaka? Kasano a baybay-anka? Kasano a dadaelenka a kas iti Adma? Kasano a pagbalinenka a kas iti Zeboim? Diak maaramid daytoy, ta timmaud ti panangngaasik.

Joel 2:13

Ipakitayo ti agsensennaay a pusoyo iti ladingit; saan nga umdas ti panangray-abyo iti pagan-anayyo.” Agsublikay iti Apo a Diosyo. Naasi ken managparabur, naanus ken tungpalenna ti karina; sidadaan a mamakawan, saan a mangdusa.

Jonas 3:10

Nakita ti Dios ti inaramidda. Nakitana ti panangtallikudda kadagiti dakes nga ugalida. Isut' gapuna a nagbaliw ti panunotna ket dina dinusa ida a kas iti imbagana.

Malakias 3:6

“Siak, ni Yahweh, ket saanak nga agbalbaliw. Ngarud, dakayo a kaputotan ni Jacob, saankayo pay a napukaw a namimpinsan.

Numero 23:19

Saan a tao ti Dios tapno agulbod; saan nga agbalbaliw ti panunotna. Aramidenna ti aniaman nga ikarina.

Taga-Roma 11:29

Ta saan a baliwan ti Dios ti panunotna maipapan iti pilien ken bendisionanna.

Taga-Efeso 4:30

Ket diyo pagleddaangen ti Espiritu Santo ti Dios, ta isu ti marka ti Dios iti panangtagikuana kadatayo, maysa a pammatalged a dumtengto ti Aldaw a panangwayawaya ti Dios kadatayo.

Deuteronomio 32:29

Dida ammo no apay a naparmekda, dida maawatan ti napasamak kadakuada.

Deuteronomio 32:36

Isalakanto ti Apo dagiti tattaona, inton makitana nga awanen ti pigsada. Kaasiannanto dagiti agserserbi kenkuana, inton makitana nga awanen ti matda.

Deuteronomio 5:29

No kasta la koma a kanayon ti panagpampanunotda! Kanayon la koma nga agbutengda kaniak ken agtulnogda kadagiti amin a bilinko tapno nasayaatto latta ti kasasaadda ken dagiti kaputotanda.

Hebreo 3:10

Isut' gapuna a nagpungtotak kadagidiay a tattao, Ket kinunak, ‘Naglikudandak, ket dida tinungpal dagiti bilinko.’

Hebreo 3:17

Siasino dagiti nagpungtotan ti Dios iti uneg ti 40 a tawen? Dagiti tattao a nagbasol, isuda a napasag idiay let-ang.

Santiago 1:17

Aggapu sadi langit ti amin a nasayaat ken naan-anay a sagut. Wen, aggapu iti Dios a namarsua kadagiti nailangitan a silaw. Awan kenkuana ti panagbalbaliw a mamataud iti kinasipnget.

1 Samuel 15:11

“Agbabawiak a namagbalin nga ari ken ni Saul. Tinallikudannak ket dina tinungpal dagiti bilinko.” Nakapungtot ni Samuel, ket nagpatpatnag a nagkararag ken ni Yahweh.

1 Samuel 15:29

Saan nga agulbod wenno agbalbaliw ti panunot ti nadayag a Dios ti Israel. Saan a tao—dina baliwan ti panunotna.”

1 Samuel 15:35

Manipud idin agingga iti ipapatayna, saannan a nakita ni Saul, ngem nagladingit iti napasamak iti ari. Nagbabawi ni Yahweh iti panangdutokna kenkuana nga ari ti Israel.